Walter Benjamin
![](http://178.128.105.246/cars-http-upload.wikimedia.org/wikipedia/commons/thumb/c/cc/Walter_Benjamin_vers_1928.jpg/220px-Walter_Benjamin_vers_1928.jpg)
Dr Walter Bendix Schoenflies Benjamin (* 15. Juli 1892 z Berlin; † 26. Septämber 1940 z Portbou) isch e dütsche Philosoph, Literaturkritiker und Übersetzer vo de Wärk vom Balzac, Baudelaire und Marcel Proust gsi. Dr Benjamin het mit de Kommuniste sympatisiert, isch aber nie Bardeimitgliid worde. Wo d Nationalsozialiste 1933 d Macht ergriffe hai, isch er uf Baris ins Exil gange. Dört het en d Hannah Arendt materiell understützt. Wo dr Chrieg usbrochen isch isch er zerst interniert worde. Denn het er brobiert über Spanie und Bordugal in die Vereinigte Staate z emigriere. Er isch aber festgnoh worde und grad won er an die Dütsche hätt sötte usgliiferet wärde, het er sich s Läbe gnoh.
Rezeption
[ändere | Quälltäxt bearbeite]Dr Adorno und dr Scholem hai noch em Zweite Wältchrieg im Benjamin siini Schrifte neu uusegee, vo 1970 bis 1989 isch e braktisch vollständigi Usgoob vo siine «Gesammelte Schriften» erschiine. Zu Läbenszite het sich kuum öbber intressiert für siis Wärk, das het sich jetzt gänderet. Dr Benjamin isch mit siiner Gsellschaftskritik zum Aareger in verschiidnige geistes- und sozialwüsseschaftlige Fächer worde.
In dr neuste Zit het mä vom Benjamin siiner Sproochphilosphii gsait, ass si indiräkt em Poststrukturalismus vorgrife haig.
In de USA isch dr Benjamin dr akademische Öffentligkeit Aafang 1969 bekannt worde dur e Sammelband under em Ditel «Illuminations. Walter Benjamin: Essays and Reflections», wo d Hannah Arendt usegee, bearbeitet und drfür e Vorwort gschriibe het.
Litratur
[ändere | Quälltäxt bearbeite]- Momme Brodersen: Walter Benjamin. Leben, Werk, Wirkung. (= Suhrkamp BasisBiographie 4). Suhrkamp, Frankfurt am Main 2005, ISBN 3-518-18204-8.
- Werner Fuld: Walter Benjamin. Eine Biographie. Rowohlt, Reinbek 1990, ISBN 3-499-12675-3
- Sven Kramer: Walter Benjamin zur Einführung. Junius, Hamburg 2003, ISBN 3-88506-373-5
- Burkhardt Lindner (Hrsg.): Benjamin-Handbuch. Leben – Werk – Wirkung. Metzler, Stuttgart und Weimar 2006, ISBN 3-476-01985-3
Weblingg
[ändere | Quälltäxt bearbeite]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Walter Benjamin im dütschsprochige Wikisource
- Levke Harders: Tabellarischer Läbenslauf vo Walter Benjamin im LeMO (Deutsches Historisches Museum un Haus der Geschichte)
- Internationale Walter-Benjamin-Gesellschaft
- Linksammlig zu Benjamin bi dr Universitätsbibliothek vo dr Freie Universität Berlin
- Peter Osborne und Matthew Charles: „Walter Benjamin“ in dr Stanford Encyclopedia of Philosophy (änglisch, mit Literaturaagabe)