Aurea Lucinda Javierre

Aurea Lucinda Javierre
Información personal
Naixida o:	24 d'agosto de 1898
Naixida de:	Teruel (Aragón)
Muerta o:	1 de marzo de 1980
Muerta en:	Madrit (Espanya)
Ocupación:	Archivera y Historiadora.

Aurea Lucinda Javierre Mur (Teruel, 24 d'agosto de 1898 – Madrit, 1 de marzo de 1980) estió una archivera y historiadora aragonesa que destacó por o suyo treballo en a organización d'Archivos Historicos.

Se graduó en Machisterio en Uesca y estudió a carrera de Filosofía y Letras en a Universidat de Zaragoza, a on se licenció en l'anyo 1918^[1]. En 1927, esfendió a suya tesi doctoral Matha de Armanyach, Duquesa de Gerona en a Universidat Central de Madrit, por a cual obtenió a calificación de "sobresalient". En 1930, se convertió en a primera muller aragonesa en aconseguir o grau de doctora.^[2]

En 1921, ingresó por oposición en o Cuerpo Facultativo d'Archivers, Bibliotecarios y Arqueologos, quedando reflexau o suyo nombramiento en a Reyal Orden de 21 de chulio de 1921. O suyo primer destín como facultativa d'o Cuerpo de Archivers estió en a Biblioteca Museu Víctor Balaguer de Vilanova i la Geltrú en a provincia de Barcelona, a on estió dica 1922. D'astí, pasó a l'Archivo d'a Corona d'Aragón dica 1935. Continó en l'Archivo d'o Ministerio d'Obras Publicas entre chinero y abril de 1935 y, en l'Archivo Historico Nacional, dende abril de 1935 dica la suya chubilación en agosto de 1968.

En iste zaguer centro, estió chefa d'a Scción d'Órdens Militars y directora, por ausencia d'o titular, en 1946. Impartió docencia mientres cuantos anyos en os cursos pa la formación tecnica d'archivers y bibliotecarios organizaus por a Dirección Cheneral d'Archivos y en os cursos de doctorau d'a Facultat de Filosofía y Letras de Madrit. A suya labor la levó a preocupar-se mientres toda la suya vida profesional por os quefers relacionaus con a conservación y a restauración documental d'os archivos (bella cosa d'a cual no se preocupaban en ixe inte los archivos espanyols).

En l'anyo 1941, se premió una d'as suyas obras historicas y biograficas, referent a María de Luna (reina consort de Martín I)^[3]. A Reyal Academia d'a Historia la pensionó con becas referents a la Fundación Conde de Cartagena, asinas como l'Instituto Jerónimo de Zurita, d'o Consello Superior d'Investigacions Cientificas, pa l'aduya en as suyas investigacions sobre templers, sanchuanistas, calatravos y santiaguistas.

• 1930 – Matha de Armanyach, duquesa de Gerona (1373-1378). Boletín d'a Reyal Academia d'a Historia (BRAH), Madrit
• 1942 – María de Luna, reina de Aragón, Madrit, Consello Superior d'Investigacions Cientificas.
• 1945 – Privilegios reales de la Orden de Montesa en la Edad Media. Catálogo de la serie existente en el Archivo Histórico Nacional. Madrit, Blass.
• 1948 – Pruebas de ingreso en la Orden de San Juan de Jerusalén. Catálogo de las series de caballeros, religiosos y sirvientes de armas, existentes en el Archivo Histórico Nacional. Madrit, Diana Artes Gráficas.
• 1949 – Guía de la sección de Órdenes Militares, Madrit, Diana Artes Gráficas.
• 1949 – Guía de la Sección de Órdenes Militares, Madrit, Patronato Nacional de Archivos.
• 1958 – Catálogo de los documentos referentes a los conventos de Santiago Calatrava y Alcántara que se conservan en el archivo secreto del Consejo de las Órdenes Militares, Madrit, Junta Técnica de Archivos, Bibliotecas y Museos.
• 1976 – Los religiosos en la Orden de Santiago, Madrit, Servicio de Publicaciones del Ministerio de Educación y Ciencia.

• (es) Aurea Lucinda Javierre Mur en o sitio web d'a Reyal Academia d'a Historia.
• (es) Aurea Lucinda Javierre Mur en a Gran Enciclopedia Aragonesa.
• (es) Aurea Lucinda Javierre Mur en L'Enciclopedia.cat.