Altavoz
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://178.128.105.246/cars-http-upload.wikimedia.org/wikipedia/commons/thumb/c/ce/Amberley_loudspeaker.jpg/250px-Amberley_loudspeaker.jpg)
Un altavoz ye un dispositivo que se fa servir ta reproducir sonitos. Os termins "altavoz" y "pantalla acustica" no son sinonimos, porque uno u cuantos altavoces pueden fer parti d'una pantalla acustica.
L'altavoz ye un transductor, en concreto un transductor electroacustico, en o que a transducción sigue un doble procedimiento: electrico - mecanico - acustico.
En un primer paso converte as ondas electricas en enerchía mecanica, y en o segundas torna a enerchía mecanica en enerchía acustica. Ye pues a puerta por an que sale o sonito ta l'exterior dende os instrumentos que facioron posible a suya amplificación (amplificadors de sonito), a suya transmisión por medios telefonicos u radioelectricos, u o suyo tractamiento.
O sonito se transmite por medio d'ondas sonoras a traviés de l'aire. A orella replega istas ondas y as transforma en impulsos niervosos que plegan ta o cerebro por medio d'o sistema auditivo. Si se tracta d'una gravación de voz, de musica en un soporte magnetico u dichital, u si se recullen istos sinyals por radio, s'amenistará tornar istos sinyals electricos en sonitos audibles; ta ixo s'emplega l'altavoz.
Vinclos externos
[editar | modificar o codigo]Se veigan as imáchens de Commons sobre os altavoces.