Šaripovo

Šaripovo
Шарыпо��о

Lidnanznam	Flag
Valdkund	Venäma
Eläjiden lugu (2021)	33,961 ristitud
Pind	28,97 km²
Pämez'	Vadim Hohlov (sulaku 2022—)
Telefonkod	+7−39 153-xx-xxx
Avtokod	24, 84, 88, 124
Aigvö	UTC+7 (MSK+4)

Šaripovo (ven.: Шары́пово) om Venäman lidn da lidnümbrik Krasnojarskan randan suvipalan päivlaskmas. Se om Šaripovon rajonan administrativižeks keskuseks, ei mülü rajonha.

Eländpunktan aluz om pandud 18. voz'sadal kuti Šaripovskoje-külä. Kätihe rajonan keskuseks vl 1941, radnikžiloks vn 1977 keväz'kun 18. päiväl. Vn 1981 31. heinkud žilo sai lidnan statusad. Vozil 1985−1988 nimitihe sidä Černenko:ks.

Šaripovon šingotez om sidodud Kanskan da Ačinskan buran hil'basseinan otandha kävutamižhe — Berözovskii-kar'jer i Berözovskai GRES.

Lidn sijadase Kadat-jogen randal (ven.: Кадат, Čuliman hurapol'ne bassein), 310 m ü.m.t. keskmäižel korktusel, jagase 11 lidnanlaptaks. Matkad Krasnojarskhasai om 315 km päivlaskmha avtotedme. Lähembaine lidn om Užur 47 km suvipäivnouzmha orhal vai 75 km avtotedme.

Klimat om terav kontinentaline kuiv. Keza om päivoikaz, tal'vaig om pil'vekaz lujas. Voden keskmäine lämuz om +3,1 C°, kezakun-elokun +16,6..+18,6 C°, tal'vkun-uhokun −10,2..−12,3 C°. Paneb sadegid 220 mm vodes, 8 (kül'mku)..25 (tal'vku) millimetrad kuidme.

Kaik kaks' lidnanvuittušt žilod mülüdas lidnümbrikho Šaripovon ližaks: Dubinino (8 961 rist. vl 2017) i Goräčegorsk (641 rist. vl 2017).

Lidnümbrikon tobmuden pämez' om sen Administracijan pämez'. Edeline lidnan pämez' om Natal'ja Petrovskaja (keväz'ku 2017 — sulaku 2022).

Vn 2010 Venäman rahvahanlugemižen mödhe lidnan eläjiden lugu oli 38 561 ristitud, lidnümbrikon — 48 814 ristitud. Vn 2021 rahvahanlugemižen mödhe lidnan ristitišt oli 33 961 eläjad. Kaik 37 169 eläjad oli lidnas vl 2017. Kaikiš suremb lidnan ristitišt oli 43 700 eläjad vl 1998.

Ortodoksižen hristanuskondan kaks' pühäpertid^[1] oma avaitud lidnas: Eläban Eziauguižen Stroican päjumalanpert' (om saudud vll 1991−1999) i Jumalanmaman «Palamatoi penzaz»-jumalaižen puine časoun' lämoipalonvastaiženno palakundanno (vspäi 2016).

Lapsiden opendusen aluzkundad oma ühesa päivkodid (nomer 1..6, 15, 21, 22), viž keskškolad (nomer 1, 2 (ende 11), 3, 7, 8), lapsiden da norišton keskuz (koume korpusad), čomamahtoiden škol, lidnan sportškol, olimpižen varan sportškol üks'borcuindoiš. Šaripovon äiprofil'ne kolledž^[2], Tomskan kommunaliž-sauvondtehnikuman filial i Ačinskan saraktehnologijoiden da biznesan kolledžan filial oma lidnan professionaližen opendusen aluzkundoikš.

• 
  Venäman keskuzbankan lugendkassine keskuz lidnas (2018)
• 
  Pühän Stroican päjumalanpert', vn 2013 nägu
• 
  Berözovskai GRES vl 2018
• 
  Šaripovon kadetoiden il'mdesantine korpus (2013)
• 
  «Listväg»-kafe (2018)

1. ↑ Šaripovon pühäpertid sobory.ru-saital. (ven.)
2. ↑ Šaripovon äiprofil'žen kolledžan sait (shmk-edu.ru). (ven.)

• Municipaližen «Šaripovo-lidn»-ühtnikan tobmuden aluzkundoiden oficialine sait (sharypovo-r04.gosweb.gosuslugi.ru). (ven.)

Šaripovo Vikiaitas