Ella Raines
Ella Raines![]() | |
---|---|
![]() | |
Vida | |
Nacimientu |
Fall City (es) ![]() |
Nacionalidá |
![]() |
Llingua materna | inglés |
Muerte |
Sherman Oaks (es) ![]() |
Sepultura |
Glen Haven Memorial Park (en) ![]() |
Causa de la muerte | cáncer d'esófagu |
Familia | |
Casada con | Robin Olds (1947 – 1975) |
Estudios | |
Estudios | Universidá de Washington |
Llingües falaes | inglés |
Oficiu | actriz, actriz de televisión, actriz de cine |
Premios | |
Creencies | |
Partíu políticu | Partíu Republicanu de los Estaos Xuníos |
IMDb | nm0707048 |
![]() |
Ella Wallace Raines (6 d'agostu de 1920, Fall City (es) – 30 de mayu de 1988, Sherman Oaks (es)
) foi una actriz cinematográfica y televisiva de nacionalidá estauxunidense.
Biografía
[editar | editar la fonte]El so nome completu yera Ella Wallace Raines, y nació cerca de Snoqualmie Falls, Washington. Raines estudió arte dramático na Universidá de Washington, y actuaba nuna obra teatral cuando foi afayada por Howard Hawks. Foi la primer intérprete en ser contratada pa trabayar pa la productora formada por Hawks y pol actor Charles Boyer, "B-H Productions", siendo'l so filme de debú Corvette K-225 (1943). Esi mesmu añu trabayó nuna cinta bélica con repartida femenina, Cry 'Havoc'. En 1944 actuó nuna serie de grandes filmes, ente ellos la producción de cine negru Phantom Lady, la comedia Hail the Conquering Hero, y el western de John Wayne Tall in the Saddle.
Sicasí, Raines llueu empezó a actuar en películes de serie B, como foi'l casu de la cinta de 1945 The Strange Affair of Uncle Harry, con Geraldine Fitzgerald y George Sanders, y el thriller de 1947 The Web. Cola esceición de Fuercia bruto, na cual Raines actuaba xunto a Burt Lancaster, nengunu de los sos posteriores títulos consiguieron los ésitos llograos nel entamu de la so carrera cinematográfica, que foi pasu ente pasu decayendo. Aun así, Raines apaeció dos veces na portada de Life gracies al so trabayu en 1944 en Phantom Lady y en 1947 en Fuercia Bruto.
En 1954 y 1955 protagonizó la serie televisiva Janet Dean, Registered Nurse. Amás, trabayó en shows televisivos como Robert Montgomery Presents, Douglas Fairbanks, Jr., Presents, Lights Out, Pulitzer Prize Playhouse y The Christophers. Anque se retiró de la interpretación en 1957, entá fixo una posterior actuación en 1984 na serie televisiva Matt Houston.
A Raines concediéronse-y dos estrelles nel Paséu de la Fama de Hollywood, una pol so trabayu cinematográficu nel 7021 de Hollywood Boulevard, y otra pola so actividá televisiva nel 6600 de la mesma vía.
Raines casóse en 1947 col pilotu de combate de la Fuercia Aérea de los Estaos Xuníos y xeneral de brigada Robin Olds. L'actriz finó por causa de un cáncer de gargüelu en Sherman Oaks, Los Angeles (California), en 1988. Foi soterrada nel Campusantu Glen Haven Memorial Park de Sylmar, Los Angeles.
Filmografía
[editar | editar la fonte]- Corvette K-225 (1943)
- Cry 'Havoc' (1943)
- Phantom Lady (1944)
- Hail the Conquering Hero (1944)
- Tall in the Saddle (1944)
- Enter Arsène Lupin (1944)
- The Suspect (1944)
- The Strange Affair of Uncle Harry (1945)
- The Runaround (1946)
- White Tie and Tails (1946)
- Time Out of Mind (1947)
- The Web (1947)
- Fuercia bruto (1947)
- The Senator Was Indiscreet (1947)
- The Walking Hills (1949)
- Impact (1949)
- A Dangerous Profession (1949)
- Singing Guns (1950)
- The Second Face (1950)
- Fighting Coast Guard (1951)
- Ride the Man Down (1952)
- The Man in the Road (1957)
Referencies
[editar | editar la fonte]- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Afirmao en: Find a Grave. Data de consulta: 13 xunu 2024. Llingua de la obra o nome: inglés.
Enllaces esternos
[editar | editar la fonte]
Wikimedia Commons tien conteníu multimedia tocante a Ella Raines.
- Ella Raines na Internet Movie Database (n'inglés)
- Ella Raines na Internet Broadway Database (n'inglés)
- «Ella Raines». en Find a Grave. (n'inglés)
- Screen Sirens – Galería fotográfica d'Ella Raines
- Movie Maidens – Curtia biografía y más fotografíes d'Ella Raines