آسارام
آسارام | |
---|---|
![]() |
|
معلومات شخصیت | |
پیدائش | [1] بیرانی، برطانوی ہند |
17 اپریل 1941
رہائش | احمدآباد، گجرات |
قومیت | بھارتی |
مذہب | ہندو مت |
زوجہ | لکشمی دیوی |
اولاد | نارائن پریم سائی (فرزند) بھارتی دیوی (دختر) |
والدین | مہنگی با (والدہ) تاؤمل سیروملانی (والد) |
عملی زندگی | |
پیشہ | مصنف |
ویب سائٹ | |
ویب سائٹ | آشرم ڈاٹ او آر جی |
درستی - ترمیم ![]() |
آسارام باپو (مکمل نام: اسومل تاؤمل سیروملانی، پیدائش: 17 اپریل 1941ء، نواب شاه ضلع، سندھ صوبہ)[2] بھارت کے ایک ہندو مذہبی واعظ، روحانی گرو اور خود ساختہ سنت ہیں جو اپنے شاگردوں کو ایک سچے خدا کے وجود کا تعلیم دیتے ہیں .[3] انھیں ان کے بھکت اکثر باپو کے نام سے مخاطب کرتے ہیں۔ آسارام 400 سے زائد چھوٹے بڑے آشرموں کے مالک ہیں۔ ان کے شاگردوں کی تعداد کروڑوں میں ہے۔
آسارام باپو عام تنازعات سے منسلک رہے ہیں جس کی وجہ سے فوجداری کے مقدمات میں ان کے خلاف دائر درخواستیں، ان کے آشرم پر الزامات، 2012ء دہلی آبروریزی پر ان کے تبصرے اور 2013ء میں نابالغ لڑکی کا مبینہ جنسی استحصال شامل ہیں۔ ان پر لگے الزامات کی پرت ایک کے بعد ایک کھلتی جا رہی ہے۔ الزامات کی آنچ ان کے بیٹے نارائن سائیں تک پہنچ چکی ہے جو اب بھی فرار ہے۔ عدالت نے انھیں عدالتی حراست میں رکھنے کا فیصلہ لیا ہے۔ فی الحال آسارام جودھپور جیل کی سلاخوں کے پیچھے قید ہیں۔
جنسی سے چھیڑ خانی کا یہ معاملہ 20 اگست 2013ء کو روشنی میں آیا جب ایک ایف آئی آر دہلی کے کملا نگر تھانے میں رات 2 بجے درج ہوئی۔ واقعہ جودھپور کے مڑي میں واقع فارم ہاؤس میں 16 اگست کا بتایا جاتا ہے۔ ایف آئی آر میں لڑکی نے الزام لگایا ہے باپو نے رات میں اسے کمرے میں بلایا اور 1 گھنٹے تک جنسی زیادتیاں کی۔ طبی معائنے میں کسی قسم کے نشانات نہیں حاصل ہوئے نہ آبروزیزی کی تصدیق ہوئی۔ لڑکی اترپردیش کے شاہجہانپور کی رہائشی ہے جو 12 ویں جماعت کی طالبہ ہے۔ وہ چھندواڑہ میں آشرم کے کنیا اسکول میں پڑھتی تھی۔
سوانح عمری
[ترمیم]سابقہ زندگی
[ترمیم]آسارام کی پیدائش 17 اپریل 1941ء[4] کو برطانوی ہند کے نواب شاه ضلع کے بیرانی گاؤں میں ہوئی، جو اب پاکستان میں ہے۔ ان کی ماں کا نام مہنگی با اور والد کا نام تاؤمل سیروملانی تھا۔[5][6] 1947ء میں ہندوستان کی تقسیم کے وقت وہ اور ان کے خاندان کے تمام لوگ بھارتی ریاست گجرات کے احمد آباد میں قائم ہو گئے۔ دولت و شان سب کچھ چھوٹ جانے کی وجہ سے خاندان اقتصادی بحران کے جال میں پھنس گیا تھا۔ احمد آباد آنے کے بعد روزی روٹی کے لیے تاؤمل نے لکڑی اور کوئلے کا کاروبار شروع کیا۔ حالات میں بہتری ہونے کے بعد انھوں نے شکر کا کاروبار بھی شروع کیا۔[7] ان کے والد کے انتقال کے بعد، انھوں نے اپنی ماں سے دھیان اور روحانیت کی تعلیم حاصل کی۔ اس کے بعد انھوں نے گھر چھوڑ دیا اور ملک گھومنے پھرنے پرنکل پڑے۔ گھومتے پھرتے وہ سوامی شری لال جی مہاراج کے آشرم، ورنداون چلے گئے۔[8]
ذاتی زندگی
