Luggevegspatrollie
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
'n Luggevegspatrollie is 'n soort operasionele sending vir vegvliegtuie.
![](http://178.128.105.246/cars-http-upload.wikimedia.org/wikipedia/commons/thumb/0/06/US_Air_Force_011106-F-4308R-035_Noble_Eagles.jpg/300px-US_Air_Force_011106-F-4308R-035_Noble_Eagles.jpg)
'n Luggevegspatrollie is 'n vliegtuigpatrollie wat verskaf word oor 'n sekere omgewing, oor die grondmagte wat beskerm word, oor 'n kritieke area van 'n gevegsone, of oor 'n lugverdedigingsgebied. Ten doel is die onderskepping en vernietiging van vyandelike vliegtuie voordat hulle hul teiken kan bereik. Luggevegspatrollies vind oor beide land en water plaas ter beskerming van ander vliegtuie, vaste en mobiele instellings op land, of skepe ter see.
Dit behels gewoonlik vegters wat 'n taktiese patroon vlieg, rondom 'n teiken wat verdedig moet word, terwyl gesoek word na enige indringeraanvallers. Effektiewe patrolleringspatrone behoort vegvliegtuie in te sluit wat op beide hoë en lae hoogtes geposisioneer is, om die reaksietyd te verkort indien 'n aanval bespeur word. Moderne patrollies word óf grondgekoördineer óf AWACS-beheer om die maksimum vroeë waarskuwing vir teenreaksie te voorsien.
Die eerste luggevegspatrollies was kenmerkend van vliegdekskipbedrywighede, waar missies gevlieg is om 'n draergevegsgroep te beskerm, maar die term is deesdae generies in beide lugmag- en vlootvlugbedrywighede. Die operasies verskil van vegterbegeleiding omrede die gevegspatrolliekrag nie gekoppel is aan die groep wat dit beskerm nie, nie beperk is in hoogte en die spoed wat gevlieg word nie, en die taktiese buigsaamheid het om enige bedreiging onverpoos aan te val. Vegterbegeleiding bly tipies met die bate wat dit ondersteun en teen die spoed van die ondersteuningsgroep, as 'n finale reaktiewe mag teen 'n moontlike bedreiging. Wanneer 'n begeleidingsvlug betrokke raak in 'n luggeveg, word die magte wat ondersteun word onbeskerm gelaat.
Hierdie artikel is in sy geheel of gedeeltelik vanuit die Engelse Wikipedia vertaal. |