Puerta de Santa Engracia
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Puerta de Santa Engracia | |
---|---|
![]() Puerta de Santa Engracia en o sieglo XIX | |
Situación cheografica | |
Estau | |
País | |
' | |
Situación | ![]() |
Adreza | |
Coordenatas | |
Archidiocesi | |
Diocesi | |
Arcipestrau | |
Información cheneral | |
Advocación | Santa Engracia |
Culto | |
Orden | |
Rector | |
Vicario parroquial | |
2.º Vicario parroquial | |
Mosen | |
Propietario | |
Administrador | |
Director | |
Coste | {{{coste}}} |
Vesitable | |
Altaria | |
Pisos | |
Amplaria | |
Largaria | |
Superficie | |
Diametro | |
Aforo | |
Altaria s.r.m. | |
Atras | |
Alcance | |
Iluminación | |
Potencia | |
Arquitectura | |
Tipo | Puerta |
Estilo | |
Función | |
Catalogación | |
Materials | |
Construcción | |
Construcción | 1737-1808 1831-1865 1865-1902 |
Fundador | |
Inicio | |
Fin | |
Inauguración | |
Destrucción | |
Arquitecto | |
Incheniero estructural | |
Incheniero de servicios | |
Incheniero civil | |
Atros | |
Premios | |
Pachina web | |
Localización | |
Situación en Zaragoza |
A puerta de Santa Engracia ye a denominación de dica tres puertas diferents situadas en a ciudat de Zaragoza. Se trobaban situadas todas ellas en os arredols d'a basilica de Santa Engracia y o paseyo d'a Independencia de Zaragoza.
Primera puerta
[editar | modificar o codigo]A primera d'as puertas de Santa Engracia yera situada chunto a l'actual basilica y antigo monesterio d'o mesmo nombre, debant d'o puesto a on actualment se troba l'edificio de Correus y que ta par d'alavez yera ocupau por o convento d'as carmelitas escalzas de Sant Chusé.
Construyida en 1737 serviba tamién de residencia pa os guardias ocupaus d'a suya vichilancia. Esviellada en 1796, fue prou danyada en a Guerra d'o Francés igual que muitas atras d'as puertas d'a ciudat y habió d'espaldar-se en rematar a contienda.
Segunda puerta
[editar | modificar o codigo]En 1815 se fació en Zaragoza un prochecto de remodelación urbanistica que incluyiba a construcción d'una nueva puerta, situada agora en mel meyo de l'actual paseyo d'a Independencia, dito por ixas envueltas salón de Santa Engracia y dimpués salón de Pignatelli. Ferrando VII estió qui en 1819 ordenó a construcción d'a puerta, que prencipiaría en 1828 baixo a batuta de l'arquitecto Tiburcio del Caso. O rei quereba honrar con ella a memoria d'os esfensors d'a ciudat en a guerra.
Seguntes a planificación inicial os reis, que iban a vesitar Zaragoza en abril de 1828, heban de dentrar-ie por ista puerta, pero como encara no yera rematada pa ixas calendatas se fació una imitación temporal de fusta. A puerta definitiva prencipió a construyir-se en 1831 y s'aturaría atra vegada en 1835, quedando asinas sin rematar de tot.
Como a puerta feba estorbo en a nueva expansión urbana y en o enlace d'o paseyo con a nueva glorieta que actualment ye a plaza d'Aragón, en l'anyo 1865 y dimpués de protestas vecinals prencipió a espaldar-se.
Tercera puerta
[editar | modificar o codigo]Asinas en 1865 prencipió a devantar-se una nueva puerta de Santa Engracia, que agora se trobaba entre l'edificio de Capitanía Cheneral dica a casa que yera a l'atro canto d'a plaza. Ista nueva puerta yera feita de fierro fundiu con cinco dentradas deseparadas por pilars y con dos garitas emplegadas pa cobrar os impuestos de consumos. Debant d'a puerta se construyió en 1893 l'edificio d'a Facultat de Medicina y Ciencias, obra de l'arquitecto municipal Ricardo Magdalena.
Dimpués de muitas rufiertas sobre a utilidat d'a puerta y os problemas que suposaba pa o paso d'o tramvía que baixaba dende Torrero dica o centro, remató por eliminar-se en 1902.
Vinclos externos
[editar | modificar o codigo]
![]() | |
Ánchel · Carmen · Cinecha · Cremada · Duque de la Vitoria · Portiello · Sancho · Santa Engracia · Sant Ildefonso · Sol · Toledo · Valencia |