Moses Tladi
Moses Tladi | |
---|---|
![]() | |
Gebore | 1903 Lobethal, GaPhahla, Suid-Afrika |
Sterf | 1959 Soweto, Transvaal |
Nasionaliteit | Suid-Afrikaner |
![](http://178.128.105.246/cars-http-upload.wikimedia.org/wikipedia/commons/thumb/5/5e/Moses-Tladis-Parents.jpg/220px-Moses-Tladis-Parents.jpg)
Moses Tladi (1903–1959) was 'n selfopgeleide kunstenaar wat die eerste swart skilder was wat 'n formele uitstalling in Suid-Afrika gehou het en die eerste swart kunstenaar wat by die Suid-Afrikaanse Nasionale Galery uitgestal het.[1][2]
Tladi het begin skilder met oorskiet kommersiële huisverf en 'n stok. Sy talent vir skildery is opgemerk deur sy werkgewer, Read, wat begin het om aan hom kunstenaarsmateriaal te verskaf. Read het Tladi ook voorgestel aan die versamelaar en filantroop Howard Pim, wat eens 'n burgemeester van Johannesburg was, en 'n leidende rol gespeel het in die stigting van die Johannesburgse Kunsgalery. Beide Read en Pim het Tladi vanaf 1929 by openbare uitstallings bevorder. In 1931 het Tladi die eerste swart kunstenaar geword wat by die Suid-Afrikaanse Nasionale Kunsmuseum in Kaapstad uitgestal het. In 1939 was hy die eerste Swart Afrikaanse kunstenaar wat sy werke by die Nasionale Galery in Johannesburg uitgestal het, waar sy skilderye lof ontvang het.
Tladi het sy land gedurende die Tweede Wêreldoorlog gedien, en het aanhou skilder tot 1956, toe hy gedwing is om uit sy eie huis in die Johannesburgse voorstad Kensington B na Soweto te trek as gevolg van die Nasionale Party se Groepsgebiedewet. Hy is in 1959 op die ouderdom van 56 in Soweto oorlede.
Moses Tladi Unearthed
[wysig | wysig bron]Moses Tladi se skilderye
-
Die Huis in Kensington B
-
Lokshoek Johannesburg
-
Oggend in die Magaliesberge
-
Manako Sekhukuniland
Die eerste groot Suid-Afrikaanse uitstalling van die werk van kunstenaar Moses Tladi, het op Erfenisdag, 24 September 2015, by die Iziko Suid-Afrikaanse Nasionale Galery in Kaapstad geopen.[3] Die uitstalling getiteld Moses Tladi Unearthed het die besoeker 'n besonderse geleentheid gebied om sy werk te besigtig. Tladi het 'n reputasie ontwikkel as 'n realistiese landskapskilder.
Gedurende sy leeftyd was hy die eerste swart kunstenaar wat by die Iziko Suid-Afrikaanse Nasionale Galery uitgestal het, kort nadat die huidige gebou geopen is, eers in 1931 en toe in 1933. Meer as 'n halwe eeu na sy dood in 1959 bring hierdie uitstalling die betekenis van sy werk weer in die publieke aansig. Die uitstalling is in Junie 2016 na Grahamstad verskuif om deel te wees van die Nasionale Kunstefees.[4] Die uitstalling bevat ongeveer 30 Tladi-skilderye, afkomstig uit institusionele en persoonlike versamelings in Suid-Afrika en oorsee. 'n "In konteks"-benadering wat ander kunstenaars ten toon stel wat in 'n soortgelyke trant, of op dieselfde tyd gewerk het, is ook ingesluit.
Verwysings
[wysig | wysig bron]- ↑ Lloyd, A. R. (2014). "Moses Tladi, Landscape Painter: South Africa's First Black Artist Working in the Western Tradition". Nka: Journal of Contemporary African Art. 2013 (33): 20–37. doi:10.1215/10757163-2352884. ISSN 1075-7163. S2CID 194086491.
- ↑ Jolly, Lucinda (30 Junie 2016). "Unearthing Moses Tladi". Cape Times. Besoek op 2 Julie 2016.
- ↑ O'Toole, Sean (6 Oktober 2015). "On Show: There's an artist in my garden". Times LIVE. Besoek op 2 Julie 2016.
- ↑ "Moses Tladi Unearthed at the NAF". Persberig. 30 June 2016. Archived from the original on 1 Julie 2016. https://web.archive.org/web/20160701142454/http://www.artlink.co.za/news_article.htm?contentID=40314. Besoek op 2016-07-02.
Bronnelys
[wysig | wysig bron]- Read Lloyd, Angela (2009). The artist in the garden: the quest for Moses Tladi. Print Matters. ISBN 978-0-9802609-7-7.
- Coetsee, Ydi (2013). "Transvaal Romantic : an exploration of Romantic elements in the landscape paintings of Moses Tladi". South African Journal of Art History. 28 (3). hdl:10520/EJC149231. ISSN 0258-3542.