Baschar al-Assad
![](http://178.128.105.246/cars-http-upload.wikimedia.org/wikipedia/commons/thumb/a/a5/Bashar_al-Assad_%282018-05-17%29_03.jpg/220px-Bashar_al-Assad_%282018-05-17%29_03.jpg)
Dr Baschar Hafiz al-Assad (arabisch بشار حافظ الأسد, DMG Baššār Ḥāfiẓ al-Asad; * 11. Septämber 1965 z Damaskus) isch e süürische Politiker und Bresidänt vo Süürie. D Herrschaftsform vo siner Familie über Süürie beschriibe Politikwüsseschaftler as Diktatur.[1][2][3][4]
Dr Assad het im Joor 2000 as Noochfolger vo sim Vater Hafiz al-Assad d Ämter vom Generalsekretär vo dr Baath-Bardei und vom Staatsbresidänt vo Süürie übernoo. In de Waale vo 2000 und 2007 het er offiziel mee as 97 % vo de Stimme überchoo. Gegekandidate het s käini gee. Won er an d Macht cho isch, häi en vili Staate as e potenzielle Reformer aaglueg. Aber im Joor 2011 häi die Veräinigte Staate und die Öiropäischi Union si Ruckdritt gforderet, wil er milidäärisch gege Demonstrante vom Arabische Früelig in Süürie vorgange isch.[5] D Underdruckig het 2011 zum Usbruch vom Bürgerchrieg in Süürie biidräit. Au d Meerhäit vo dr Arabische Liga het en 2012 zum Ruckdritt ufgforderet. Mit „Waale“ 2014 und 2021 het er si Herschaft bis hüte „legitimisiert“.
Im Dezämber 2013 het die Hoochi Kommissarin vo de Veräinte Nazioone für Menscherächt dr Assad aaklagt, ass er Chriegsverbräche autorisiert häig. Är het im Joor 2016 d Vorwürf vo Chriegsverbräche zrugggwiise und die milidäärische Intervenzioone von e baar Staate im süürische Bürgerchrieg kritisiert, wil die, wien er behauptet het, s Ziil häige, iin z stürze. Under em Assad sinere Herschaft si süstematischi Entfüerige, Mord und Folter dur d Armee und dr süürisch Ghäimdienst beläit.[6][7][8][9][10]
Liddratuur
[ändere | Quälltäxt bearbeite]- Shmuel Bar: Bashar’s Syria: The Regime and its Strategic Worldview. In: Comparative Strategy. Bd. 25, 2006, S. 353–445, doi:10.1080/01495930601105412 (PDF).
- David W. Lesch: The New Lion of Damascus: Bashar al-Asad and Modern Syria. Yale University Press, New Haven 2005, ISBN 978-0-300-10991-7.
- Flynt Leverett: Inheriting Syria: Bashar's Trial by Fire. Brookings Institution Press, Washington D.C. 2005, ISBN 978-0-8157-5204-2.
- Volker Perthes: Syria under Bashar al-Asad: modernisation and the limits of change. Oxford University Press, Oxford 2004, ISBN 0-19-856750-2.
- Eyal Zisser: Bashar al-Asad and his Regime – Between Continuity and Change. In: Orient. Bd. 45, H. 2, Juni 2004, S. 239–256 (online).
Weblingg
[ändere | Quälltäxt bearbeite]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Bashar al-Assad in dr Internet Movie Database
Fuessnoote
[ändere | Quälltäxt bearbeite]- ↑ Raymond Hinnebusch: Syria: from ‘authoritarian upgrading’ to revolution? In: International Affairs. Band 88, Nr. 1, 1. Januar 2012, ISSN 0020-5850, S. 95–113, doi:10.1111/j.1468-2346.2012.01059.x (oup.com [abgerufen am 21. April 2020]).
- ↑ Authoritarian Apprehensions. (uchicago.edu [abgerufen am 21. April 2020]).
- ↑ Weeks, Jessica: Dictators at War and Peace. C. p. 18. Hrsg.: Cornell University Press. S. 18.
- ↑ Susanne Michalik: Measuring Authoritarian Regimes with Multiparty Elections. In: Multiparty Elections in Authoritarian Regimes: Explaining their Introduction and Effects (= Studien zur Neuen Politischen Ökonomie). Springer Fachmedien, Wiesbaden 2015, ISBN 978-3-658-09511-6, S. 33–45, doi:10.1007/978-3-658-09511-6_3.
- ↑ USA und EU fordern Assads Rücktritt. In: Zeit Online. 18. August 2011, abgruefen am 21. April 2020.
- ↑ Esther King: Assad denies responsibility for Syrian war. 2. November 2016, abgruefen am 21. April 2020.
- ↑ 'Bombing hospitals is a war crime,' Syria's Assad says. Abgruefen am 21. April 2020 (änglisch).
- ↑ deutschlandfunk.de: Urteil im Prozess zur Staatsfolter in Syrien - "Es ist ein wirklich historisches Urteil". Abgruefen am 19. März 2022.
- ↑ Urteil nach dem Weltrechtsprinzip. In: deutschland.de. 14. Januar 2022, abgruefen am 19. März 2022.
- ↑ Syrien-Prozess in Koblenz: Deutschland sendet mit zweitem Urteil bedeutendes Signal gegen Straflosigkeit. Abgruefen am 19. März 2022.