Shutruk-Nakhunte
![](http://178.128.105.246/cars-http-upload.wikimedia.org/wikipedia/commons/thumb/1/14/Babylonian_stele_Louvre_Sb9.jpg/220px-Babylonian_stele_Louvre_Sb9.jpg)
Shutruk-Nakhunte, of Šutruk-Nakhunte, was van omstreeks 1185 tot 1155 v.C. (middelchronologie) die koning van Elam en die tweede koning van die Shutruk-dinastie.
Elam het uitgebrei tot 'n ryk wat die grootste deel van Mesopotamië en Wes-Iran ingesluit het. Onder Shutruk-Nakhunte se bevel het Elam die Kassiete verslaan en die kortstondige Elamitiese Ryk gestig, wat binne sowat 40 jaar, in 1120 v.C., deur Nebukadnésar I van Babel verslaan is.
Shutruk-Nakhunte was getroud met die dogter van 'n Kassitiese koning met die naam Meli-Šipak.
In populêre kultuur
[wysig | wysig bron]Shutruk-Nakhunte verskyn kortliks in Ethan Canin se kortverhaal The Palace Thief en die aanpassing daarvan in die 2002-rolprent The Emperor's Club, waarin een van die sleutelelemente 'n stele (gedenkplaat) is wat die wedervaringe beskryf van Shutruk-Nakhunte, eens 'n bekende egoïstiese oorwinnaar maar vandag feitlik onbekend.
Die aanhaling uit die film is: "Ek is Shutruk-Nakhunte, die koning van Anshan en Susa, soewerein van die land Elam. Deur die opdrag van Inshushinak het ek Sippar vernietig, die Oorwinningstele van Naram-Sin gevat en het dit teruggebring na Elam, waar ek dit opgerig het as 'n offer aan my god." — Shutruk-Nakhunte, 1158 v.C."
Bronne
[wysig | wysig bron]- D.T. Potts: om Die Argeologie van Elam, Cambridge University Press, Cambridge 1999, 232-237