Ottar
![](http://178.128.105.246/cars-http-upload.wikimedia.org/wikipedia/commons/thumb/1/1e/Ottarshogen.jpg/250px-Ottarshogen.jpg)
Ottar of Ohthere (Oudnoors: Óttarr vendilkráka; moderne Sweeds: Ottar Vendelkråka) was in die Noorse sagas 'n legendariese koning van Swede se Huis van Yngling. Hy het glo in die Germaanse Heroïese Tydperk gelewe, moontlik in die vroeë 6de eeu (fl. c. 515-530 n.C.).[1]
Sy naam kan in Proto-Noors omgeskakel word as *Ōhta-harjaz of *Ōhtu-harjaz. Die element "harjaz" is algemeen in Germaanse name en beteken "vegter" of "leër", terwyl die element "oht" vertaal kan word as "gevreesd" of "vreesaanjaend".[2]
Die Sweedse prins Ottar en sy broer, Onela, het geslaagde strooptogte uitgevoer teen die Gaute nadat koning Hrethel gesterf het. In 515 is hulle vader, Egil, in 'n geveg met die Gaute dood, en Ottar het hom as koning van Swede opgevolg. Hy het met 'n leer teen die Gaute opgeruk en amper koning Hygelac vermoor, maar eindelik is hy verslaan en het hy baie soldate verloor. Hy het daarin geslaag om na Swede terug te keer. In die 520's het Ottar 'n groot strooptog op die Deense kus uitgevoer. 'n Deense leër het hom egter ingewag en Ottar is gedood nadat Deense versterkings opgedaag het. Sy lyk is na Swede teruggeneem en in 'n grafheuwel begrawe. Hy is deur sy seun Adils opgevolg.
Verwysings
[wysig | wysig bron]- ↑ "Ottar", Encyclopedia Nordisk familjebok
- ↑ Peterson, Lena. Lexikon över urnnordiska personnamn PDF Geargiveer 15 September 2006 op Wayback Machine
Skakels
[wysig | wysig bron]Hierdie artikel is in sy geheel of gedeeltelik uit die Engelse Wikipedia vertaal.
Voorganger ← Egil |
Legendariese Sweedse koning | Opvolger Adils → |