Macquarie Street (Sydney)
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Macquarie Street
| |
---|---|
Ciudat | Sydney |
Districto | Districto d'afers central |
Prencipia | Hyde Park |
Remata | Opera de Sydney |
Macquarie Street ye una carrera situada en o districto d'afers central de Sydney en Nueva Galas d'o Sud en Australia. Macquarie Street va dende Hyde Park a o sud dica a Opera de Sydney a o norte. Antimás de conectar istos dos importants puestos, as prencipals institucions de gubierno d'o estau de Nueva Galas d'o Sud se troban en ista carrera.
Edificios publicos y gubernamentals
[editar | modificar o codigo]Macquarie Street ye a seu d'as prencipals institucions gubernamentals de Nueva Galas d'o Sud: a Casa d'o Parlamento, a Casa d'o Gubierno y o Edificio d'as Corz Chudicials (seu d'a Cort Suprema de Nueva Galas d'o Sud) se troban toz situaus en ista carrera. "Macquarie Street" se fa servir como metonimo ta o gubierno de Nueva Galas d'o Sud.
Entre as institucions d'o gubierno federal situadas en ista carrera s'encluyen as seus en Sydney d'a Cort Federal d'Australia y Cort Suprema d'Australia, as dos en o Edificio d'as Corz Chudicials en Queen's Square, y a seu d'o Banco de la Reserva de Australia.
Macquarie Street tamién ye a on se troban o Hespital de Sydney, os Quartels de Hyde Park y a ilesia de Sant Chaime, toz construyius cuan Lachlan Macquarie yera gubernador. L'edificio d'a historica Casa d'a moneda de Sydney, chunto con a dentrada a la Casa d'o Parlamento, son repuis de l'orichinal Hespital de Sydney.
A Biblioteca Estatal de Nueva Galas d'o Sud se troba en Macquarie Street, asinas como o historico Chief Secretary's Building y l'antiga Tresorería de Nueva Galas d'o Sud (actualment parti de l'Hotel InterContinental). Aintro d'o Reyal Chardín Botanico de Sydney se troban a Casa d'o Parlamento y o Conservatorio de Musica de Sydney, edificio orichinalment construyiu ta servir d'establos d'a Casa d'o Parlamento. En o cabo norte de Macquarie Street se troba a iconica Opera de Sydney.