Britischi Bsatzigszone
![](http://178.128.105.246/cars-http-upload.wikimedia.org/wikipedia/commons/thumb/4/4d/Deutschland_Besatzungszonen_8_Jun_1947_-_22_Apr_1949_britisch.svg/220px-Deutschland_Besatzungszonen_8_Jun_1947_-_22_Apr_1949_britisch.svg.png)
![](http://178.128.105.246/cars-http-upload.wikimedia.org/wikipedia/commons/thumb/c/cd/Personalausweis_Britische_Besatzungszone.jpg/220px-Personalausweis_Britische_Besatzungszone.jpg)
![](http://178.128.105.246/cars-http-upload.wikimedia.org/wikipedia/commons/thumb/8/8a/Britische_Besatzungszone_Deutschland_Regierungsbezirk_Hannover_Lebensmittel-Erg%C3%A4nzungskarte_f%C3%BCr_Schwerarbeiter_Fett_Fleisch_S_92_1946-08-19.jpg/220px-Britische_Besatzungszone_Deutschland_Regierungsbezirk_Hannover_Lebensmittel-Erg%C3%A4nzungskarte_f%C3%BCr_Schwerarbeiter_Fett_Fleisch_S_92_1946-08-19.jpg)
Di britisch Bsatzigszone (oder Nordweschtzone) isch aini vu dr vier Bsatzigszone gsii, wu Dytschland weschtli vu dr Oder-Neiße-Linie vu dr alliierte Sigermächt im Juli 1945, rund zwee Monet no dr dytsche Kapitulation un em Änd vum Zweete Wältchrieg z Europa, dryy ufdailt woren isch.
Si isch dr britische Militerregierig unterstande un het ufghert no dr Grindig vu dr Bundesrepublik Dytschland, wu s Bsatzigsstatut am 21. Septämber 1949 in Chraft drätten isch. Di mit em Bsatzigsstatut verbundene alliierte Vorbehaltsrächt hän erscht anne 1990 mit dr dytsche Widerverainigung un em Inchraftdrätte vum Zwai-plus-Vier-Verdrag am 15. Merz 1991 au velkerrächtli iri Wirkig verlore, wu Dytschland di voll Suveränitet widerkriegt het.
Bsatzigsbiet
[ändere | Quälltäxt bearbeite]Di britisch Bsatzigszone het di preußische Provinze Hannover, Schleswig-Holstein un Weschtfale, dr Norde vu dr Rhyyprovinz („Nordrhein“) un d Länder Braunschweig, Hamburg, Lippe, Oldenburg un Schaumburg-Lippe vum Dytsche Rych umfasst. Di Freie Hansestadt Bremen, wu us dr Stedt Bremen un Bremerhaven bstanden isch, het aafangs au zue dr britische Zone ghert, isch aber 1947 as Exklave dr amerikanische Bsatzigszone zuegschlaa wore. Fehmarn het noch eme sowjetische Wunsch bi dr Verhandlige im Winter 1944/45 zur SBZ solle chuu, isch aber noch ere Intervänzion vum Baron Strang doch zue dr britische Zone chuu.[1]
Britisch bsetzt isch derzue au noch em Viermächte-Status e Dail vu Berlin gsii.
In dr britische Bsatzigszone sin au Armee-Ainhaite vu andere Nazione stazioniert gsii, z. B. polnischi Ainhaite Emsland (bis 1948), di norwegisch Dytschland-Brigade weschtli vum Harz un speter z Schleswig-Holstein (1947 bis 1953) un belgischi Strytchreft z Nordrhyy-Weschtfale (bis 2002). En anderi Bsunderhait isch d Enklave Bonn gsii. Si isch im Juli 1949 as bsatzigsfrei Biet gschaffe wore un isch dr Alliierte Hoche Kummission unterstande.
Bolitischi Organisazion
[ändere | Quälltäxt bearbeite]Sitz vu dr Militerregierig (Control Commission for Germany/British Element) isch zerscht Bad Oeynhausen mit zuestätzlige Stitzpinkt z Münster, z Düsseldorf, z Kiel un z Hannover gsii. Dr Blan vun eme Umzug uf Hamburg – wu zue däm Zwäckl d Grindelhochhyser böue wore sin – het mer speter wider ufgee. Z Bad Oeynhausen isch au s Hauptquartier vu dr britische Rhyyarmee gsii, z Bad Eilsen des vu dr britischen Luftstrytchreft z Dytschland (RAF Germany),b is baidi Hauptquartier 1954 z Rheindahlen zämeglait wore sin.
![](http://178.128.105.246/cars-http-upload.wikimedia.org/wikipedia/commons/thumb/c/c4/Bundesarchiv_Bild_183-2005-0919-523%2C_Sitzung_des_Zonenbeirates_der_britischen_Zone.jpg/220px-Bundesarchiv_Bild_183-2005-0919-523%2C_Sitzung_des_Zonenbeirates_der_britischen_Zone.jpg)
D Militerregierig isch in fachligi Abdailige glideret gsii, wu aigeni dytschi Verwaltige noogornet sgii sin. Fir d Konsultazion mit dr dytsche Beherde in dr Provinze un Länder isch 1946 e Zonebyrot bildet wore, wu s gee het bis zue dr Grindig vu dr Bundesrepublik Dytschland 1949.
