NRC Handelsblad
![](http://178.128.105.246/cars-http-upload.wikimedia.org/wikipedia/commons/thumb/d/d0/Voorpagina_Nederlands_dagblad_%22Algemeen_Handelsblad%22_10_Mei_1940.jpg/220px-Voorpagina_Nederlands_dagblad_%22Algemeen_Handelsblad%22_10_Mei_1940.jpg)
![](http://178.128.105.246/cars-http-upload.wikimedia.org/wikipedia/commons/thumb/d/dd/Jan_van_Dijk_Algemeen_Handelsblad_-Bedrijfsfotografie_1940_p_297.jpg/220px-Jan_van_Dijk_Algemeen_Handelsblad_-Bedrijfsfotografie_1940_p_297.jpg)
![](http://178.128.105.246/cars-http-upload.wikimedia.org/wikipedia/commons/thumb/0/0e/NRC1898.jpg/220px-NRC1898.jpg)
NRC Handelsblad, dikwels afgekort as NRC, is 'n Nederlandse dagblad wat gepubliseer word deur NRC Media. Dit word algemeen beskou as Nederland se "koerant van rekord".
Die NRC Handelsblad is die eerste keer op 1 Oktober 1970 gepubliseer, na die samesmelting van die Amsterdamse koerant Algemeen Handelsblad (In 1828 gestig deur J.W. van den Biesen) en die Rotterdamse Nieuwe Rotterdamsche Courant (In 1844 gestig deur Henricus Nijgh).[1] Die koerant se slagspreuk is Lux et Libertas – Lig (verwysende na die Verligting) en Vryheid.
In Februarie 2006 het NRC Handelsblad met 'n oggendblad genaamd nrc•next begin om meer belese lesers te lok wat nie elke dag 'n koerant lees nie. Folkert Jensma is op 12 Desember 2006 deur Birgit Donker as redakteur opgevolg. [2] Na 'n dispuut met die nuwe eienaars het Donker op 26 April 2010 bedank. [3] Sy is vervang deur Peter Vandermeersch. [4]
In 2014 was die NRC se oplaag 188,500 eksemplare, wat dit in die 4de plek geplaas het. [5]
In 2015 is die NRC Media-groep deur die Belgiese maatskappy Mediahuis aangeskaf.
Geskiedenis van Algemeen Handelsblad en Nieuwe Rotterdamsche Courant
[wysig | wysig bron]Algemeen Handelsblad
[wysig | wysig bron]Die Algemeen Handelsblad was 'n invloedryke Amsterdamse liberale dagblad wat tussen 1828 en 1970 gepubliseer is. Dit is in 1828[1] gestig deur J.W. van den Biesen, 'n aandelemakelaar.[6] Die koerant het nuus verskaf oor handel, die aandelemark en banksake.[6] Mettertyd het die koerant ook politieke artikels begin gepubliseer.[6]
Op die kruin van sy gewildheid—vanaf die Tweede Vryheidsoorlog, toe dit 'n voorstander van die Boere se saak was, tot die Tweede Wêreldoorlog—is dit geredigeer deur Charles Boissevain. Die koerant was liberaalgesind.
Nieuwe Rotterdamsche Courant
[wysig | wysig bron]Die Nieuwe Rotterdamsche Courant was 'n invloedryke Rotterdamse liberale dagblad wat tussen 1844 en 1970 gepubliseer is. Dit is in 1844 deur Henricus Nijgh gestig.[1] Die koerant het in 1970 met die Algemeen Handelsblad saamgesmelt om die NRC Handelsblad te vorm.[1]
Joernaliste
[wysig | wysig bron]Joernaliste wat vir NRC Handelsblad gewerk het sluit Henk Hofland, Hans van Mierlo, Marc Chavannes, Geert Mak, Karel van Wolferen, Jérôme Louis Heldring, Joris Luyendijk, Marjon van Royen, Derk Jan Eppink, Adriaan van Dis, Ben Knapen en Paul Marijnis in.
-
NRC (Rokin, Amsterdam)
Verwysings
[wysig | wysig bron]- ↑ 1,0 1,1 1,2 1,3 Cordula Rooijendijk (2005). That City is Mine!: Urban Ideal Images in Public Debates and City Plans, Amsterdam & Rotterdam 1945–1995. Amsterdam University Press. p. 23. ISBN 978-90-5629-382-6.
- ↑ NRC Handelsblad 12 December 2006 page 21 Tegenwicht aan Trivialisering: Birgit Donker benoemd tot hoofdredacteur van NRC Handelsblad
"Birgit Donker is de nieuwe hoofdredacteur van NRC Handelsblad, nrc.next en nrc.nl. De raad van bestuur van PCM heeft haar vandaag benoemd.
Rotterdam, 12 Desember Birgit Donker (41) is de opvolger van Folkert Jensma als hoofdredacteur van NRC Handelsblad." - ↑ Wilco Dekker (26 April 2010). "Donker na conflict weg als hoofdredacteur NRC". de Volkskrant. Geargiveer vanaf die oorspronklike op 29 April 2010.
- ↑ "Peter Vandermeersch hoofdredacteur NRC". Trouw. 29 Junie 2010. Besoek op 12 Januarie 2020.
- ↑ "Circulation figures". HOI, Institute for Media Auditing. Geargiveer vanaf die oorspronklike op 16 Desember 2014. Besoek op 22 September 2014.
- ↑ 6,0 6,1 6,2 "Algemeen Handelsblad Newspaper". Amsterdam Tourism. Geargiveer vanaf die oorspronklike op 19 Januarie 2015. Besoek op 19 Januarie 2015.
Eksterne skakels
[wysig | wysig bron]- Amptelike webwerf (in Nederlands)