Konrad III. (HRR)
![](http://178.128.105.246/cars-http-upload.wikimedia.org/wikipedia/commons/thumb/1/13/Konrad_III_Miniatur_13_Jahrhundert.jpg/170px-Konrad_III_Miniatur_13_Jahrhundert.jpg)
De Konrad III. (* 1093 oder 1094; † 15. Februar 1152 z Bambärg) us em Adelsgschlächt vo de Staufer isch 1116/20 Herzog z Franke, 1127–1135 Gägekönig vom Lothar III. und 1138–1152 König im Heilige Römische Rych gsi.
Im 12. Jahrhundert isch d Idee schtercher worde, dass d Fürschte für s Rych mitverantwortlich siged. Dur das het sich d Mitsprach vo de Fürschte am Rychsregimänt und bi de Königswahle intänsiviert. Anders als in de Monarchie Frankrych, Ängland und Sizilie hend im Heilige Römische Rych erbrächtlichi Vorschtellige a Bedütig verlore. Nach em Tod vom Heinrich V., em letschte salische Herrscher, im Mai 1125 sind d Ambitione vo de beide staufische Brüeder Friedrich und Konrad uf d Königsnachfolg gschyteret. Em Friedrich syni Königswahl isch misslunge, wil er us synere Abschtammig vo de Salier en Erbaaschpruch abgleitet und demit s Wahlrächt vo de Fürschte missachtet. Schtatt ihm isch de sächsischi Herzog Lothar gwählt worde. De Konrad het sich 1127 zum Gägekönig erhobe, isch aber äbefalls erfolglos gsi. D Wahl vom Lothar und sy Schtryt mit de staufische Brüeder um s salische Erb hend en Chrieg im Rych usglöst. Nach em Tod vom Lothar het sich de Konrad i de Königswahl vo 1138 gäge de machtbewussti Bayern- und Sachseherzog Heinrich de Stolzi duresetze chönne. Em Konrad syni Nüüornig vo de Herzogtümer Sachse und Bayern, wo die erbrächtliche Aaschprüch vo de Welfe ignoriert hend, sind gschyteret. Während synere gsamte Herrschaftszyt hend in Bayern und Sachsen d Welfe Heinrich de Stolzi, Heinrich de Leu und Welf VI. ire Widerstand gäge Konrad wytergfüehrt.
Als König het de Konrad d Herrschaftsträger vom Rych dur Hüratspolitik a sich binde welle. Vo 1147 bis 1149 het er en Chrüzzug undernuu, wo en vollschtändige Misserfolg worden isch. Als erschte vo de römisch-dütsche Könige syt 962 het de Konrad nid d Kaiserwürde erlangt. Syni Konflikt mit de Welfe Welf VI. und Heinrich em Leu hend lang als Usdruck vom ene staufisch-welfische Gägesatz gulte, wo d Rychspolitik im 12. Jahrhundert dominiert heb. Erscht i jüngschter Zyt isch die Yschätzig schtarch relativiert worde.
Literatur
[ändere | Quälltäxt bearbeite]Lexikonartikel
- Stephan Freund: Konrad III. In: Biographisch-Bibliographisches Kirchenlexikon (BBKL). Band 4, Herzberg 1992, ISBN 3-88309-038-7, Sp. 410–414.
- Friedrich Hausmann: Konrad III. In: Neue Deutsche Biographie (NDB). Band 12, Duncker & Humblot, Berlin 1980, ISBN 3-428-00193-1, S. 496–499.
Darstellige
- Gerd Althoff: Konrad III. (1138–1152). In: Bernd Schneidmüller, Stefan Weinfurter (Hrsg.): Die deutschen Herrscher des Mittelalters. Historische Portraits von Heinrich I. bis Maximilian I. (919–1519). Beck, München 2003, S. 217–231, ISBN 3-406-50958-4.
- Wilhelm Bernhardi: Konrad III. Jahrbücher der Deutschen Geschichte. Duncker & Humblot, Berlin 1975. (Neudruck der 1. Auflage von 1883 aus den Jahrbüchern der Deutschen Geschichte)
- Ferdinand Geldner: Kaiserin Mathilde, die deutsche Königswahl von 1125 und das Gegenkönigtum Konrads III. In: Zeitschrift für bayerische Landesgeschichte. Band 40, 1977, S. 3–22.
- Gesellschaft für staufische Geschichte (Hrsg.): Konrad III. (1138–1152). Herrscher und Reich (= Schriften zur staufischen Geschichte und Kunst. Band 30). Göppingen 2011, ISBN 978-3-929776-22-5.
- Knut Görich: Fürstenstreit und Friedensstiftung vor dem Aufbruch Konrads III. zum Kreuzzug. In: Zeitschrift für die Geschichte des Oberrheins. Band 158, 2010, S. 117–136.
- Klaus Höflinger: Konrad III. In: Karl Rudolf Schnith (Hrsg.): Mittelalterliche Herrscher in Lebensbildern. Von den Karolingern zu den Staufern. Styria, Graz 1990, ISBN 3-222-11973-2, S. 261–271.
- Jan Paul Niederkorn: Konrad III. als Gegenkönig in Italien. In: Deutsches Archiv für Erforschung des Mittelalters. Band 49, 1993, S. 589–600 (Digitalisat).
- Hubertus Seibert, Jürgen Dendorfer (Hrsg.): Grafen, Herzöge, Könige. Der Aufstieg der frühen Staufer und das Reich (1079–1152) (= Mittelalter-Forschungen. Band 18). Thorbecke, Ostfildern 2005, ISBN 978-3-7995-4269-2. (Rezension)
- Bernd Schütte: König Konrad III. und der deutsche Reichsepiskopat. Kovač, Hamburg 2004, ISBN 3-8300-1600-X. (Rezension)
- Wolfram Ziegler: König Konrad III. (1138–1152). Hof, Urkunden und Politik (= Forschungen zur Kaiser- und Papstgeschichte des Mittelalters. Band 26). Böhlau, Wien u. a. 2008, ISBN 978-3-205-77647-5. (Rezension).
Weblink
[ändere | Quälltäxt bearbeite]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Vorgänger Lothar III. |
Römisch-dütsche König 1127–1135 (Gägekönig), 1138–1152 |
Nochfolger Friedrich I. |