La Poblla de Fantova
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre La Poblla de Fantova. Ta atros emplegos d'o toponimo La Puebla se veiga La Puebla (desambigación).
La Poblla de Fantova | |
Lugar d'Aragón | |
Entidat • País • Provincia • Comarca • Municipio |
Lugar![]() ![]() Ribagorza Graus |
Partiu chudicial | Balbastro |
Población • Total |
106 hab. (2018) |
Altaria • Meyana |
709 m. |
Distancia • 93 km |
enta Uesca |
Codigo postal | 22430 |
Parroquial • Diocesi • Arcipestrau • Parroquia |
Balbastro-Monzón Sobrarbe-Ribagorza Asumpción de Ntra. Sra. |
Coordenadas | |
Web oficial |
![]() |
La Poblla de Fantoba (oficialment en castellano La Puebla de Fantova, en catalán La Pobla de Fontova) é un llugar de Ribagorza situau a'l nord-este de Graus, perteneixient a iste municipio. En 2018 la suya población yeba de 106 habitants.
Toponimia
[editar | modificar o codigo]El suyo nombre fa referencia a Fantova, que yeba un llugar mas gran y mas alto cuan apareixió el nuclio de La Poblla de Fantoba.
Cheografía
[editar | modificar o codigo]Cheodesia
[editar | modificar o codigo]Bi ha un vértiz cheodesico a una altaria de 745 metros dende o livel d'a mar[1] en o tozal a on se troba a ermita d'o lugar, a bels 150 m a o nord-este d'ella.
Hablla
[editar | modificar o codigo]En La Poblla s'hablla una variedat de l'aragonés baixorribagorzano con moltas influencias de Sobrarbe, que i han allegau pe'la vall de La Fueba que i é molto cerca, tanto é aixinas que La Poblla é de los pocos llugars de Ribagorza a none a prencipios d'el siglo XX se va documentar que se i usase lo preterito perfecto sintetico, que é tan tipico de l'aragonés de Sobrarbe y mes ta ponent tamé, pero que no s'asiente pas en Ribagorza. Igualment que pasa en La Fueba, en La Poblla y los llugars que tiene cerca, el preterito perfecto sintetico i coexiste con el perifrastico tipico de Ribagorza, y ixo é ben raro por astí en la comarca.
En 1905, Jean Joseph Saroïhandy se va trobar con esta hablla y va transcribre una pastorada tradicional que's i va sentir a los vecinos de La Poblla.[2] Un d'els rasgos mas sorprenents d'ixe texto ye, entre otras cosas, la presencia cuasi cheneral tamé de los participios remataus en -ato, como tamé se's va trobar en Perraruga. Este rasgo, que hasta que s'han puesto coneixer aquellos textos se teniban per excllusivos de l'aragonés central (Sobrarbe y Alto Galligo) pueden ebudeyar a cualsiquiera que s'heiga interesau per la situación de l'aragonés oriental, pos de bot contrebuyen a demostrar las teorías de que en oltros tiempos ixe rasgo, el de los participios, i heba estau mes estendiua de lo que se pensa. Se transcribe con la grafía que Saroïhandy i va empllegar:
Fa como tres dias
que perdié lo repatano
he corrito a quatre suelas,
galopand como un cavallo
por los montes de La Poblla
i ni las trazas n'he trovato.
Molimentos
[editar | modificar o codigo]- Illesia del sieglo XVI con elementos renaixentistas.
- Ermita de Sant Clement, romanica.
- Ermita de la Virchen de Laude, sieglo XVII.
- Castiello de Fantova.
Fiestas
[editar | modificar o codigo]Dedicatas a la virchen de Llagure (Laude como se conoix hoi), 8 de setiembre, feitas el penultimo cabo de semana d'agosto.
Referencias
[editar | modificar o codigo]- ↑ (es) Fuella d'o vértiz cheodesico
- ↑ (es) Óscar Latas, Misión Lingüística de Jean J. Saroïhandy en el Alto Aragón, Ed. Xordica-Prensas Universitarias de Zaragoza, Billanueba de Galligo (Zaragoza, Aragón), 2005. ISBN 84-96457-06-0
Vinclos externos
[editar | modificar o codigo]
Lugars d'o municipio de Graus | |
---|---|
Poblaus: Abenozas | Aguilaniu | Bellestar | Benavent d'Aragón | Centenera | Colloliva | Chuseu | Graus | Güell | Ixep | Panillo | Pano | La Poblla de Fantova | La Poblla d'el Mont | Pueyo de Marguillén | El Soler | Torlabat | Torres | Torrobato | Torrodesera | La Tosquiella | Las Ventas de Santa Llucia Despoblaus: Aguilar | Bafalui | Barasona | Brualla | Cancé | Castarllenas | Erdau | Fantova | Grustán | La Matosa | Portaspana | Pruiquimat | Santa Creu | La Tobenya | La Torre | Torruella d'Aragón | Yardo |