Avenida Andrássy
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'Avenida Andrássy (en hongaro Andrássy út) ye una avenida emblematica d'a ciudat de Budapest, Hongría, que se remonta a l'anyo 1872. Une a Erzsébet tér («Plaza Isabel») con o Városliget. Plena de casas y palacios neorrenaixentistas eclecticas que presentan politas fronteras, escaleras y interiors, fue reconoixita como Patrimonio d'a Humanidat en 2002 (chunto con a linia de metro 1, Hősök tere y Városliget). L'avenida tamién ye o puesto a on se troban a-saber-las botigas de moda, entre ellas de marcas como Louis Vuitton, Ermenegildo Zegna, Vertú, Burberry, Gucci y Roberto Cavalli.[1]
Historia
[editar | modificar o codigo]![](http://178.128.105.246/cars-http-upload.wikimedia.org/wikipedia/commons/thumb/7/70/Andr%C3%A1ssy_%C3%BAt_Budapest_1896.jpg/250px-Andr%C3%A1ssy_%C3%BAt_Budapest_1896.jpg)
Se decretó a suya construcción en 1870, ta descargar a paralela Király utca d'o trafico intenso y ta conectar as partis d'a ciudat interior (se veiga Belváros) con Városliget a traviés de Terézváros. A suya construcción prencipió en 1872 y l'avenida s'inauguró o 20 d'agosto (una fiesta nacional), de 1867. O suyo aspecto final estió una mezcla d'o plans proposatos por tres competidors destacatos: Lajos Lechner, Frigyes Feszl y Klein & Fraser. Os suyos palacios se construyoron por os arquitectos mas importants (dirichidos por Miklós Ybl) d'a epoca, financiatos por bancos hongaros y atros. Yeran cuasi toz rematatos en 1884 y se trasladoron a vivir astí mas que mas aristocratas, banquers, propietarios de tierra y familias historicas. Recibió o suyo nombre en 1885 por o primer ministro Gyula Andrássy, que estió un d'os que empentó a suya construcción.
A construcción d'o primer metro d'a Europa Continental se proposó en 1870, ya que a capital s'heba oposato siempre a un transporte de superficie en ista carrera. A construcción prencipió en 1894 y remató en 1896, facilitando ista nueva linia de metro o transporte a Városliget, o prencipal puesto d'as celebracions d'o milenio de Hongría.
Partis prencipals
[editar | modificar o codigo]![](http://178.128.105.246/cars-http-upload.wikimedia.org/wikipedia/commons/thumb/0/0b/Andrassy_ut_01.jpg/250px-Andrassy_ut_01.jpg)
L'Andrássy út ye formata por cuatre partes prencipals, dende aintro enta difuera:
- Dende Erzsébet tér dica Oktogon: una parti urbanizata prencipalment con propositos comercials.
- Dende Oktogon dica Kodály körönd: enamplata con una avenida arbolata, encluyendo-ie arias residencials y universidaz.
- Dende Kodály körönd dica Bajza utca: ye encara mas amplo, y os palacios residencials tienen debant chicoz parques.
- Dende Bajza utca dica Városliget: a mesma amplaria; casas rodiatas por chardins, encluyendo bel par d'embaixatas.
Puestos destacatos
[editar | modificar o codigo]- Museu de Correus
- Opera Estatal d'Hongría
- Casa Drechsler
- O Broadway de Pest: un cruce con cuatre teatros importants en as suyas cuatre esquinas
- Plaza Franz Liszt: una plaza con l'Academia de Musica y a-saber-los cafés
- Jókai tér
- Oktogon: cruce con Grand Boulevard
- Casa d'o Terror (Terror Háza): conmemorando los dos principales regímenes opresores en Hungría, o faixismo y o comunismo, y as suyas victimas[2]
- Casa Memorial de Franz Liszt y l'antiga Academía de Musica
- Casa Memorial de Zoltán Kodály
- Teatro de marionetas
- Antigo Palacio d'Arte
- Colechio d'Artes Politas
- Museu d'Arte de l'Este Asiatico Ferenc Hopp
- Plaza d'os Herois (Hősök tere): a dentrata de Városliget (Parque Urbán), con o Molimento a o Milenio, o Palacio d'Arte de Budapest y o Museu d'Artes Polidas de Budapest
Referencias
[editar | modificar o codigo]- ↑ UNESCO
- ↑ (en) página web