[ترمیم]اپنی کی ذاتی زندگی میں آسارام نے لکشمی دیوی سے شادی کر لی جس سے ان کے ایک بیٹے نارائن سائیں اور ایک بیٹی بھارتی دیوی پیدا ہوئے۔
اسومل سے آسارام
[ترمیم]ورنداون میں گرو سے سند علمیت لینے کے بعد اسومل نے اپنا نام بدل کر آسارام رکھ لیا اور گھوم گھوم کر روحانی گفتگو کے ساتھ ساتھ خود بھی تربیت دینے لگے۔ ان کے ست سنگ پروگراموں میں عقیدتمند بھاری تعداد میں شریک ہونے لگے . تقریبًا 20،000 طالب علم تو ان کے احمدآباد میں دسمبر 2001ء میں ہوئے ست سنگ میں ہی پہنچے تھے۔[9] اگست 2012ء میں گودھرا کے قریب ان کا ہیلی کاپٹر کریش ہو گیا جس میں اتفاق سے آسارام اور پائلٹ سمیت تمام مسافر محفوظ بچ گئے۔[10] اگرچہ اس حادثے میں تمام کا بچ جانا محض ایک اتفاق تھا لیکن ان کے معتقدین نے اسے باپو کا معجزہ مان لیا۔ اس کے بعد ان کے ست سنگ میں شامل ہونے والوں کی تعداد دن دونی رات چوگنی ہوتی چلی گئی۔
تنازعات میں آسارام
[ترمیم]اگست 2013ء میں باپو آسارام کے اوپر جودھپور میں ان ہی آشرم میں ایک شوڈشي (سولہ سال کی) کنواری لڑکی کے ساتھ مبینہ طور پر غیر معمولی بدسلوکی کے الزام لگے۔[11][12][13] دو دن بعد اس نابالغ لڑکی کے والد نے دہلی جاکر پولیس میں اس سانحہ کی رپورٹ درج کرائی۔ پولیس نے عصمت دری سے متاثرہ کا طبی معائنہ کرایا اور جب اس بات کی تصدیق ہو گئی کہ رپورٹ جھوٹی نہیں ہے تب اس نے لڑکی کے قلمبند بیان لے کر سارا معاملہ راجستھان پولس کو منتقل کر دیا۔[14] آسارام کو پوچھ گچھ کے لیے 31 اگست 2013ء تک کا وقت دیتے ہوئے سمن جاری کیا گیا۔ اس کے باوجود جب وہ حاضر نہیں ہوئے تو دہلی پولیس نے ان کے خلاف تعزیرات ہند کی دفعہ 342 (غلط طریقے سے گرو بنانا)، 376 (عصمت دری)، 506 (مجرمانہ حربے) کے تحت مقدمہ درج کرنے کے لیے جودھپور کی عدالت میں سارا معاملہ بھیج دیا۔[15] پھر بھی آسارام گرفتاری سے بچنے کے اقدامات کرتے رہے . انھوں نے اندور جاکر وعظ و نصیحت دینا شروع کر دیا۔ پنڈال کے باہر گرفتاری کو پہنچی پولیس کے ساتھ باپو کے حامیوں نے ہاتھاپائی کی۔ آخر کار رات کے بارہ بجے تک انتظار کرنے کے بعد جیسے ہی یکم ستمبر 2013ء کی تاریخ آئی، راجستھان پولیس نے آسارام کو گرفتار کر لیا اور ہوائی جہاز کے ذریعے جودھپور لے گئی۔[13][16] انھوں نے نابالغ لڑکی کے تمام الزامات کو مسترد کرتے ہوئے [17] مرکز میں حکمران کانگریس پارٹی کی صدر سونیا گاندھی اور ان کے بیٹے راہل گاندھی پر ہی ان کے خلاف سازش رچنے کا الزام (الٹا الزام) لگا دیا۔[18]
سلاخوں کے پیچھے
[ترمیم]فی الحال آسارام جودھپور کی جیل میں بند ہیں اور خودکش حملہ کے لیے کوشش کر رہے ہیں۔ انھوں نے اپنی ضمانت کے لیے رام جیٹھ ملانی کو اپنا وکیل مقرر کیا۔ راجستھان ہائی کورٹ میں جیٹھ ملانی کی طرف سے یہ دلیل دی گئی کہ الزام لگانے والی لڑکی بالغ ہے اور ذہنی طور پر معذور ہے اور ان کے موکل (آسارام) کو ایک سازش کے تحت پھنسایا گیا ہے۔ ٹی وی چینل پر یہ خبر دیکھتے ہی شاہجہانپور میں رہ رہی شکار لڑکی نے دل برداشتہ ہو کر اپنے باپ سے کہا کہ وہ اب جینا نہیں چاہتی۔ متاثرہ کے والد نے کہا کہ آسارام کو تو کورٹ سے سزا ملے گی لیکن ان کی بیٹی پر غلط الزام لگانے والے وکیل کو خدا کی عدالت میں سزا مل جائے گی۔[19] بہر حال، عدالت نے یکم اکتوبر، 2013 تک کا وقت جیٹھ ملانی کو ثبوت اکٹھے کرنے کے لیے دیا۔
