binde

Tayon-bodje vî vî tîxhon * «binda», do viebe «binden», loyî.

• AFE :
  • diferins prononçaedjes : /bɛ̃t/ /bãt/ /baːn/ /bãn/ /bɛːn/
  • prononçaedje zero-cnoxheu : /bɛ̃t/
• Ricepeures : nén rcepåve

binde femrin

1. longue, sitroete et plate sacwè.
   • Prin ene binde di cawoutchou po fé warot.
   • Côper on noret d' potche a bindes po bindler s' doet. — Motî Haust (fråze rifondowe).
2. båre.
   • Les bindes d' on fier di feu. — Motî Forir (fråze rifondowe).
3. (mot d’ medcén) blanc texhou k' on-z ewalpêye åtoû d' ene plåye.
   • Li binde di singneye s' a disfwait del nute. — Motî Forir (fråze rifondowe).
4. trope di djins, di biesses (sovint veyou d' on laid costé).
   • Il est la come on tchivroû k' a les tchesseus ey ene binde di tchéns a ses coirdeles — Paul Rousselle (fråze rifondowe).
   • Binde di hapeus d' boûsse !
   • Ses tourètes qu’ahoutèt tofér ine hèrlêye di flîtch’teûs prètes à l’bataye, si boutèt so l’crèstê parèye à n’binde d’adjèyants qu’ont l’êr dè man’cî les tiers — Joseph Mignolet, "Li Payîs des Sotês", 1926, p. 27.
5. troke d' ene minme sacwè.
   • T' åreus yeu ene seule måjhon dins l' binde avou on griyaedje et on schayî, ki ça åreut l' air d' ene gurnouye sol nez d' ene djonne feye — Ben Genaux (fråze rifondowe).
6. (muzike) trope di muzicyins avou on tchanteu.
   • Dj a cmincî e 1978 avou mes prumîs muzicyins. Deus ans pus tård avou ene ôte binde, nos avans yeu on franc succès tot djouwant do rok (Vincent Delire).

1. des solés al binde : des solés a dobe semele.

• binder, bindaedje
• bindler, bindlaedje
• rabindler, rabindlaedje
• disbinde

• cwate-bindes
• binde di bodene, binde di botroûle
• binde di gåmete
• binde d’ imådjes
• binde di pantalon
• binde di tchmijhe

Li mot dins on tite di live, di gazete, di soce, di marke

• Composs Binde (Compost Binde), binde di tchanteus e walon.

  Lijhoz l’ årtike binde (discramiaedje) so Wikipedia