Día Mundial del Retrete
Apariencia
Día Mundial del Retrete | ||
---|---|---|
![]() | ||
Día de celebración | 19 de payares | |
Llugar de celebración | Día Internacional | |
[editar datos en Wikidata] |
L'Asamblea Xeneral de les Naciones Xuníes decide designar el 19 de payares Día Mundial del Retrete.
Celebración
[editar | editar la fonte]El 24 de xunetu de 2013 l'Asamblea Xeneral de les Naciones Xuníes na Resolución 67/291 "decide designar el 19 de payares Día Mundial del Retrete nel contestu de la iniciativa Saneamientu pa Toos",[1] como parte d'una campaña de concienciación de la importancia del accesu sostenible al agua potable y a servicios básicos de saneamientu.[2]
Unos 2.500 millones de persones nun tienen accesu a instalaciones de saneamientu afeches, como retretes o letrinas. Esto trai unes consecuencies tráxiques pa la salú, la dignidá y la seguridá humanes, según pal mediu ambiente y el desenvolvimientu social y económico.
«Igualdá y Dignidá» ye la tema d'anguaño del Día Mundial del Retrete. L'oxetivu ye amosar l'amenaza de violencia sexual a la que s'enfrenten les muyeres y les neñes por cuenta de la falta d'intimidá, y tamién les desigualdaes presentes nel accesu al saneamientu. Polo xeneral, los retretes siguen ensin afaese a les necesidaes específiques de ciertos grupos de población, como les persones con discapacidá, los vieyos y les muyeres y neñes, que riquen instalaciones p'atender la so hixene mientres la menstruación.
Sol lema «NoPodemosEsperar», el Día Mundial del Retrete ye la ocasión pa llamar a l'acción y resaltar la imperiosa necesidá d'abandonar la práutica de la defecación al campu, especialmente nel casu de les muyeres y les neñes, quien son particularmente vulnerables.
Temes del Día Mundial del Retrete
[editar | editar la fonte]Añu | Tema | Lema |
---|---|---|
2014 | «Igualdá y Dignidá» | «NoPodemosEsperar» |
Referencies
[editar | editar la fonte]- ↑ «Día Mundial del Retrete». Organización de les Naciones Xuníes
- ↑ «El 19 de payares va ser el Día Mundial del Inodoro”». Consultáu'l 30 de xunetu de 2013.
Ver tamién
[editar | editar la fonte]Enllaces esternos
[editar | editar la fonte]- Sitiu Oficial del Día Mundial del Retrete
- Oxetivos de Desarrollu del Mileniu de la ONX
- Acabemos cola defecación al campu
- Naciones Xuníes y l'Agua Archiváu 2013-12-14 en Wayback Machine n'inglés
- UNICEF
- Saneamientu pa Toos, El deséu pa 2015 n'inglés
- Conseyu de Collaboración pal Suministru d'Agua y el Saneamientu Archiváu 2018-01-07 en Wayback Machine
- Deceniu Internacional pa l'Acción «L'agua, fonte de vida» 2005-2015
- Organización de Cooperación y Desarrollu Económicos n'inglés
- UNICEF - Letrinas pa toos n'inglés
- Caxa de Ferramientes sobre'l Derechu a l'Agua y al Saneamientu
- Relatora Especial sobre'l derechu humanu a l'agua potable y al saneamientu