García Ferrández d'Heredia
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
García Ferrández d'Heredia | |
---|---|
Arcebispe de Zaragoza y bispe de Vic | |
13 d'octubre de 1383-1 de chunio de 1411 | |
Predecesor | Lope Ferrández de Luna |
Succesor | Francesc Climent Sapera |
1377-1387 | |
Predecesor | Remón de Bellera |
Succesor | Ferrando Pérez Calvillo |
Naixencia | 1335![]() |
Muerte | 1 de chunio de 1411![]() |
Enterreco | Ilesia de Sant Francisco de Teruel |
Dinastía | Linache d'os Ferrández d'Heredia |
![]() |
García Ferrández d'Heredia (1335-1411) estió un arcebispe de Zaragoza que destacó por la suya actividat constructora, por empentar l'arte relichioso y por la suya participación en la politica de lo reino d'Aragón.
Ye naixiu de Munebrega en 1335 y yera fillo de lo segundo matrimonio de lo suyo padre, Blasco Ferrández d'Heredia, en una familia cerca de lo Gran Mayestre de la Orden de lo Hespital, Johan Ferrández d'Heredia. Los Ferrández d'Heredia, branca borda de lo rei Chaime I d'Aragón, emparentarían por matrimonio con la branca borda de los Luna aragoneses que en ye descendient lo conestable de Castiella Alvaro de Luna.
Principia la suya carrera eclesiastica como canonche de Mallorca en 1372 y mes entabant se converte en diacono de Sant Feliu de Chirona.
Ye la protección de lo suyo ilustre apellito lo que li facilita la seu bispal de Vic (1377), pero teneba conflictos con lo capítol d'ixa seu. A mes, Pero IV lo Cerimonioso desconfiaba d'él por la suya gran amistat con lo infant Chuan, y por ixo lo destituyó en 1383. Dimpués de morir Pero IV, lo infant Chuan, convertiu en Chuan I d'Aragón, lo puyó a la cadiera arcebispal de Zaragoza en 1389. Estió consellero de Chuan I y de Martín I.
Chuan I lo autorizó pa fortificar y cercar la villa d'Albalat de l'Arcebispe. Destaca la suya labor en la construcción de lo castiello, ilesia y puent de piedra de Val de Robres; Martín I lo autorizó pa que fortificase y cercase la villa de Val de Robres. Dita villa yera adscrita a lo arcebispato de Zaragoza dende 1317, y cuan i plega García las obras de la nueva ilesia ya yeran en marcha por lo suyo predecesor Lope Ferrández de Luna.
Manimenos, ye García qui estableix de reconstruir lo castiello defensivo que ya existiba y d'ixamplar-lo dica tornar-lo en lo suyo palacio-residencia, dando lo primer trango ta l'aspecto que se poderá esnavesar pa cutio.
Poco sabemos de la suya actuación eclesial y politica. Se sabe que estió fidel a Benedit XIII mientres lo Scisma d'Occident. Ye de suponer que a imitación de su tío, que debanta una ilesia mortuoria en Casp, D. García estableix fer lo mesmo en la ilesia que rechentan los franciscanos en Teruel, con motivo de la devoción a los santos martirs Chuan de Perusa y Pietro de Saxoferrato, veneraus en la suya ilesia.
Se desvinió que como hombre eminent que ye, fa part de la colla de notables que en 1411 debaten en las Corz de Calatayú sobre la difícil succesión a la cadiera reyal que planteya a la rechencia la muerte de Martín I sin haber nombrau succesor, en meyo de las aspiracions de entre los presuntos hereders y los bandos ya feitos entro los nobles.
Dimpués de debates fuertes a mayor parte de los compromisarios se decanta por Fernando de Antequera como candidato, ixo heba estato posible por la intervención decisiva de Don García. Los partidarios de Chaime d'Urchel creyen que ha plegau prou luent y que ye perigloso pa las suyas fins, y por tanto Antón de Luna lo mata l'1 de chunio de 1411 cuan tornaba ta Zaragoza por un camín entre L'Almunia de Donya Godina y Almonecir de la Sierra,[1] en una emboscada.
Lo apedecan provisionalment en L'Almunia, dende a on que las suyas restas las trasladan ta la Ilesia de Sant Francisco de Teruel por disposición de l'arcebispe nuevo de Zaragoza, seguntes letras datas en Muel a 29 d'agosto de 1427. Dimpués en l'anyo 1737 las suyas restas, apedecadas primero baixo la vercha de lo presbiterio, en lo costau de l'altar de Sant Antón, las metioron en un sarcofago, a ran de lo presbiterio, en lo costau de lo evanchelio.
Vinclos externos
[editar | modificar o codigo]Predecesor: Lope Ferrández de Luna |
Arcebispe de Zaragoza 13 d'octubre de 1383-1 de chunio de 1411 |
Succesor: Francesc Climent Sapera |
Predecesor: Remón de Bellera |
Bispe de Vic 1377-1387 |
Succesor: Ferrando Pérez Calvillo |