Appalachiese-staproete
![](http://178.128.105.246/cars-http-upload.wikimedia.org/wikipedia/commons/thumb/0/0f/Map_of_Appalachian_Trail.png/220px-Map_of_Appalachian_Trail.png)
![](http://178.128.105.246/cars-http-upload.wikimedia.org/wikipedia/commons/thumb/7/7e/Franconia_Ridge.jpg/220px-Franconia_Ridge.jpg)
Die Appalachiese-staproete (In Engels die Appalachian Trail of voluit die Appalachian National Scenic Trail) is 'n skilderagtige 3500 km (2175 myl) lange gemarkeerde langafstand-staproete wat deur die Appalachiese Gebergte loop en 'n geleentheid bied om van die mees asemrowende natuurskoon in die ooste van die Verenigde State te ervaar. Dit strek van Springer Mountain in Georgia tot Mount Katahdin in Maine. Dit loop deur die deelstate Georgia, Noord-Carolina, Tennessee, Virginië, Wes-Virginië, Maryland, Pennsilvanië, New Jersey, New York, Connecticut, Massachusetts, Vermont, New Hampshire en Maine. Die roete word onderhou deur die "Appalachian Trail Conservancy", 'n oorkoepelende organisasie van staproete- en natuurverenigings.
Geskiedenis
[wysig | wysig bron]Die idee vir die pad het sy oorsprong by Benton MacKaye, 'n bosboukundige en natuurbewaarder, wat in 1921 daaroor geskryf het. Die gedagte was om 'n langafstandstaproete te skep wat die boerderye en wildkampe met mekaar sou verbind. Stadsbewoners sou op die wyse die geleentheid kry om die natuurskoon van die gebergtes te ervaar. Sy idees is gepubliseer in die New York Evening Post. Die artikel het die aandag getrek van die Palisades Interstate Park Kommissie, wat sopas die skade herstel het wat opgrawings aan die New Jersey Palisades, 'n ry kranse langs die westelike oewer van die Hudsonrivier, aangerig het. Konsultasies het tot die opening van die eerste gedeelte van die roete op 7 Oktober 1923 gelei. Dié gedeelte loop van "Bear Mountain" deur die "Harriman State Park" na Arden, New York.
Snelheidsrekords
[wysig | wysig bron]Een spesifieke wyse van gebruikmaking van die roete is om dit so vinnig moontlik te voet af te lê. Die snelheidsrekords word op verskillende maniere bygehou, te wete: begeleid suid-noord en onbegeleid suid-noord.
Bekende onbegeleide snelheidsrekords is:
- Joe McConaughy, noordwaarts. Hy voltooi die roete op 31 Augustus 2017 in 45 dae, 12 uur en 15 minute.[1][2]
- Heather Anderson, suidwaarts. Sy voltooi die roete op 24 September 2015 in 54 dae, 7 uur en 48 minute.[3]
Bekende begeleide snelheidsrekords is:
- Karl Meltzer, suidwaarts. Hy voltooi die roete op 18 September 2016, in 45 dae, 22 uur en 38 minute.[4][5]
- Karel Sabbe, noordwaarts. Hy voltooi die roete op 29 Augustus 2018 in 41 dae, 7 uur en 39 minute.[6]
Eksterne skakels
[wysig | wysig bron]- webtuiste van die Appalachian Trail Conservancy
- volledige kaart van die roete van die National Park Service (in PDF-formaat)
Bibliografie
[wysig | wysig bron]- Bill Bryson, Terug in Amerika, een voettocht door de Appalachen, Amsterdam, 2006.
- Fer en Loes Daniels, De wonderen van de Appalachian Trail: het langste voetpad ter wereld van Georgia naar Maine, Amerika.
Verwysings
[wysig | wysig bron]- ↑ "Meet the Man Who Just Destroyed The Appalachian Trail Speed Record". 6 September 2017.
- ↑ Arcement, Katherine (3 September 2017). "With a 25-pound pack, Joe McConaughy breaks Appalachian Trail speed record" – via www.washingtonpost.com.
- ↑ Landers, Rich (3 Oktober 2015). "Seattle's Heather Anderson breaks Appalachian Trail hiking record". Spokesman-Review, via Missoulian. Besoek op 3 Oktober 2015.
- ↑ Crouse, Lindsay (18 September 2016). "Ultra Runner Karl Meltzer Sets Appalachian Trail Record, Fueled by Beer and Candy". The New York Times. Besoek op 19 September 2016.
- ↑ Staff (19 September 2016). "Karl Meltzer sets new Appalachian Trail record". Red Bull. Besoek op 20 September 2016.
- ↑ Miles, Kathryn. "Karel Sabbe Made Smashing the AT Speed Record Look Easy", Outsideonline, 29 Augustus 2018.
![]() |
Wikimedia Commons bevat media in verband met Appalachian Trail. |
Hierdie artikel is in sy geheel of gedeeltelik vanuit die Nederlandse Wikipedia vertaal. |