Dr Gmäiniroot z Dütschland
ֽֽ
![](http://178.128.105.246/cars-http-upload.wikimedia.org/wikipedia/commons/thumb/6/60/Mannheim-Stadthaus-Gemeinderat.jpg/220px-Mannheim-Stadthaus-Gemeinderat.jpg)
Dr Gmäiniroot isch s Hauptorgaan von ere Gmäind, wo d Kommunaalverfassig von ere uf ere Rootsverfassig basiert.
Dr Gmäiniroot isch die kommunaali Volksverdrättig vo de Bürger vo dr Gmäind. Er wird je noch dr landesrächtlige Kommunaalverfassig vom Land für vier, fümf oder säggs Joor gweelt.
Nääme
[ändere | Quälltäxt bearbeite]D Nääme si in de verschiidene dütsche Länder verschiide und hänge au vo dr Gröössi und vom Status vo dr Gmäind ab. Mä säit ene
- Gmäiniroot / Stadtroot (in de mäiste Länder)
- Gmäiniverdrättig (z Brandeburg, Hesse, Meckleburg-Vorpommere, Schleswig-Holstäin)
- Määrtgmäiniroot (in Määrtgmäinde)
- Ortsgmäiniroot (in Rhiiland-Pfalz
- Root (in Niidersaggse)
- Stadtbürgerschaft (in dr Stadtgmäind Breme)
- Stadtverordneteversammlig (in dr Stadt Breemerhaave und in Hesse, zum Däil in Nordrhii-Westfaale und Brandeburg)
- Stadtverdrättig (in Stedt in Meckleburg-Vorpommere und Schleswig-Holstäi)
- Bürgerschaft (in dr Freije und Hansestadt Hamburg, won er gliichzitig s Landesparlamänt isch, und in de Hansestedt z Schleswig-Holstäi und Meckleburg-Vorpommere, aber nid z Breeme wo us zwäi Stadtgmäinde bestoot und wo d Bürgerschaft dr Naame vom Landesparlamänt isch)
- Bezirksverordneteversammlig (z Berliin – Berliiner Bezirk wärde as Gmäinde aagluegt, d Stadt Berliin isch e Stadtstaat und ekwiwalänt zu de Bundesländer)
Dr Bresidänt vo dr Stadtverdrättig isch je noch em Land äntwääder e Bürger- oder Ooberbürgermäister, wo vom Volk gweelt wird oder e Vorsitzende, wo us em Gremium sälber gweelt wird, und au e bsundrige Diddel cha ha, z. B. Stadtbresidänt, Stadtverordnetevorsteer, Rootsvorsitzende, Bresidänt vo dr Bürgerschaft, Bürgervorsteer oder Bürgerworthalter.
D Gmäinirööt as Däil vo dr Exekutive
[ändere | Quälltäxt bearbeite]Wil z Dütschland nume dr Staat (also dr Bund oder d Länder) chönne Gsetz erloo und d Kommuune Gebietskörperschafte, si d Gmäinirööt Däil vo dr Exekutiive. D Usnaame si d Gmäiniverdrättige in de Stadtstaate Berliin und Hamburg.
Dr Gmäiniroot isch kä Behörde im instituzionelle Sinn, er isch zwar Däil vo dr öffentlig-rächtlige Verwaltig und so en Orgaan von ere juristische Persoon vom öffentlige Rächt, er het aber kä Wirkig gege Dusse, was e Behörde usmacht[1]. Er entschäidet über d Verwaltigsorganisazioon vo dr Gmäind im äigene Wirkigskräis oder über Aagläägehäite, wo dr Staat iim überdräit het.
Kwelle
[ändere | Quälltäxt bearbeite]- Dr Ardikel «Gemeinderat (Deutschland)» uf dr dütsche Wikipedia
Liddratuur
[ändere | Quälltäxt bearbeite]- Harald Hofmann, Rolf-Dieter Theisen: Kommunalrecht in NRW. 13.Uflaag. Bernhardt-Witten, Witten 2008, ISBN 978-3-933870-80-3.
- Yvonne Ott: Der Parlamentscharakter der Gemeindevertretung: eine rechtsvergleichende Untersuchung der Qualität staatlicher und gemeindlicher Vertretungskörperschaften. Nomos, Baade-Baade 1994, ISBN 3-7890-3411-8.
Fuessnoote
[ändere | Quälltäxt bearbeite]- ↑ Steffen Detterbeck: Allgemeines Verwaltungsrecht. mit Verwaltungsprozessrecht. In: Lernbücher Jura. 19. Auflage. C.H. Beck, Marburg 2021, ISBN 978-3-406-76776-0, S. 47, Fußnote 202.