Morería de Zaragoza
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://178.128.105.246/cars-http-upload.wikimedia.org/wikipedia/commons/thumb/7/76/Plaza_Salamero%2C_Zaragoza.jpg/300px-Plaza_Salamero%2C_Zaragoza.jpg)
A morería de Zaragoza yera lo barrio an habitaban os musulmans dimpués d'a conquiesta cristiana d'a ciudat per Alifonso I d'Aragón en 1118.
Historia
[editar | modificar o codigo]Antis d'a conquiesta de Zaragoza per Alifonso I astí se trobaba lo barrio de pelaires ("al-Dabbagin"). A primers d'o sieglo XIV pasó a formar parte d'o sinyoría de Pietro d'Ayerbe. En 1300 teneba 202 fuegos y en 1496 contaba con 120 fuegos.[1] En o estiu de 1610 se decretó la expulsión de toz os moriscos aragoneses. A mayoría se marchó enta Tunicia.
Descripción
[editar | modificar o codigo]![](http://178.128.105.246/cars-http-upload.wikimedia.org/wikipedia/commons/thumb/a/ac/Carrera_Azoque%2C_Zaragoza.jpg/300px-Carrera_Azoque%2C_Zaragoza.jpg)
A morería yera deseparada d'a resta d'a ciudat per un muro d'adoba. Dos puertas o comunicaban con a ciudat cristiana: la puerta d'a Meca y unatra que se devantaba an yera lo desapareixiu arco de Sant Roque.
Plazas y carreras
[editar | modificar o codigo]As siguients plazas y carreras yeran en a morería.[2]
- Plaza d'Alfondiga: correspondeba parcialment con l'actual Plaza Salamero y yera lo centro d'a morería. Astí se trobaba la "Alfondiga" (en arabe "al-funduq") u hostal d'os moros, a carnezería, lo zoco u mercau (en arabe "al-suq"), l'alcaicería u mercau de mercaderías valurosas (en arabe "al-qaysariyya") y la mezquita mayor.
- Plaza de Meliz: en l'actual plaza de Sant Lamberto.
- Carrera d'a Morería cerrada: actual carrera Valenzuela.
- Carrera Pertollas.
- Plaza de Trebedes.
- Carrera Azoque: que yera la carrera prencipal d'a morería.
Mezquitas
[editar | modificar o codigo]- Mezquita Mayor: an se celebraban as chuntas d'alchama.
- Mezquita de Pertollas.
- Mezquita Viella.
Fosal
[editar | modificar o codigo]O fosal yera en o solar d'o futuro Convento d'o Carmen dica que en 1337 se tresladó amán d'a puerta d'el Portiello.
Restas
[editar | modificar o codigo]Lo unico que queda d'a morería ye lo suyo nombre y lo suyo trazau d'a carrera Azoque.
Galería
[editar | modificar o codigo]-
Carrera Valenzuela, d'antis mas carrera d'a Morería cerrada
-
Plaza de Sant Lamberto, d'antis más plaza de Meliz
-
Carrera de la Morería
-
Cartel d'a carrera de la Morería
Referencias
[editar | modificar o codigo]- ↑ (es) "La morería de Zaragoza en el siglo XV", Germán Navarro Espinach, XI Simposio Internacional de Mudejarismo, 2009, ISBN 978-84-96053-41-0, p.749
- ↑ (es) "Los nombres de las calles de Zaragoza en el siglo XV (Toponimía urbana)", Gaudioso Giménez Resano, Archivo de filología aragonesa, 1984, n° 34-35, p.585
- ↑ (es) "Zaragoza en el siglo XV", María Isabel Falcón Pérez, Institución "Fernando el Católico", 1981, p.69