Vliesvlerkiges
Vliesvlerkiges | |
---|---|
![]() | |
Wetenskaplike klassifikasie ![]() | |
Domein: | Eukaryota |
Koninkryk: | Animalia |
Filum: | Arthropoda |
Klas: | Insecta |
(geen rang): | Endopterygota |
Superorde: | Hymenopterida |
Orde: | Vliesvlerkiges Linnaeus, 1758 |
Subordes | |
Vliesvlerkiges (of vliesvleueliges, Hymenoptera) is 'n groot orde van insekte. Die orde omvat honderdduisende spesies insekte wat almal dun, deursigtige vlerke het. Van die bekende lede hiervan is miere, bye en perdebye.[2]
Hymenoptera beteken letterlik vlies (hymen) vleuel (pteron, meervoud ptera) en dui op die vliesagtige vlerke wat nie deels verhard is (soos by die kewers) nie, en wat nie skubbe het (soos by vlinders) nie. 'n Reeks hakies, wat hamuli genoem word, verbind die agterste met die voorste vlerke.
Die wyfies het gewoonlik 'n spesiale lêboor (ovipositor) vir die lê van hul eiers in gashere of andersins ontoeganklik plekke. Die lêboor is dikwels in 'n angel gewysig.
Hierdie insekte ondergaan 'n volledige metamorfose en het dus 'n wurmagtige larwestadium en 'n onaktiewe papiestadium, voordat hulle volwassenheid bereik.
Verwysings
- ↑ Ronquist, Fredrik; Klopfstein, Seraina; Vilhelmsen, Lars; Schulmeister, Susanne; Murray, Debra L.; Rasnitsyn, Alexandr P. (Desember 2012). "A Total-Evidence Approach to Dating with Fossils, Applied to the Early Radiation of the Hymenoptera". Systematic Biology. 61 (6): 973–999. doi:10.1093/sysbio/sys058. PMC 3478566. PMID 22723471.
- ↑ Earthlife.net[dooie skakel]
Eksterne skakels
Wikimedia Commons het meer media in die kategorie Vliesvlerkiges.
Wikispecies het meer inligting verwant aan Vliesvlerkiges
- Vreemde spesies, Rapport, 22 Oktober 2000