Hersiwiu
Hersiwil | ||
---|---|---|
![]() | ||
Basisdate | ||
Staat: | Schwiiz | |
Kanton: | Soledurn (SO) | |
Bezirk: | Bezirk Wasseramt | |
Gmeind: | Drei Höfe | |
Poschtleitzahl: | 4558 | |
Koordinate: | 614869 / 223831 | |
Höchi: | 491 m ü. M. | |
Flächi: | 1,41 km² | |
Iiwohner: | 191 (31. Dezämber 2012) | |
Website: | hersiwil.ch | |
Hersiwiu | ||
Charte | ||
Hersiwiu (amtlich Hersiwil) isch bis Endi 2012 e Iiwohnergmein im Bezirk Bezirk Wasseramt im Kanton Soledurn, Schwiiz gsi.
Geografi
[ändere | Quälltäxt bearbeite]Hersiwiu liit im südliche Soledurner Mittuland. D Gmeindsflächi isch us 70,9 % langwirtschaftlichi Flächi, 22 % Waud u 7,1 % Sidligsflächi bestande.
Nochbergmeine si Horriwiu, Ääschi, Heinrichswiu-Winistorf, Haute un Ökinge gsi.
Gschicht
[ändere | Quälltäxt bearbeite]Hersiwiu isch zum erschte Mou gnennt worde im Johr 1324 aus Hersenwile.
Vor 1798 het Hersiwiu mit Heinrichswiu e Doppugmeind biudet. Deno hei die beide mit Winistorf d Dreihofgmeind Heinrichswil-Hersiwil-Winistorf biudet. Im Johr 1854 si die drei Gmeinde politisch eigeständig Gmeinde worde. Sit Aafangs 2013 ghörts mit Heiriswiu-Winischdorf zäme zur Gmeind Drei Hööf.
Bevöukerig
[ändere | Quälltäxt bearbeite]Quälle: Bundesamt für Statistik 2005[1]
Johr | 1850 | 1860 | 1870 | 1880 | 1888 | 1900 | 1910 | 1920 |
Iiwohner | 137 | 140 | 156 | 146 | 146 | 152 | 181 | 152 |
Johr | 1930 | 1941 | 1950 | 1960 | 1970 | 1980 | 1990 | 2000 |
Iiwohner | 156 | 162 | 161 | 165 | 147 | 144 | 144 | 168 |
De Uusländeraateil isch 2010 bi 0,5 % gläge.[2]
Religion
[ändere | Quälltäxt bearbeite]31 % vo dr Iiwooner si im Johr 2000 evangelisch-reformiert gsii, 60,7 % römisch-katholisch.[2]
Politik
[ändere | Quälltäxt bearbeite]Bi dr Nationalrootswaale 2011 hät s das Ergebnis gää:[2] BDP 7,0 %, CVP 22,2 %, EDU 1,4 %, EVP 0,2 %, FDP 15,7 %. GLP 9,3 %, GP 10,5 %, SP 15,6 %, SVP 17,7 %, Suschtigi 0,5 %.
Gmeindspresidänt isch dr Roland Schmid (Stand 2012) gsi.
Wirtschaft
[ändere | Quälltäxt bearbeite]D Arbetslosigkeit isch im Johr 2011 bi 1,5 % gläge.[2]
Sproch u Dialäkt
[ändere | Quälltäxt bearbeite]Bi dr Voukszellig 2000 hei vo dr 168 Iiwohner 99,4 % Dütsch aus Hauptsproch aagää, 0 % Französisch u 0,6 % angeri Sproche.[2]
Dr hochalemannisch Dialäkt vo Hersiwiu ghört zue dr Dialäkt vo dr Region Soledurn, wo ähnlich si zum Bärndütsch.
Biuder
[ändere | Quälltäxt bearbeite]-
Hersiwiu, Poschtcharte um 1900
-
Hauptstross
-
Gärberhuus vo 1776, Hauptstross 22
-
Nöihuus, Hauptstross 36
-
Ortsiigang
Weblink
[ändere | Quälltäxt bearbeite]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- hersiwil.ch
- Othmar Noser: Hersiwil. In: Historisches Lexikon vo dr Schwiiz.
Fuessnote
[ändere | Quälltäxt bearbeite]- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 2,0 2,1 2,2 2,3 2,4 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012