Herakleopolis
![](http://178.128.105.246/cars-http-upload.wikimedia.org/wikipedia/commons/thumb/2/2f/Relieve_tumba_Satbahetep_%28M.A.N._Inv.1976-114-A-2080%29_02.jpg/220px-Relieve_tumba_Satbahetep_%28M.A.N._Inv.1976-114-A-2080%29_02.jpg)
Herakleopolis (Grieks: Ἡρακλεόπολις, Latyn: Heracleopolis Magna) was die hoofstad van die 20ste nomos (administratiewe streek) van Antieke Egipte. Dit is sowat 15 km wes van die hedendaagse stad Beni Suef geleë.[1] In Egipties het dit Henen-nesoet, Nen-nesoe of Hwt-nen-nesoe geheet, wat beteken "huis van die koninklike kind".
Geskiedenis
[wysig | wysig bron]Die datum van die eerste nedersetting op die terrein is onbekend, maar ’n inskrywing op die Palermosteen vertel van farao Den se besoek aan die heilige Herisjef-meer by Nenj-neswt, die stad se antieke naam. Dit moes dus al in die middel van die 1ste Dinastie bestaan het, omstreeks 2970 v.C.[2]
Herakleopolis het tussen 2181-2055 v.C., tydens die Eerste Oorgangstydperk, belangrik geword en sy hoogtepunt bereik.[3] Ná die val van die Ou Ryk is Egipte verdeel in Bo- en Benede-Egipte en Herakleopolis het die hoofstad van laasgenoemde geword. Die stad het Benede-Egipte in so ’n mate beheer dat Egiptoloë soms na die tyd tussen die 9de en 10de Dinastie (2160-2025 v.C.) verwys as die Herakleopolitaanse Tydperk.[1] Die stad was dikwels in konflik met die hoofstad van Bo-Egipte, Thebe.[3]
Teen die tyd van die Ptolemeïese Ryk (322-30 v.C.) was Herakleopolis nog ’n belangrike godsdiens- en kultuursentrum, en tydens die Romeinse tydperk (30 v.C.-390 n.C.) was dit steeds bewoon.[3]
Verwysings
[wysig | wysig bron]- ↑ 1,0 1,1 An Introduction to the Archaeology of Ancient Egypt, 2008. Oxford: Blackwell Publishing. 2008.
- ↑ Toby Wilkinson: Early Dynastic Egypt. Routledge, Londen/New York 1999, ISBN 0-415-18633-1 p. 325.
- ↑ 3,0 3,1 3,2 The Princeton Dictionary of Ancient Egypt, 2008. Princeton: Princeton University Press. 2008.
Eksterne skakels
[wysig | wysig bron]- Interactive Dig: Hierakonpolis
- Hierakonpolis Online
Wikimedia Commons het meer media in die kategorie Herakleopolis.