Passer (alloam)
E passer is e technisch teekninstrument die kan gebruykt wordn vo cirkels of boogn te teeknn of vor ofstandn te meetn, lyk ip koartn.
![](http://178.128.105.246/cars-http-upload.wikimedia.org/wikipedia/commons/thumb/a/a7/Cyrkiel_RB1.jpg/220px-Cyrkiel_RB1.jpg)
De passer wierd al gebruykt roend 1000 v.Chr. Dat is te zien ip eirdewerk uyt dien tyd, die in Grieknland is ipgegroavn. Doarip wierdn cirkels getrokn ter decoroasje met e passer. 't Gatje van de passerpunt is duydelyk zichtboar.
De meeste passers zyn gemakt van metoal en bestoan uyt teminste twèe deeln van gelykige lengte, beenn genoamd. Ze wordn deur middel van e scharniere an de boovnkant mè mekoar verboendn. Meestal ist er vanoender by één been e pinne en by d'n andern e potloodstifte of 'n houder vor e teeknpenne.
Vo d'n ofstand te meetn ip e koarte by navigoasje, wordt e passer gebruykt zoender potlood of penne, moa mè twèe pinn, e steekpasser genoamd.
![](http://178.128.105.246/cars-http-upload.wikimedia.org/wikipedia/commons/thumb/f/fe/IMB_DQj3Fs.gif/220px-IMB_DQj3Fs.gif)