Hakodate
![]() | |||||
---|---|---|---|---|---|
![]() | |||||
| |||||
Alministración | |||||
País | ![]() | ||||
Prefeutura | prefeutura de Hokkaidō | ||||
Subprefeutura | subprefeutura d'Oshima | ||||
Tipu d'entidá | ciudá-nucleu | ||||
Mayor of Hakodate (en) ![]() | Toshiki Kudō | ||||
Nome oficial | 函館市 (ja) | ||||
Nome llocal | 函館市 (ja) | ||||
Códigu postal |
040-0001–042-0957 | ||||
Xeografía | |||||
Coordenaes | 41°46′07″N 140°43′44″E / 41.76867°N 140.72892°E | ||||
![]() | |||||
Superficie | 677.87 km² | ||||
Llenda con | Hokuto, Nanae y Shikabe | ||||
Demografía | |||||
Población | 251 891 hab. (1r xineru 2021) | ||||
Porcentaxe |
100% de subprefeutura d'Oshima 100% de prefeutura de Hokkaidō 0.2% de Xapón | ||||
Densidá | 371,59 hab/km² | ||||
Más información | |||||
Fundación | 1r agostu 1922 y 23 xunetu 1879 | ||||
Prefixu telefónicu |
0138 | ||||
Estaya horaria | UTC+09:00 | ||||
Llocalidaes hermaniaes |
Vladivostok, Yuzhno-Sajalinsk (es) ![]() ![]() | ||||
city.hakodate.hokkaido.jp | |||||
![]() |
La ciudá de Hakodate (函館市 Hakodate-shi?) ye una ciudá y puertu allugáu nel estremu sur de Hokkaidō, na península d'Oshima, na subprefeutura d'Oshima. Tien una economía centrada na pesca y el turismu. Tamién ye conocida pola vista nocherniega que d'ella se tien dende'l monte Hakodate.
En 2004, la población yera envalorada en 299.737 habitantes. La densidá de población yera 442,24 hab./km². Tien una área total de 677,77 km². L'área de Hakodate casi se doblar el 1 d'avientu de 2004 cuando los conceyos vecinos de Toi, Esan, Todohokke y Minamikayabe fueron xuníos a la ciudá.
Historia
[editar | editar la fonte]Hakodate foi fundada en 1454 cuando Kono Kaganokami Masamichi construyó un palaciu al pie del monte Hakodate nun pueblu pesqueru llamáu Usukeshi o tamién Ushorokeshi (宇須岸: Cabu de la Badea, nel idioma ainu). El nome de Hakodate (箱館: edificiu [palaciu] caxa) vien de la forma d'esti palaciu que se paecía a una caxa. En 1457, Hakodate y la so contorna fueron el sitiu de la Batalla de Koshamain, el primer gran llevantamientu de los ainos contra los wajin (colonizadores xaponeses).
Nel periodu Edo, Hakodate floriaba como puntu de comerciu colos ainos. El 31 de marzu de 1854, el puertu de Hakodate foi abiertu al comerciu colos estauxunidenses según el Tratáu de Kanagawa, axustáu por Matthew Perry.
En Hakodate tópase la fortaleza Goryokaku, construyida en 1866 según l'estilu européu con una planta en forma d'estrella de cinco puntes. A la fin de la Restauración Meiji, partidarios del shogunato ocuparon la fortaleza, y declararon l'establecimientu de la República d'Ezo. Unos soldaos franceses empobinaos por Jules Brunet, quien fueren asesores militares pal exércitu del shogunato, sofitaron la rebelión encabezada por Enomoto Takeaki. Rindida en 1869, esta fortaleza úsase agora como parque y ye popular como llugar pal hanami (la tradición de reparar y contemplar les zrezales en flor).
Dellos países establecieron los sos consulaos en Hakodate. El consuláu rusu tenía una capiya, cola que llegó a Xapón la Ilesia ortodoxa. Na so contorna hai tamién ilesies anglicanu, católiques, y d'otres relixones.
Cultura
[editar | editar la fonte]Hakodate da gran importancia al calamar, tantu que'l "pez" (nel sentíu tradicional, non nel sentíu biolóxicu) oficial de la ciudá ye'l calamar. El Shio Ramen de Hakodate, qu'usa cachos de calamar en cuenta de carne de gochu, tamién ye famosu. El Festival del Puertu de Hakodate tien llugar cada añu en xunetu, nel que se bailla'l 'Ika-Odori' (baille del calamar). Pueden vese les lluces de los barcos que pesquen calamares nel mar cerca de la ciudá.
Primeros acontecimientos
[editar | editar la fonte]Al ser un puertu de comerciu internacional, munches coses qu'asocedieron per primer vegada en Xapón tuvieron llugar en Hakodate.
Estos inclúin:
- La primer vacuna contra la viruela en Xapón (1824, por Goroshi Nakagawa)
- La primer fortaleza construyida al estilu européu en Xapón (Goryokaku)
- El primer templu fechu de formigón en Xapón
- El primer restorán de comida occidental en Xapón (1859)
- La primer ilesia Ortodoxa en Xapón (1861)
- La primera estación meteorolóxica en Xapón (1872)
Ciudaes Hermanes
[editar | editar la fonte]Halifax, dende 1982
Vladivostok, dende 1992
Lake Macquarie, dende 1992
Yuzhno-Sakhalinsk, dende 1997
Tianjin, dende 2001
Ciudá ximielga
[editar | editar la fonte]Ver tamién
[editar | editar la fonte]Referencies
[editar | editar la fonte]Enllaces esternos
[editar | editar la fonte]Wikiviaxes tien guíes de viaxes de o sobre Hakodate.
- Web oficial (n'inglés)
- Hokkaido Shimbun Press (periódicu) (n'inglés)