Kuskokwimrivier
Kuskokwimrivier | |
---|---|
Lugbeeld van die Kuskokwimrivier in Alaska. | |
Die stroomgebied van die Kuskokwimrivier. | |
Oorsprong | Saamvloei van Oos- en Noord-Fork, naby Medfra, Alaska (Verenigde State) |
Monding | Kuskokwimbaai, Alaska Beringsee |
Stroomgebied | Alaska (Verenigde State) |
Lengte | 1 130 km (702 myl) |
Oorspronghoogte | 1 114 m (3 655 vt) |
Mondinghoogte | 0 m (0 vt) |
Gemiddelde afloop | 1 900 m³/s (67 000 vt³/s) |
Stroomgebiedopp. | 120 000 km² (48 000 myl²) |
Die Kuskokwimrivier (Engels: Kuskokwim River; Russies: Кускоквим, Kuskokwim, afgelei van Yup'ik: kusquqviim; hedendaagse Yup'ik: Kusquqvak) is 'n groot wes-vloeiende rivier in die Verenigde State. Die Kuskokwimrivier het 'n lengte van 1 130 km en vloei deur die Amerikaanse deelstaat Alaska.
![](http://178.128.105.246/cars-http-upload.wikimedia.org/wikipedia/commons/thumb/f/f0/Bethel_Alaska_aerial_view.jpg/220px-Bethel_Alaska_aerial_view.jpg)
Die Kuskokwimrivier ontstaan uit die saamvloei van Oos- en Noord-Fork, naby Medfra, Alaska, waarna dit in 'n westelike rigting deur dié deelstaat vloei. Dit mond wes van Bethel in die Kuskokwimbaai, 'n deel van die Beringsee, uit.
Die rivier se naam is afgelei van die Yup'ik-woord kusquqviim wat in 1826 deur 'n Russiese seevaarder opgeteken is en na 'n "groot, stadig bewegende ding" verwys. 'n Verouderde Tanana-naam (Athabaskan) vir dié rivier was Chin-ana.[1]
Verwysings
[wysig | wysig bron]- ↑ (en) "Kuskokwim River". Geographic Names Information System. United States Geological Survey. 1 Januarie 2000. Besoek op 2 Mei 2011.
Eksterne skakels
[wysig | wysig bron]Wikimedia Commons het meer media in die kategorie Kuskokwimrivier.