Louis Berger
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
![](http://178.128.105.246/cars-http-upload.wikimedia.org/wikipedia/af/thumb/0/05/Louis_Berger.jpg/180px-Louis_Berger.jpg)
Louis Berger (Johannesburg (waarskynlik), 27 Desember 1919 – onbekend) was ’n Suid-Afrikaanse sakeman.
Berger was die seun van Jacob Berger. Hy het sy skoolopleiding aan die Hoër Seunskool Parktown in die Goudstad ontvang, en daarna ’n aantal jare lank as klerk gewerk, voor hy hom by sy broer, Morris Berger, aangesluit het saam met wie hy jare later nog as mededirekteur gewerk het.
Sy belangstellings was verskeie sportsoorte, veral sokker, en hy was ’n ywerige ondersteuner van die Rangers-sokkerklub (eerste divisie) sedert 1928. Sy tydverdrywe was swem en liggaamlike kultuur. Hy is op 30 Maart 1958 met Caroline, dogter van Isaac Seinik, getroud. Uit die huwelik is drie dogters gebore. Hy en sy gesin het in die sestigerjare in die Johannesburgse woonbuurt Saxonwold gewoon.
Bron
[wysig | wysig bron]- (af) (en) Kruger, dr. D.F. 1963. Wie is wie in Suid-Afrika. Johannesburg: Vitae Uitgewers.