Romain Descharmes
Romain Descharmes | |
---|---|
![]() | |
Agtergrondinligting | |
Gebore | 1980 (39 jaar oud) Nancy, Frankryk |
Genres | Klassiek |
Beroep(e) | Musikant, konsertpianis |
Instrumente | klavier |
Romain Descharmes (gebore in Maart 1980) is 'n Franse klassieke pianis.
Biografie
[wysig | wysig bron]Romain Descharmes was in Nancy, Frankryk gebore. Hy het met klavierstudies by die Conservatoire régional du Grand Nancy begin waar hy op die ouderdom van veertien jaar 'n goue medalje in Hugues Leclère se klas gewen het. In 1998 het hy na Parys getrek en ingeskryf by die Conservatoire de musique, danse et art dramatique en France en die Paryse Konservatoria (CNSMDP).
Hy het met sy studies voortgegaan na sy tyd by die CNSMDP; waar hy vier eerste pryse gewen het (klavier, kamermusiek, klavierbegeleiding en vokale begeleiding). Hy het onder Jacques Rouvier, Christian Ivaldi, Bruno Rigutto, Jean Koerner en Anne Grappotte gestudeer. Later het hy sy studies voorgesit onder Jacques Rouvier en daarna Bruno Rigutto. Gedurende die tyd is 'n beurs aan hom toegeken deur die Meyer Stigting vir kulturele en artistieke ontwikkeling. Hy het ook gedurende die tyd 'n opname gemaak van werke deur vroeë twintigste eeuse komponiste. Hy het vir die projek advies van Pierre Boulez ontvang. Hy het ook meesterklasse geneem by Dimitri Bashkirov, Idil Biret, John O'Conor en Oxana Yablonskaya. Terselfdertyd is Romain Descharmes ook 'n instrukteur by die Conservatoire à rayonnement régional de Paris vir kamermusiekstudente, en werk hy veral met sangers.
Romain Descharmes het gedurende die Dublin Internasionale Klavierkompetisie in 2006 eersteprys ontvang, wat daartoe gelei het dat hy by sulke luisterryke plekke soos Carnegie Hall in New York, die Wigmore Hall in Londen, die Nasionale Konsertsaal in Dublin, die Minato-saal Yokohama, die Tsuda-saal en Hakuju-saal in Tokio, die Salle Cortot en die Salle Pleyel in Parys opgetree het. Hy het ook pryse by ander internasionale kompetisies gewen. (Vlado Perlemuter, Shanghai, Hamamatsu, Alessandro Casagrande), en het ook die ondersteuning van die Yamaha en Natexis-Banque Populaire stigtings ontvang. In 2004 het hy 'n genoot van die Académie Charles Cros geword.
Romain Descharmes het in konserte saam met orkeste in die VSA, Engeland, Ierland, Frankryk, Japan en China verskyn, waarvan die mees noemenswaardige was saam met die Midland Simfonieorkes, die Nasionale Simfonieorkes van Ierland, die l'Orchestre de la Garde Républicaine, le Nouvel Ensemble Instrumental du Conservatoire de Paris, l'Orchestre de Paris, l'Orchestra del Lazio en die Shanghai Filharmoniese Orkes. Hy het uitvoerings gegee in Frankryk (Festival de La Roque-d'Anthéron, Piano aux Jacobins, Rencontres Internationales Frederic Chopin, Serres d'Auteuil, Nancyphonies, Ars Terra, Aix-en-Provence, Saint Jean-de-Luz, Estivales de Musique au Coeur du Médoc, Agora Festival) en oorsee (Festival Arties in Indië, Beirut, Leipzig, Napels, Lissabon Opera, en die Cervantino-fees in Meksiko). Romain Descharmes het ook deelgeneem aan verskeie uitsendings vir televisie en radio (France Musique, Mezzo TV, NHK Japan).