1 اکتوبر، 2013 کو جج نرمل جيت کور کی عدالت میں سماعت کے دوران استغاثہ کی جانب سے الزام لگایا گیا کہ آسارام بچیوں کے جنسی استحصال (پيڈوفیيليا) نام کی بیماری میں مبتلا ہیں۔ اس سلسلے میں ایک ڈاکٹر کا سرٹیفکیٹ بھی پیش کیا گیا۔ استغاثہ کے وکیل کا یہ دعوی جیٹھ ملانی کے اس دعوے پر حکم کا کا محرک یہ امر ثابت ہوا جس میں انھوں نے نابالغ بچی کو مردوں کی طرف متوجہ ہونے کی بیماری کی دلیل دی تھی۔ پختہ ثبوتوں کو دیکھتے ہوئے جج نے آسارام کی ضمانت کی درخواست مسترد کر دی۔[20]
عدالت میں مقدمے کی تفتیش کے دوران ان پر لگے الزامات کی پرت ایک کے بعد ایک کھلتی جا رہی ہے۔ الزامات کی آنچ ان کے بیٹے نارائن سائیں تک پہنچ چکی ہے۔ وہ ابھی تک فرار ہے اور پولیس کے ہاتھ نہیں آ رہا۔ ان حالات کو دیکھتے ہوئے عدالت نے انھیں عدالتی حراست میں رکھنے کا فیصلہ لیا ہے۔ فی الحال آسارام جیل کی سلاخوں کے پیچھے ہی رہیں گے۔
آبروریزی کے الزام میں پھنسے ہندو مذہبی واعظ آسارام کے کیس کے اہم گواہ کرپال سنگھ کی ایک سنیچر کی رات موت ہو گئی۔ انھیں جمعہ کی رات گھر لوٹتے وقت نامعلوم موٹر سائیکل سوار بدمعاشوں نے گولی ماری تھی۔ حالت بگڑنے پر انھیں جمعہ دیر رات ہی بریلی کے مشن اسپتال سے رجوع کر دیا گیا تھا، جہاں ان کی موت ہو گئی۔[21]
حوالہ جات
[ترمیم]- ↑ "Coal-seller Harpalani turned Asaram 'bapu' faces new allegations"۔ Daily Bhaskar۔ 22 August 2013۔ 2013-08-29 میں اصل سے آرکائیو شدہ۔ اخذ شدہ بتاریخ 29 اگست 2013
- ↑ "The Politics of Sex" [جنسی تعلقات کی سیاست]۔ انڈیا ٹوڈے (بزبان انگریزی)۔ 30 اگست 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 16 نومبر 2016
- ↑ "روحانی گرو آسارام باپو کو کے آر کے نے کہا- `راکشس`"۔ زی نیوز۔ 22 اگست 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 5 ستمبر 2013
- ↑ "Coal-seller Harpalani turned Asaram 'bapu' faces new allegations" [کوئلے کی تقسیم کنندے ہرپلانی سے بنے آسارام "باپو" کا نئے الزامات سے سامنا] (بزبان انگریزی)۔ دینک سماچار۔ 22 اگست 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 5 ستمبر 2013
- ↑ جسیم خان (25 اگست 2013)۔ "کیسے اسومل تاؤمل ہرپلانی بنا آسارام باپو؟"۔ اے بی پی نیوز۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 5 ستمبر 2013
- ↑ "Asaram worked at a tea stall before he became a 'godman'" (بزبان انگریزی)۔ آئی بی این 7۔ 30 اگست 2013۔ 03 ستمبر 2013 میں اصل سے آرکائیو شدہ۔ اخذ شدہ بتاریخ 5 ستمبر 2013
- ↑ دیگپال شاہ (2 ستمبر 2013)۔ "جب مودی سے آسارام بولے، "دیکھیں تمہاری گدی کب تک اور کیسے رہتی ہے""۔ آج تک۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 5 ستمبر 2013
