Lata de pescar
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://178.128.105.246/cars-http-upload.wikimedia.org/wikipedia/commons/thumb/2/2b/Ca%C3%B1aDePescaPlayaTardeMediterraneo.jpg/300px-Ca%C3%B1aDePescaPlayaTardeMediterraneo.jpg)
Una lata de pescar ye un utensilio que s'emplega pa pescar. Orichinariament o suyo cuerpo yera de components naturals, mas que mas cualsiquier mena de palo como una branca d'árbol u una canya. En l'actualidat se fabrican con components sinteticos, mas que mas a fibra de carbonio.
Components
[editar | modificar o codigo]Bi ha diferents materials con os que se puet fabricar o cuerpo d'a lata:
- O bambú: yera o material emplegau mientres sieglos en a fabricación de latas de pescar. A causa d'as suyas grans prestacions y versatilidat, a lata de bambú encara ye muit apreciada en a pesca con coda de rata.
- A fibra de vidre: estió o material con que se feban as primeras latas de pescar modernas. A fibra de vidre ye un material cerenyo y flexible que encara hue ye emplegau en a construcción de latas pa bellas modalidaz de pesca.
- O grafito: gracias a la suya lichereza y gran resistencia ha ganau muito terreno, encara que en primerías a os pescataires no les feba guaire goyo l'uso d'iste material por a suya gran conductividat, ya que atraye a os rayos y a causa d'a fabricación d'as linias con materials conductors como a fibra de carbonio, o risgo de dentrar en contacto con linias de conducción electrica puet chenerar accidents por garrampas.
O mango d'as latas de pescar ye un elemento fabricau por cuantos materials como o zuro u a esbruma de neopreno comprimiu pa chenerar comoditat a o pescataire mientres as luengas chornadas de pesca. Amás ye a on se monta o carret a traviés d'aniellas de subchección con rosca pa fixar-lo firmement a la lata.
O mango puet estar de diferents midas y formas que penden d'o tipo de pesca pa la que ye destinada cada lata, por eixemplo: os mangos de latas pa la modalidat de pesca en "stand up" son una mica mas luengos, os d'as latas por troleo en mar son modelaus en anglo pa estar montaus en a borda d'as embarcacions, etc.
Vinclos externos
[editar | modificar o codigo]Se veigan as imáchens de Commons sobre as latas de pescar.