Baälsamin
![](http://178.128.105.246/cars-http-upload.wikimedia.org/wikipedia/commons/thumb/f/f9/PalmyreneDeities.jpg/220px-PalmyreneDeities.jpg)
Baälsamin, Baal Sjamin of Baäl Sjamin (Aramees: ܒܥܠ ܫܡܝܢ), letterlik "god van die hemel", is ’n Semitiese godheid en ’n titel wat aan verskeie gode toegeken is, veral in Kanaän/Fenisië en Sirië. Die titel is meestal gebruik vir Hadad, wat dikwels ook net Baäl genoem is. Baälsamin was een van die twee oppergode en die luggod van Palmyra in Antieke Sirië (die ander hoofgod was Bel).[1]
Kultus
[wysig | wysig bron]Baälsamin se simbole was die weerligstraal en die arend, en hy het waarskynlik ’n triade gevorm met die maangod, Aglibol, en die songod, Malakbel.[2] Volgens inskripsies het die kultus van Baälsamin in Tirus voortgeduur van Esarhaddon se tyd tot aan die einde van die 1ste millennium v.C.
In sommige tekste word hy gelykgestel aan Uranos, die Griekse luggod, of aan Zeus, die Griekse hoofgod.
Daar was ’n bekende, goed bewaarde tempel vir Baälsamin in Palmyra, wat die ekstremistiese militante groep Islamitiese Staat in Irak en die Levant (ISIL) in Julie of Augustus 2015 verwoes het.[3]
Verwysings
[wysig | wysig bron]- ↑ Dirven, Lucinda (1999). The Palmyrenes of Dura-Europos: A Study of Religious Interaction in Roman Syria. BRILL. p. 76. ISBN 978-90-04-11589-7. Besoek op 17 Julie 2012.
- ↑ Kaizer, Ted (2002). The Religious Life of Palmyra: A Study of the Social Patterns of Worship in the Roman Period. Franz Steiner Verlag. pp. 87, 88, 140. ISBN 978-3-515-08027-9. Besoek op 17 Julie 2012.
- ↑ "Palmyra's Baalshamin temple 'blown up by IS'". BBC (in Engels). 23 Augustus 2015. Geargiveer vanaf die oorspronklike op 23 Mei 2020. Besoek op 23 Augustus 2015.
Eksterne skakels
[wysig | wysig bron]- Stuart Whatling: "Arabia Syria: Palmyra" Foto's van die Tempel van Baälsamin in Palmyra
Hierdie artikel is vertaal uit die Engelse Wikipedia