Acueducto romano d'Albarracín
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Acueducto romano d'Albarracín | |
---|---|
![]() | |
Situación cheografica | |
Estau | |
País | ![]() |
' | |
Situación | Albarracín, Exea d'Albarracín y Cella (Sierra d'Albarracín, Aragón) |
Adreza | |
Coordenatas | |
Archidiocesi | |
Diocesi | |
Arcipestrau | |
Advocación | |
Culto | |
Orden | |
Rector | |
Vicario parroquial | |
2.º Vicario parroquial | |
Mosen | |
Propietario | |
Administrador | |
Director | |
Coste | {{{coste}}} |
Vesitable | |
Altaria | |
Pisos | |
Amplaria | |
Largaria | |
Superficie | |
Diametro | |
Aforo | |
Altaria s.r.m. | |
Atras | |
Alcance | |
Iluminación | |
Potencia | |
Arquitectura | |
Tipo | Acueducto |
Estilo | Arte romano |
Función | |
Catalogación | Bien d'Intrés Cultural |
Materials | Piedra |
Construcción | |
Construcción | Sieglo I |
Fundador | |
Inicio | |
Fin | |
Inauguración | |
Destrucción | |
Arquitecto | |
Incheniero estructural | |
Incheniero de servicios | |
Incheniero civil | |
Atros | |
Premios | |
Pachina web | |
Localización | |
L' acueducto romano d'Albarracín ye un acueducto romano situato en los termins municipals d'Albarracín, Exea d'Albarracín y Cella, (Teruel).
S'han feito catas y excavacions en cualques tramos y s'ha puesto identificar buena parte de lo suyo trazato, que tien tres tramos:
- 1. -Caput aquae on s'esbarra l'augua de lo río ta l'acueducto-.
Ye talment 2 km auguas ent'alto de lo castiello de Santa Croch, en lo termin d'Albarracín y en la marguin dreita de lo río Guadalaviar. A l'altura de lo castiello un acueducto cruzaba lo cauz de lo río continando, ya por la marguin ezquierda dica lo lugar d'Exea d'Albarracín.
- 2.-Primer tramo, entallato en la roca.-
Va chunto a l'actual carretera y ye la parte mes conoixita. Lo suyo recorrito alterna tramos con la canal a l'aire y tramos con canyos entallatos en la roca, que tienen cualques finestras laterals u pozos pa quitar la tierra encara que beluns d'ixos pozos los desfacioron pa ixamplar la carretera t'Albarracín en los anyos 1980. Las dimensions d'este canyo son grans, con 2 m d'altaria y una amplaria entre 1 y 1,5 m. Este tramo remataría en las ramblas de lo barranco Serón on no podeba continar lo canyo y heban de bordeyar u heban de construir una canal d'obra.
- 3.-Galería, chunto a la zute d'Exea.-
Ye un canyo bien conservato con unos 300 m de largaria. Las suyas dimensions maximas son de 2,25 m d'altaria y 1,25 m d'amplaria. Las suyas finestras laterals son separatas entre ellas 11 m. En lo cabo de lo cillo, coincidindo con la muga municipal entre Exea d'Albarracín y Albarracín, desapareixen de nuevo los vestichios de l'acueducto, que ye fácil que hese atravesato la loma pa ir a parar a lo Barranco de los Burros.
- 4.-Barranco de los Burros.-
L'acueducto se troba seguindo lo trazato de la rambla u barranco de los burros, chusto on terminan las zagueras casas d'Exea, dirección Albarracín, tenendo una construcción pareixita a lo tramo anterior que rodeya lo barranco. La construción contina a cielo ubierto dica meter-se en las primeras casas d'Exea, on desapareixe.
- 5.-La Canyada.-
L'acueducto bordeya probablement las coronas on huei ye lo lugar d'Exea d'Albarracín dica meter-se en un barranco de fondón plan di La Canyada, on identificoron zonas con restos de la canal a cielo ubierto, construita con mampuesto y calcina con ruellos de glera prou fins. La suya amplaria ye d'alto u baixo de 80 cm.
Seguindo esta zaica podiron identificar la boca d'un canyo entallato en la roca que abandona ya lo cauz de lo río y s'enfila ta Cella atravesando una loma d'uns 4 km.
- 6.-Las Hoyas.-
Lo descubrimiento de lo canyo de La Canyada permite explicar la presencia d'uns grans pozos escarbatos en lo cabalto de las lomas que separan Exea de Cella, conoixitas en la zona con lo nombre de Las Hoyas, ("Las Foyas"). En troboron 13, con una deseparación prou regular de 30–35 m. Tien forma cuadrangular u rectangular y dimensions variables (dende 8 dica 40 metros cuadratos). La suya perfecta aliniacion fa suposar que se feban servir como pozos d'aireyación de vegata que permitiban quitar tierra cuan escarbaban l'acueducto.
Las foyas endican la dirección final de l'acueducto y lo suyo estudio permitirá resolver lo trazato referent a lo desaugüe de la canal y la suya distribución en la Plana de Cella.
Los escasos materials que han amanexito en los tramos escabatos de l'acueducto han permeso calendar-lo como d'ixas envueltas de los romanos:
- Troboron bel troz de Terra Sigillata Hispanica, que pueden calendar de lo sieglo II d.C.
- Troboron tres lucernas que se pueden calendar de fins de lo sieglo I.
Este acueducto no lo facioron, doncas, los musulmans, como ye la creyencia popular, creyencia que se puet leyer en bella publicación seriosa. Por atra parte los musulmans que mandoron en la Taifa d'Albarracín yeran militars berbers de lo grupo hawwara que proveniban de zonas desromanizatas a on ixa tecnolochía no existiba y si i hese existito no la podeban trasmitir los clans militars aislatos que plegaban ta lo Sistema Iberico.
Bibliografía
[editar | modificar o codigo]- Este texto prene como referencia la declaración de Bien d'Intrés Cultural publicata en lo BOA nº 110 con fecha 16 de septiembre de 2002 [1] y s'achusta a l'artíclo 13 LPI
- Barragán, Juan José y Andrés, Antonio, "El ser humano y la naturaleza", Col. Conoce donde vives. Teruel, Ibercaja Obra Social y Cultural, Zaragoza, 2001.
Vinclos externos
[editar | modificar o codigo]Se veigan as imáchens de Commons sobre Aquaduct of Albarracín-Gea-Cella.