Vänortspark
![](http://178.128.105.246/cars-http-upload.wikimedia.org/wikipedia/commons/thumb/3/30/V%C3%A4nortsparken_Ume%C3%A5_07-06-30.jpg/280px-V%C3%A4nortsparken_Ume%C3%A5_07-06-30.jpg)
Die Vänortspark (Sweeds: Vänortsparken) is 'n stadspark in die sentrum van die Sweedse stad Umeå. Die park is ten suide van die Stadskerk van Umeå geleë.
Geskiedenis
[wysig | wysig bron]Omstreeks 1600 was daar al 'n soort van park op die plek bekend. In 1858 is daar gras gesaai en plante geplant. In 1861 en 1862 is 2000 krone vrygestel vir dié park op die kerkplein. Die aanplantings bestaan hoofsaaklik uit bome en struike. Na die brand van 1888 is die oppervlak van die park uitgebrei en is die naam na Skolparken (Skoolpark) verander.
In 1985 is die naam na Vänortspark gewysig en is die park deeglik opgeknap. Parkmeubels en simboliese voorwerpe uit Umeå is in die park geplaas en 'n stroompie is uitgelê. Die park het ook 'n kunswerk: in die noordwestelike deel staan 'n beeldhouwerk gemaak van koper wat die wêreld voorstel.
Opbou
[wysig | wysig bron]Die park het 'n komvormige sentrale grasveld wat deur verskillende struike en bome omring word. Dwarsdeur die park is 'n stroompie met drie brûe aangelê.