طابور خامس
| ||||
---|---|---|---|---|
![]() | ||||
تعديل ![]() |
![](http://178.128.105.246/cars-http-upload.wikimedia.org/wikipedia/commons/thumb/9/9e/%22Appreciate_America_Stop_the_Fifth_Column%22_-_NARA_-_513873.jpg/220px-%22Appreciate_America_Stop_the_Fifth_Column%22_-_NARA_-_513873.jpg)
الطابور الخامس هو تنظيم بيبقى ليه شوية طابع عسكرى، وبيشتغل فى السر جوه دوله او مدينه عشان يساعد عدو معين ضد البلد اللى التنظيم ده فيها.
اصل الكلمه
[تعديل]الطابور الخامس تعبير متترجم من الاسبانى القشتالى فيه ناس بتنسبه للدكتاتور فرانسيسكو فرانكو. لكن اول حد استخدمه فى الاغلب كان قائد من بتوع فرانكو هو الجنرال ايميليو مولا الى كان القائد العام لجيش الشمال ايام الحرب الاهلية فى اسبانيا. وحسب المؤرخ الانجليزى هيو توماس، سالوا الجنرال مولا فى مؤتمر صحفى مع صحفيين اجانب انهى من الطوابير الاربعة للجيش حيفتح مدريد؛ رد الجنرال مولا ان ده حيبقى دور الطابور الخامس (quinta columna)، كان بيشير بصورة ضمنية للجماعات الفرانكيه المؤيده للملكيه اللى كانت بتشتغل جوه مدريد فى السر. وتوماس بياكد ان الكلمات «التلقائيه» دى كانت المبرر لسلسلة قتل طويله فى العاصمه. وفى روايه تانيه، الجنرال مولا قال فى برنامج اذاعى سنة 1936: «عندنا اربع طوابير بتتقدم ناحية مدريد، اما الطابور الخامس فيتحرك فى الوقت المناسب". التعبير انتشر بسرعه بين الصحفيين واتنقل للغات الاوروبيه التانيه، فحنلاقى ان فيه fifth column فى الانجليزى وfünfte Kolonne فى الالمانى وCinquième colonne فى الفرنساوى وكده.
استخدام الكلمه
[تعديل]تعبير «الطابور الخامس» فى الغالب بيستعمل بقصد التعليم على والاشارة لمجموعات من الناس على انهم خونه وبيساعدوا العدو: فمثلاً وقت الحرب غالباً بنلاقى ان الاحزاب المعارضه بيتم اتهامهم بانهم طابور خامس للعدو؛ يعنى بيتعاونوا (بقصد او من غير قصد) مع العدو اللى بيهدد البلد.