Hy is ook gesog as 'n kamermusikant. Hy is bekend vir sy aandagtige, sensitiewe speelwerk en wye repertorium, wat van sonates tot groter ensemble stukke strek, sowel as lieder, waarvoor hy besonder lief is. Hy het saam met kunstenaars soos Roland Daugareil, Henri Demarquette, Laurent Korcia, Sarah Nemtanu, die Court-Circuit Ensemble, en die Ebène Philarmoniker Quintette gewerk. Hy het verskeie CDs vir klavier opgeneem: (Ravel -Audite, Brahms -Claudio Records) en kamermusiek (Naïve, Cristal, Saphir).
In 2012 het hy die Klavierconcerto No. 2 (Camille Saint-Saëns) van Saint-Saëns opgeneem saam met die Orchestre de Paris en met Alain Altinoglu as dirigent. Daaropvolgende resensies het bevestig dat Romain Descharmes tans een van die beste Franse pianiste is.[1]
Hy speel sedert 2010 saam met die Quai n°5[2] etiket (Stéphane Logerot, Jean-Marc Phillips Varjabedian, François Desforges Geargiveer 6 April 2017 op Wayback Machine et Jean-Luc Manca). Hulle het hul eerste CD in 2010 opgeneem. Hy was uitgenooi om vanaf 9 tot 15 Maart 2013 die Eksperimentele Teater van die Nasionale Sentrum vir die Uitvoerende Kunste in Mumbai, Indië by te woon.[3][4]
Diskografie
[wysig | wysig bron]- Johannes Brahms, Sonate No.3 in F mineur, Op.5 ; Sechs Klavierstucke, Op.118 Claudio Records[5] (2008)
- Maurice Ravel, Valses nobles et sentimentales ; Gaspard de la Nuit ; Sonatine ; La Valse Audite[6] (2009)
- Johannes Brahms, trio Op.114 ; Béla Bartók, Contrastes ; Aram Khachaturian, Trio met Florent Pujuila (klarinet), Deborah Nemtanu (viool) en Yovan Markovitch (tjello) Saphir Productions[7]
- Quai N°5, Quai n°5 DECCA[8] (2010)
- Felix Mendelssohn, Vioolsonate in F mineur, Op. 4, MWV Q 12 (saam met Tianwa Yang)
Notas en verwysings
[wysig | wysig bron]5 ^ http://www.claudiorecords.com/detail/cr5786-6_descharmes.html
Verwysings
[wysig | wysig bron]- ↑ « Alain Altinoglu et Romain Descharmes à l’Orchestre de Paris – Fête française – Compte-rendu » Geargiveer 8 November 2012 op Wayback Machine Sjabloon:Fr icon
- ↑ « Quai n°5, un groupe inclassiquable » Geargiveer 30 Januarie 2019 op Wayback Machine Sjabloon:Fr icon.
- ↑ "Romain Descharmes have performed in the Experimental Theatre of the NCPA" (in Engels). ncpamumba. Geargiveer vanaf die oorspronklike op 13 Junie 2013. Besoek op 9 Maart 2013.
- ↑ "Catch a variety of western classical music being performed at the NCPA" (in Engels). timeoutmumba. Geargiveer vanaf die oorspronklike op 21 Februarie 2014. Besoek op 9 Maart 2013.
- ↑ "Archived copy". Geargiveer vanaf die oorspronklike op 22 Januarie 2013. Besoek op 4 Junie 2012.
{{cite web}}
: CS1 maint: archived copy as title (link), Claudio Records. - ↑ http://www.audite.de/en/product/SACD/92571-m_ravel_piano_works.html, Audite.
- ↑ http://www.saphirproductions.net/boutique/clarinet-trios[dooie skakel], Saphir Productions.
- ↑ http://www.quain5.com/ Geargiveer 30 Januarie 2019 op Wayback Machine, Quai n°5.
Eksterne skakels
[wysig | wysig bron]- Romain Descharmes se Amptelike webblad (besig om gebou te word)
- Biographie commentée de Romain Descharmes (Piano Bleu) (in Frans)
- Quai n°5 Geargiveer 30 Januarie 2019 op Wayback Machine (in Frans)