Simone Peter
![](http://178.128.105.246/cars-http-upload.wikimedia.org/wikipedia/commons/thumb/5/57/Simone_Peter_2014.jpg/220px-Simone_Peter_2014.jpg)
![](http://178.128.105.246/cars-http-upload.wikimedia.org/wikipedia/commons/thumb/7/7c/Simone_Peter_Bliesgau-Radfahrt_2010-5.jpg/220px-Simone_Peter_Bliesgau-Radfahrt_2010-5.jpg)
D Simone Peter (* 3. Dezämber 1965 z Quierschied) isch e dytschi Bolitikeri (Bindnis 90/Di Griene). Si isch vum 10. November 2009 bis zum 18. Jänner 2012 saarländischi Landesminischteri fir Umwält, Energy un Verchehr gsii. D Peter isch syter anne 2012 Mitglid vum Landdag vum Saarland un syt em 19. Oktober 2013 zämme mit em Cem Özdemir Bundesvorsitzeri vu Bindnis 90/Di Griene.
Lääbe
[ändere | Quälltäxt bearbeite]D Simone Peter isch d Dochter vum Rudi Peter, langi Johr Schef vu dr Zukunftswerkstatt Saar e. V., un dr Brunhilde Peter geb. Danz, dr ehmolige saarländische Arbets- un Sozialminischteri un stellverdrättende Minischterbresidänti unter em Oskar Lafontaine.
D Peter isch z Dillingen/Saar ufgwachse un het no dr Grundschuel (Odilienschule Dillingen) anne 1985 am Albert-Schweitzer-Gymnasium Dillingen s Abitur gmacht. An dr Universitet Saarbrigge het si vu 1986 bis 1993 Biology studiert studiert un derno im Johr 2000 iber «Die Rolle des heterotrophen Bakterioplanktons und der planktischen Nitrifikation im Sauerstoffhaushalt von Saar und Mosel» promoviert.[1]
Vu 2001 bis 2004 isch d Peter isch Schefredakteuri vu dr Zytschrift «Solarzeitalter - Politik u. Ökonomie Erneuerbarer Energien» bi dr Europäische Vereinigung für Erneuerbare Energien (EUROSOLAR) e. V. gsii. Ab 2004 het si di vu dr Bundesregierig unterstitzt „Agentur für Erneuerbare Energien“ z Berlin mit ufböue un isch bis zue Geburt vu ihrem Suhn anne 2006 d Laiteri vu sällere.[2] Vu 2006 bis 2009 het si as Projäktmanageri vu dr Agentur gschafft.[3]
Vu 2000 bis 2009 isch si Mitglid im Vorstand vum Verain Energiewende Saar e. V. gsii un vu 2000 bis 2002 Mitglid im Vorstand vu dr Zukunftswerkstatt Saar e. V.. Si isch Mitglid im BUND, im NABU, im Turnerbund St. Johann e. V., im Förderverein Max-Ophüls-Grundschule e. V. un bi EUROSOLAR e. V.
D Simone Peter isch ghyrote mit em Andreas Heiser, het e Suhn (Elias) un läbt z Saarbrigge.
Bolitik
[ändere | Quälltäxt bearbeite]D Simone Peter isch vu 1998 bis 2000 Bysitzeri bzw. Vorsitzeri vum Ortsverband Saarbrigge-Mitti von Bindnis 90/Di Griene gsii. 1999 bis 2000 isch si energybolitischi Sprächeri vum Landesvorstand vu Bindnis 90/Di Griene Saar gsii, 2003 bis 2004 Sprächeri vu dr Bundesarbetsgmainschaft Energy vu Bindnis 90/Di Griene.
Anne 1999 het si fir dr Stadtrot vu Saarbrigge un as Spitzekandidati vu ihre Bartei fir dr Landdag vum Saarland kandidiert. D Bartei isch bi Landdagswahl mit 3,2 % an dr Fimf-Brozänt-Hurd hange blibe.[4]
Ab em 10. Novämber 2009 isch d Simone Peter im Kabinett Müller III un im Kabinett Kramp-Karrenbauer I Landesminischteri fir Umwält, Energy un Verchehr gsii. Us däm Amt isch si noch em Uus vu dr Jamaika-Koalition am 18. Jänner 2012 entloo wore.
Bi dr Landdagswahl im Saarland 2012 het si as Spitzekandidati vu ihre Bartei kandidiert un het dr Yyzug in dr saarländisch Landdag gschafft. Zämme mit em Hubert Ulrich bildet si ne Zwaierfraktion.[5][6] In dr Landdagsfraktion isch si stellverdrättendi Fraktionsvorsitzeri un barlemäntarischi Gschäftsfiereri.[7][8]
Am 26. Septämber 2013 het d Peter aagchindet, ass si sich um dr Barteivorsitz vu dr Grien wett bewärbe.[9]
Am 19. Oktober 2013 isch si mit 75,9 Prozänt vu dr Deligiertestimme näb em Cem Özdemir zue dr neie Bundesvorsitzeri gwehlt wore.[10]
Aafangs Jänner 2018 het d Peter aagchindet, ass si nimi fir dr Vorsitz kandidiert.
Weblink
[ändere | Quälltäxt bearbeite]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Offizielli Webbresänz vu dr Dr. Simone Peter
- Profil vu dr Dr. Simone Peter, Personesyte bim Landdag vum Saarland
Fueßnote
[ändere | Quälltäxt bearbeite]- ↑ Chefin aus Dillingen (MS-Word-Dokument; 257 kB) (Memento vom 2. Oktober 2013 im Internet Archive) Artikel in dr Saarbrücker Zeitung
- ↑ Simone Peter soll Saar-Umweltministerin werden Archivlink (Memento vom 28. Septämber 2013 im Internet Archive) Artikel uf sol.de vum 30. Oktober 2009
- ↑ Die neue Landesregierung (Site cha nüme abgrüeft wärde; Suche im Webarchiv) Artikel uf sr-online.de vum 5. Novämber 2009
- ↑ Die Jamaika-Regierung steht (Site cha nüme abgrüeft wärde; Suche im Webarchiv) , Saarbrücker-Zeitung vum 6. Novämber 2009
- ↑ Simone Peter, Spitzenkandidatin der Grünen bei der Landtagswahl im Saarland, Artikel bi Focus Online
- ↑ Mission einer Trümmerfrau, taz, 26. Merz 2012
- ↑ Profil vu dr Dr. Simone Peter Archivlink (Memento vom 27. Septämber 2013 im Internet Archive)
- ↑ www.simone-peter.eu
- ↑ Brief zue dr uffige Kandidatur Archivlink (Memento vom 28. Septämber 2013 im Internet Archive)
- ↑ Archivierte Kopie (Memento vom 16. Februar 2015 im Internet Archive) Parteigremien neu gewählt] uf gruene.de, Stand 20. Oktober 2013
![]() |
Dä Artikel basiert uff ere fräie Übersetzig vu dere Version vum Artikel „Simone_Peter“ vu de dütsche Wikipedia. E Liste vu de Autore un Versione isch do z finde. |