Sakalava
Sakalava | |
---|---|
Sakalava-mense naby Morondava. | |
Totale bevolking: | Sowat 1 200 000 |
Belangrike bevolkings in: | Madagaskar |
Taal: | Bara-Sakalava |
Geloofsoortuiging: | |
Verwante etniese groepe: | Ander Malgassiese groepe |
Die Sakalava is een van die etniese groepe van Madagaskar.[1] Hulle maak sowat 6,2% van die bevolking uit[2] en woon in die westelike en noordwestelike dele aan die kus van die eiland. Hul naam beteken "Mense van die lang valleie".
Geskiedenis
[wysig | wysig bron]![](http://178.128.105.246/cars-http-upload.wikimedia.org/wikipedia/commons/thumb/f/f8/Andriantsoly.jpg/150px-Andriantsoly.jpg)
Die stigter van die Sakalava was Andriamisara van die 15de eeu.[3] Sy afstammeling Andriandahifotsy ("die Wit Prins") het sy mag ná 1610 noordwaarts uitgebrei.[3] Sy twee seuns het die gebied nog verder vergroot. Die hoofmanne van die verskillende kusgemeenskappe het hul mag begin uitbrei om handel te beheer, veral slawehandel. Die eerste belangrike Sakalava-koninkryke is omstreeks die 1650's gestig.[2] Hulle het in die 1700's die westelike en noordwestelike streke van Madagaskar beheer.[3]
Die mondelinge geskiedenis van die Merina-volk noem jaarlikse ekspedisies deur Sakalava-slawehandelaars na hul dorpies in die 18de eeu. Die grootste hawe vir slawehandel en een van die gewildstes was die Sakalava-kusdorp Mahajanga.[4] Die Sakalava het tot aan die einde van die 18de eeu ’n monopolie op die slawehandel gehad danksy goeie wapens.[5][3]
Die Merina-koning Radama I het laat in die 18de eeu wapens gekoop en ’n oorlog teen die Sakalava van stapel gestuur, wat ’n einde aan hul aanvalle gebring het.[5] Hoewel die Merina nooit die laaste twee Sakalava-vestings, Menabe en Boina verower het nie, het hulle die sentrale plato daarna beheer totdat Frankryk die eiland ’n eeu later, in 1896, gekoloniseer het.
Verwysings
[wysig | wysig bron]- ↑ Bradt, Hilary; Austin, Daniel (2007). Madagascar (9th uitg.). Guilford, CT: The Globe Pequot Press Inc. pp. 113–115. ISBN 1-84162-197-8.
- ↑ 2,0 2,1 Benoit Thierry; Andrianiainasoa Rakotondratsima (2010). Nourishing the Land, Nourishing the People: Madagascar. CABI, Oxfordshire. pp. 28, 31. ISBN 978-1-84593-739-3.
- ↑ 3,0 3,1 3,2 3,3 John Middleton (2015). World Monarchies and Dynasties. Routledge. p. 818. ISBN 978-1-317-45158-7.
- ↑ Gwyn Campbell (2013). William Gervase Clarence-Smith (red.). The Economics of the Indian Ocean Slave Trade in the Nineteenth Century. Routledge. pp. 166–174. ISBN 978-1-135-18214-4.
- ↑ 5,0 5,1 Gill Shepherd (1980). James L. Watson (red.). Asian and African Systems of Slavery. University of California Press. pp. 75–76. ISBN 978-0-520-04031-1.
Eksterne skakels
[wysig | wysig bron]Wikimedia Commons het meer media in die kategorie Sakalava.
Hierdie artikel is vertaal uit die Engelse Wikipedia