Silvestre Tornasol
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Silvestre Tornasol | |
---|---|
![]() Profesor Tornasol | |
Información personal
| |
Ocupación: | Cientifico |
Personache de cómic
| |
Cómic: | As aventuras de Tintín |
Debuixant: | Hergé |
Anyo: | 1944 |
O Profesor Silvestre Tornasol (en francés Professeur Tryphon Tournesol[1]) ye un personache d'a serie de cómic As aventuras de Tintín, talment o cuarto en importancia dimpués de Tintín, Milú y o Capitán Haddock, caracterizau por estar un inventor excentrico y practicament xordo.
A suya imachen fisica s'inspira en la d'o profesor y inventor Auguste Piccard, un amigo de Hergé.[2]
Historia
[editar | modificar o codigo]![](http://178.128.105.246/cars-http-upload.wikimedia.org/wikipedia/commons/thumb/a/a0/Bundesarchiv_Bild_102-13738%2C_Auguste_Piccard.jpg/200px-Bundesarchiv_Bild_102-13738%2C_Auguste_Piccard.jpg)
O recurso d'o sabio un poco excentrico y embabiecau ya teneba antecendents en As aventuras de Tintín: por eixemplo, Filemón Ciclón, l'echiptologo de Les Cigares du pharaon, u o especialista en numismatica y filatelia que apareixe en Le esceptre d'Ottokar, Néstor Halambique. Hergé presentó a Tornasol en Le Trésor de Rackham le Rouge como un cientifico xordo que ofreixe a os expedicionarios un submarino con forma de tiburón. O recurso d'a xordera propiciaba as situacions comicas.
A la fin d'iste álbum, ye Tornasol qui, con os diners ganaus d'a venda d'o submarino a o gubierno, merca o castiello de Moulinsart pa o capitán Haddock, en compensación por haber-le deixau prebar o submarino en la expedición a l'Unicornio.
Os rols que cumple en as historias son d'os mas variaus, indo dende distraito encetador de bels gags por meyo d'a xordera u as suyas excentricidaz, a estar qui resuelve bel problema cientificament u a elaborar un dispositivo que tendrá bella utilidat en a trama. Muitas vegadas l'aventura chira arredol d'él: tanto en Les 7 boules de cristal y a suya continación Le Temple du Soleil, como dimpués en L'Affaire Tournesol, a on ye raptau y a resta de personaches han de salir a o suyo rescate. En Objectif Lune y a suya continación On a marché sur la Lune desembolica a tecnolochía que permite fer o viache a la Luna. Istos dos volumens constituyen mas bien una excepción respecto a o personache de Tornasol y como tracta a la ciencia en cheneral. Pues diz que a suya especialidat ye l'astronautica, treballa en instalacions d'alta tecnolochía rodiado por un numeroso equipo de cientificos y se mete audifonos pa sentir, por lo que as confusions tipicas d'a suya xordera no i apareixen y a suya actividad como cientifico se pareixe mas a como se desembolica l'actividat cientifica en cheneral. Son caracteristicos d'o Profesor Tornasol portar un pendulo y practicar a radiestesia.
En a resta d'historietas treballa en solitario y reyaliza actividaz en cuantos campos. En Le Trésor de Rackham le Rouge ye un inventor d'excentricos aparatos, a mayoría d'escasa utilidat: en Tintin au Pays de l'Or Noir descubre o component con que se sabotea a benzina, a forma d'anular-lo y una cura pa os curiosos mals que paten Asín y Azín; en L'Affaire Tournesol inventa una poderosa arma a base d'ultrasonidos; en Coke en stock ye desembolicando uns patins motorizaus; en As choyas d'a Castafiore investiga as posibilidaz d'a televisión a color; y en Tintin et les Picaros un tractamiento contra l'alcoholismo. Como se puet veyer, dengún cientifico podría abracar o estudio sistematico de tantas arias y encara menos lograr tals resultaus treballando nomás solenco.
Referencias
[editar | modificar o codigo]- ↑ (es) "Character Names in French and English", Peeters, 2012
- ↑ Horeau, Yves The Adventures of Tintin at Sea 1999, traducción en anglés de 2004 d'o National Maritime Museum, publicau por John Maurray, ISBN 0-7195-6119-1. Capítol de personaches externos, dibuixaus en as Aventuras.
Bibliografía
[editar | modificar o codigo]- (es) , Michael (2007), Tintin & Co, London: John Murray Publishers Ltd.. ISBN 978-1-4052-3264-7.
- (es) , Benoît (2012), Hergé: Son of Tintin, Tina A. Kover (translator), Baltimore, Maryland: Johns Hopkins University Press. ISBN 978-1-4214-0454-7.