- ↑ "Asaram, Son Asked To Appear Before Commission By June 6" [آسارام، فرزند 6 جون تک کمیشن کے رو بہ رو پیش ہونے کے لیے کہا] (بزبان انگریزی)۔ انڈیا ٹی وی نیوز۔ 10 مئی 2011۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 5 ستمبر 2013
- ↑ "Students throng at Asaram Bapu's discourse"۔ December 2, 2001۔ 23 اکتوبر 2012 میں اصل سے آرکائیو شدہ۔ اخذ شدہ بتاریخ 7 ستمبر 2013
- ↑ "Spiritual leader Asaram Bapu survives chopper crash"۔ دی ٹائمز آف انڈیا۔ اگست 30، 2012۔ 19 اکتوبر 2012 میں اصل سے آرکائیو شدہ۔ اخذ شدہ بتاریخ 7 ستمبر 2013
- ↑ "Rajasthan Police dispatches team to interrogate Asaram Bapu in rape case"۔ India Today۔ August 26, 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 06 ستمبر 2013
- ↑ "After rape, Asaram Bapu threatened me to keep quiet, says girl"۔ Financial Express۔ August 26, 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 06 ستمبر 2013
- ^ ا ب "Asaram Bapu brought to Jodhpur after late night arrest"۔ NDTV۔ September 1, 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 06 ستمبر 2013
- ↑ "Asaram Bapu rape case: Medical test confirms sexual assault of victim"۔ India Today۔ August 21, 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 06 ستمبر 2013
- ↑ "FIR registered by victim against Asaram Bapu reveals a horrific tale of sexual assault"۔ India Today۔ August 31, 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 06 ستمبر 2013
- ↑ "Indian guru Asaram Bapu arrested over rape claims"۔ September 1, 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 16 نومبر 2016
- ↑ "Bakwaas: Asaram Bapu's response to charges that he threatened teen girl"۔ NDTV۔ August 27, 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 16 نومبر 2016
- ↑ "Asaram Bapu says Sonia Gandhi and her son Rahul behind conspiracy against him in sexual assault case"۔ India Today۔ August 29, 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 06 ستمبر 2013
- ↑ "آسارام کے وکیل کا بیان سن کر متاثرہ بولی، پاپا اب میں جینا نہیں चाहती.."۔ دینک جاگرن۔ 19 ستمبر 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 19 ستمبر 2013
- ↑ "آسارام کو ہے کم عمروں کے جنسی استحصال کی بیماری"۔ ہندوستان (اخبار), نئ دہلی/جودھپور۔ 2 اکتوبر 2013۔ 24 دسمبر 2018 میں اصل سے آرکائیو شدہ۔ اخذ شدہ بتاریخ 2 اکتوبر 2013
- ↑ Witness in Asaram case shot dead
مزید دیکھیے
[ترمیم]خارجی روابط
[ترمیم]- دفتری ویب سائٹ
- بھلے چنگے ہیں آسارام، مردانگی کے امتحان میں بھی کامیاب
- آسارام کو ہے بچیوں کے جنسی استحصال کرنے کی بیماریآرکائیو شدہ (Date missing) بذریعہ livehindustan.com (Error: unknown archive URL)