Mondot
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Mondot | |
Lugar d'Aragón | |
Entidat • País • Provincia • Comarca • Municipio |
Lugar![]() ![]() Sobrarbe l'Aínsa-Sobrarbe |
Partiu chudicial | Boltanya |
Población • Total |
4 hab. (2018) |
Altaria • Meyana |
647 m. |
Distancia • 81 km • 30 km |
enta Uesca enta l'Aínsa |
Codigo postal | 22394 |
Fiestas | 10 d'aviento |
Patrons | Sant Chuaquín |
Parroquial • Diocesi • Arcipestrau • Parroquia |
Uesca Semontano-Sobrarbe Pendient titular |
Ríos | Susía |
Coordenadas | |
Mondot (pronunciau /mon'dod/~/mun'dod/[1]) ye una aldeya aragonesa d'o municipio de l'Aínsa-Sobrarbe, en a comarca de Sobrarbe y a provincia de Uesca. A suya población ye de 4 habitants (2018).[2]
Ye una aldeya historica de o Elsón, localidat con un castiello de a que dependeba dende a Edat Meya. En chunto con o Elsón y con Chabierre d'o Elsón formaba un municipio, de nombre o Elsón, dende a constitución d'os primers achuntamientos modernos en 1834 dica l'absorción d'os tres nuclios en o municipio d'Alto Sobrarbe, en a decada de 1960.[3]
Cheografía
[editar | modificar o codigo]Mondot se troba en a parte altera de a valle d'o Susía, en o extremo sud d'a comarca de Sobrarbe, en o sector que se conoix como o Viello Sobrarbe.
En a suya posición, fa parte de a compleguera d'o barranco de Sant Chils, afluent directo de o Susía. Se troba en una zona de relieve relativament suave, anque debaixo de as garras d'a sierra de Sant Benedet, y chusto por dezaga de o lugar, cara ta l'ueste, a cota remonta bel poquet a poquet hasta coronar l'auguabatient que desparte a cuenca hidrica de o Susía con a d'o Vero, que ye representada por ista parte en l'altiplano d'Arcusa.
Con automobil, ye accesible por l'esbarro que naixe a debant d'o Mesón de Ligüerre, en a carretera autonomica A-138 (Balbastro-l'Aínsa), y que se torna una pista asfaltada que recorre a valleta d'o río Susía t'alto. En iste sentiu, cal pasar de largo Lamata, Chabierre y o Elsón, y solo aproximadament a 2,3 km de o Elsón amaneix Mondot. Por a contra, y como que a pista arriba a achuntar-se con a comarcal A-2205 (a carretera d'o Viello Sobrarbe) en a plana d'Arcusa, tamién ye accesible si se toma en sentiu descendent en o cruce con a dita carretera; p. ex. si se pilla ista vía dende Arcusa.
Historia
[editar | modificar o codigo]I ha mencions a Mondot en os documentos historicos dende o sieglo XII,[4] anque no se i conserva garra restas de fortificacions nian garra construcción tan antiga como ixo.
En os documentos mas recients, Mondot amaneix siempre asociau con o Elsón, en grau d'aldea u población menor y pendedera d'aquel atro lugar. Dende o sieglo XVI as casas mas fuertes de Mondot comparten con as d'o Elsón y as casas infanzonas de Chabierre l'administración d'os cuatro molins[5] que d'entre as tres localidaz teneban en o río, y s'asocian como concello.
En o sieglo XIX formaban achuntamiento de conchunta, integrando-se en un municipio moderno, que naix en 1834, y que se deciba o Elsón.[4] O municipio desapareixió en 1969, en fusionar-se con Arcusa, Santa María de Buil y Sasa de Surta ta formar o nuevo municipio d'Alto Sobrarbe. Alto Sobrarbe conoixió una existencia de solo que 12 anyos, y remató fusionau con o municipio de l'Aínsa ta formar l'actual termino de l'Aínsa-Sobrarbe en 1981.
Despoblación
[editar | modificar o codigo]Mondot ye una población que sufrió una firme despoblación por a suya situación d'isolamiento, en a segunda metat d'o sieglo XX, gosando quedar vueda y tot en a partir de 1976.[4] Anfortunadament, ixa situación s'ha revertiu parcialment en as zaguer dos decadas, pus bels vecinos que en marchón i son tornaus.
No teneba carretera dica 1950, cuan os propios vecins en fizon una a vecinal[4] que metese a pedanía en comunicación con o Elsón. A vía yera prou precaria y se mantenió en ixe estau dica la decada de 1990, cuan fue re-acondicionada por l'Administración.[4] Actualment, ye perfectament accesible con vehiclos de turismo convencionals. A electricidat i gosó arribar en 1975.[4]
Demografía
[editar | modificar o codigo]
| ||||||||||||||||||
| ||||||||||||||||||
| ||||||||||||||||||
1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. |
Imáchens
[editar | modificar o codigo]-
Casa Castán (s. XVII).
