Foeniculum vulgare
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Fenullo u Fenollo | ||||||||||||||||
![]() Fenollo floriu | ||||||||||||||||
| ||||||||||||||||
Foeniculum vulgare Mill. |
![](http://178.128.105.246/cars-http-upload.wikimedia.org/wikipedia/commons/thumb/6/61/Fennel-seeds.jpg/220px-Fennel-seeds.jpg)
![](http://178.128.105.246/cars-http-upload.wikimedia.org/wikipedia/commons/thumb/0/0b/Fenouil.jpg/220px-Fenouil.jpg)
O fenullo u fenollo (d'o latín < FENUCULUS) (Foeniculum vulgare) ye una especie silvestre y cautivada d'a familia Apiaceae orichinaria d'o sud d'Europa y Orient Proximo. Ye un d'os condimentos tradicionals d'a cocina mediterania.
Descripción
[editar | modificar o codigo]Hierba perenne de fuellas finas y de color verda clara que plega dica 2 metros d'altaria. Floreix de verano y fa una umbela de flors amariellas y fuitos chicoz y aromaticos.
Ista planta tien usos gastronomicos, medecinals y en parfumería. Tien un gusto d'anís ya que tamién contién anetol. Ye una planta muit resistent a la sequera y que se troba en muitos puestos d'a tierra baixa.
Cautivo
[editar | modificar o codigo]A varietat dulcis ye un cautivo tipico d'Italia (finocchio) con as fuellas basals enreciadas que fan como un "bulbo". Se siembra dreitament de verano y se replega de primavera.
As atras variedaz son por un regular plantas silvestres. Os fruitos se gosan cullir d'agüerro y as fuellas tiernas de primavera.
Gastronomia
[editar | modificar o codigo]![](http://178.128.105.246/cars-http-upload.wikimedia.org/wikipedia/commons/thumb/1/1d/Foeniculum_vulgare_01.jpg/220px-Foeniculum_vulgare_01.jpg)
As simients s'aprofitan en a cocina de muitos países. Se fan servir zanceras u molidas. En a zona d'o mediterranio as simients se gosan emplegar ta condimentar ciertos productos de pastelería. As simients son una especia que se fa servir como ingredient en a cocina d'Orient Proximo y tamién como ingredient d'a mezcla d'especias d'os currys d'o subcontinent indio.
As fuellas verdas y crudas se fan servir como ingredient d'ensaladas. En l'Asia d'o sudeste, (Laos, Tailandia, China) se minchan crudas como acompanyamiento de platos de pescau u carne. En a gastronomía italiana, francesa y china, as fuellas frescas sirven tamién ta parar y condimentar sopas.[1]
Os bulbos d'as variedaz de fenollo cautivadas son muit populars en a cocina d'o centro d'Europa. Se paran bullius con vinagreta, t'acompanyar platos, u bien zancers gratinaus con beixamel y cubiertos de queso u tallaus a trozos en quiche, entre muitas atras formas.