Rudolf vo Nöijeburg
![](http://178.128.105.246/cars-http-upload.wikimedia.org/wikipedia/commons/thumb/0/08/Codex_Manesse_Rudolf_von_Neuenburg.jpg/220px-Codex_Manesse_Rudolf_von_Neuenburg.jpg)
Dr Rudolf vo Nöijeburg (au Rudolf II. vo Nöijeburg oder Rudolf vo Fenis, † vor em 30. August 1196) us em Gschlächt vo de Groofe vo Nöijeburg isch e Minnesänger im 12. Joorhundert gsi.
Dr Rudolf isch dr Soon vom Ulrich II., Herr vo Nöijeburg, und vo dr Berthe de Granges gsi. Sini Brüeder si dr Berthold, wo 1212 Bischof vo Lausanne worde isch, und dr Ulrich II., sit 1218 Groof vo Nöijeburg, gsi. Urkundlig isch dr Rudolf zwüsche 1158 und 1192 erwäänt worde. Er isch mit ere Comitissa verhürootet gsi und het sich mit sim Brueder Ulrich in d Groofschaft vo Nöijeburg däilt.
Dr Rudolf isch vor allem as Minnesänger bekannt. 27 Stroofe von em in acht (villicht nüün) Döön si in dr Wiigartner Liederhandschrift und in dr Manessische Handschrift überliiferet, es existiert au no en anonümi Däilüberliiferig in witere Liederhandschrifte us de 14. und 15. Joorhundert. Mä nimmt aa, ass er zwäisproochig gsi isch und luegt en as Vermiddler vo formale und inhaltlige Elimänt vom romanische Minnesang (Peire Vidal, Folquet de Marseille, Guiot de Provins) aa. Si Dichdig isch aber äigeständig und d Minnekanzone herrsche vor, wo uf Klang gstimmt si.
Litratuur
[ändere | Quälltäxt bearbeite]- André Schnyder: Neuenburg, Rudolf II. von [Rudolf von Fenis]. In: Historisches Lexikon vo dr Schwiiz.
- Lionel Bartolini, Jean-Daniel Morerod, Anton Näf, Christian de Reynier: Rodolphe, comte de Neuchâtel et poète, Neuchâtel 2007.
- Andreas Hensel: Grave Rudolf von Fenis. In: Neue Deutsche Biographie (NDB). Band 22, Duncker & Humblot, Berlin 2005, ISBN 3-428-11203-2, S. 195 f.
- Olive Sayce (Hrsg.): Rudolf von Fenis. Die Lieder. Unter besonderer Berücksichtigung des romanischen Einflusses. Mit Übersetzung, Kommentar und Glossar. Kümmerle, Göppingen 1996, ISBN 3-87452-879-0
- Wilhelm Wilmanns: Rudolf II. (Graf von Neuenburg). In: Allgemeine Deutsche Biographie (ADB). Band 6, Duncker & Humblot, Leipzig 1877, S. 620.
Weblingg
[ändere | Quälltäxt bearbeite]![]() |
Dä Artikel basiert uff ere fräie Übersetzig vum Artikel „Rudolf_von_Neuenburg“ vu de dütsche Wikipedia. E Liste vu de Autore un Versione isch do z finde. |