-
Portalada de casa Villacampa (s. XVI).
Toponimia
[editar | modificar o codigo]Mondot ye un toponimo d'orichens latinas: <MONS, MONTIS, que significa «monte».[1][6] Manimenos, a presencia d'a terminación -ot en o nombre podría sucherir una orichen no estrictament romance.
Seguntes Ch. Tomás, ye poco probable que ista terminación -ot dimane d'a desinencia latina -OTTU[1], que ye a que ha dau a mayoría de terminacions augmentativas/peyorativas en -ot que existe en aragonés actual. Por cuentas d'ixo, tanto iste autor como l'investigador Manuel Benito Moliner coinciden en considerar que a terminación -ot puede estar d'herencio prerromano, especialment porque existe unatro toponimo muit semellant en a valle de Vio, o Mondoto, que toz os autors coinciden en clasificar como prerromán.[1]
Si isto ye cierto, a terminación -ot en Mondot podría estar mas proxima a las que se troba en belatros toponimos prerromans, como Oto u Broto, a on que a forma analoga d'ista terminación indica «alto»[1] (Broto <Berg + oto,[1] «montanya alta»; y por tanto podría estar que Mondot <*MONTE + oto, «tozal altero», «mont altero»).
Si a terminación -ot fuese a mesma en orichen que en Oto y Broto, no sería necesariament prerromana, porque os filologos Paul M. Lloyd y Jairo Javier García Sánchez amuestran que oto ye a evolución d'o latín ALTU d'acuerdo con una lei fonetica que perdió fuerza en o sieglo XII.[7][8] Esta mesma evolución fonetica se veye en atros toponimos peninsulars como Ribota (RIBA ALTA), Villota (VILLA ALTA) y Otura (ALTURA), por o que una etimolochía de Mondot a partir de MONT ALTU ye razonable con a sonorización dezaga de liquida de l'aragonés central (*Montoto > *Mondoto) y apocopa d'a o final (*Mondoto > Mondot).
Fiestas
[editar | modificar o codigo]- 17 de chinero, fiesta d'hibierno, fendo-le honras a Sant Antón Abat.
- 20 d'agosto, Fiesta Mayor fendo-le honras a Sant Chuaquín.
Referencias
[editar | modificar o codigo]- ↑ 1,0 1,1 1,2 1,3 1,4 1,5 (es) TOMÁS ARIAS, Chabier (1999). El aragonés del Biello Sobrarbe. Instituto de Estudios Altoaragoneses. Uesca. ISBN 84-8127-095-4
- ↑ (es) «Mondot» en a subpachina «Relación de unidades poblacionales» d'o Insituto Nacional de Estadística; consultada o 13 de chulio de 2012.
- ↑ (es) «Olsón» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 5 de septiembre de 2011
- ↑ 4,0 4,1 4,2 4,3 4,4 4,5 (es) Mondot en a pachina Eripol.es; consultada o 13 de chulio de 2012.
- ↑ (es) Casa e infanzones de Sobrarbe, consultau o 13 de chulio de 2012.
- ↑ (es) Índice de pueblos del Alto Aragón, el orígen de sus nombres. Por Manuel Benito Moliner. Consultau o 13 de chulio de 2012.
- ↑ (es) Paul M. Lloyd: Del latín al español. Editorial Gredos, 2003, pp 308-309.
- ↑ (es) Jairo Javier García Sánchez: Atlas toponímico de España. Editorial: Arco/Libros, S.L., 2007, p 81.
Vinclos externos
[editar | modificar o codigo]
Lugars d'o municipio de l'Aínsa-Sobrarbe | |
---|---|
Poblaus: L'Aínsa | l'Arcusa | Arro | Banastón | As Bellostas | Buil | Camporretuno | Castellaz | Castillón de Sobrarbe | Chabierre d'o Elsón | Cherbe | O Coscollar | Cosculluela de Sobrarbe | O Elsón | Griébal | Guaso | Mondot | Moriello de Tou | A Pardina | Pauls de Sasa | Sarratiello | Sasa de Surta | A Torre | A Torriciella | Usana Despoblaus: Bagüeste | Bruello | A Capana | Coroniellas | La Escapa | Frontinyán | A Gabardiella | Gallinero Alto | Gallinero Baixo | A Lecina | Liners | Mesón de Cosculluela | Paciniás | Pelegrín | Plampalacios | Puivalleta | La Ripa | Os Rials | O Sarrastanyo | Sarratiás | O Sarrato | Tou |