![](http://178.128.105.246/cars-http-upload.wikimedia.org/wikipedia/commons/thumb/3/3b/Niedersachsen_Verordnung_55_3339.jpg/220px-Niedersachsen_Verordnung_55_3339.jpg)
Nodäm d Militerregierig am 23. Augschte 1946 staatsrächtli d Länder Schleswig-Holstein, Hannover un Nordrhein/Westfalen us dr preußische Provinze gschaffe het, isch Hannover zum 1. Novämber 1946 mit dr Länder Braunschweig, Oldenburg un Schaumburg-Lippe zum Land Niedersachsen fusioniert wore.[2][3]
Zum 31. Dezämber 1946 isch us em Stadt- un Landbiet Bremen, un em Stadtkrais Wesermünde (bis dert im Land Nidersagse) s Land Bremen mit dr Stadtbezirk Hansestadt Bremen un Stadtkrais Wesermünde entstande.[4][5]
S Land Nordrhyy-Weschtfale isch zerscht us zwoo preußische Provinze, un zwar em Norddail vu dr Rhyyprovinz („Nordrhein“) un Weschtfale, bildet wore. Im Jänner 1947 isch s bis dert unabhängig Land Lippe em Land Nordrhyy-Weschtfale byydrätte.[6] Dodermit isch d Bildig vu dr Länder in dr britische Zone abgschlosse gsii. Die Länder sin am 1. Jänner 1947 Dail vu dr Bizone, derno vu dr Trizone un schließli am 23. Mai 1949 vu dr Bundesrepublik Dytschland wore.
Militergouverneur
[ändere | Quälltäxt bearbeite]- Bernard Montgomery (1945/46)
- Sir Sholto Douglas (1946/47)
- Sir Brian H. Robertson (1947–1949)
E Koordinierigsfunkzion mit dr britische Regierig z London het bis April 1947 dr John Hynd ghaa,[7] no ihm dr Frank Pakenham.
Rundfunk
[ändere | Quälltäxt bearbeite]As ellainige Rundfunksänder isch dr NWDR z Hamburg yygrichtet wore.
Literatur
[ändere | Quälltäxt bearbeite]- Falk Pingel: „Die Russen am Rhein?“ Die Wende der britischen Besatzungspolitik im Frühjahr 1946 In: Vierteljahrshefte für Zeitgeschichte, Jg. 30, 1. Heft, Januar 1982, ISSN 0042-5702, S. 98–116 (ifz-muenchen.de [PDF; 7,5 MB]).
- Werner Plumpe: Vom Plan zum Markt. Wirtschaftsverwaltung und Unternehmerverbände in der britischen Zone (= Düsseldorfer Schriften zur neueren Landesgeschichte und zur Geschichte Nordrhein-Westfalens, Band 22). Schwann, Düsseldorf 1987, ISBN 3-491-33122-6.
- Adolf M. Birke, Eva A. Mayring (Hrsg.): Britische Besatzung in Deutschland. Aktenerschliessung und Forschungsfelder. Deutsches Historisches Institut London, London 1992, ISBN 0-9511485-8-3.
- Volker Koop: Besetzt. Britische Besatzungspolitik in Deutschland. be.bra, Berlin 2007, ISBN 978-3-89809-076-6.
- Michael Ahrens: Die Briten in Hamburg. Besatzerleben 1945–1958 (= Forschungsstelle für Zeitgeschichte in Hamburg [Hrsg.]: Forum Zeitgeschichte, Band 23). 2., korrig. Auflage. Verlag Dölling und Galitz, Hamburg 2011, ISBN 978-3-86218-009-7.
Weblink
[ändere | Quälltäxt bearbeite]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Literatur vu un iber Britische Besatzungszone im Katalog vu dr Dütsche Nazionalbibliothek
Fueßnote
[ändere | Quälltäxt bearbeite]- ↑ Lord Strang of Stonesfield als Retter der Insel uf fehmarn24.de
- ↑ Verordnung Nr. 46, Auflösung der Provinzen des ehemaligen Landes Preußen in der Britischen Zone und ihre Neubildung als selbständige Länder (1946). In: verfassungen.de. 23. August 1946, abgruefen am 7. Oktober 2016.
- ↑ Verordnung Nr. 55, Bildung des Landes Niedersachsen. In: niedersachsen.de. 1. November 1946, abgruefen am 7. Oktober 2016.
- ↑ Verordnung Nr. 76, Land Bremen. (PDF; 465 kB) In: lwl.org. 31. Dezember 1946, S. 411 f., abgruefen am 7. Oktober 2016.
- ↑ Proklamation Nr. 3 der Militärregierung Deutschland – Amerikanische Zone (1947). In: verfassungen.de. 27. Januar 1947, abgruefen am 7. Oktober 2016.
- ↑ Verordnung Nr. 77, Land Lippe. (PDF; 465 kB) In: lwl.org. 21. Januar 1947, S. 411 f., abgruefen am 7. Oktober 2016.
- ↑ Mr. Hynd war wieder da. In: Der Spiegel. Nr. 3, 1947 (Online).
![]() |
Dä Artikel basiert uff ere fräie Übersetzig vu dere Version vum Artikel „Britische_Besatzungszone“ vu de dütsche Wikipedia. E Liste vu de Autore un Versione isch do z finde. |