Meet Joe Black?
¿Conoces a Joe Black? (1998, Meet Joe Black?) ye una película empobinada por Martin Brest, protagonizada por Brad Pitt, Anthony Hopkins y Claire Forlani, distribuyida por Universal Pictures. Jon Bon Jovi basóse nesta película pal so cantar Thank you for loving me. Ye una nueva versión de la película Death Takes a Holiday de 1934.
Sinopsis
[editar | editar la fonte]Avérase'l 65 cumpleaños de Willliam "Bill" Parrish (Anthony Hopkins). Home honestu, gran magnate de les telecomunicaciones, un home con muncho dineru, poder ya influencia, queríu poles sos dos fíes Susan Parrish (Claire Forlani) y Allison Parrish (Marcia Gay Harden). Nun imaxina que-y espera la muerte, pero escucha una voz que la llama dende un salón de la so casona, la voz ye de la muerte, personificada nel cuerpu d'un mozu apuestu qu'acaba de finar y que, curiosamente, conquistó minutos enantes de morrer a Susan.
Esti concéde-y un "impasse", diciéndo-y que nun lu llevará al más allá mientres lu sirva de guía nel so deséu de conocer cómo ye "ser humanu". Les coses complíquense cuando la muerte, qu'adopta'l nome de Joe Black, y Susan, la fía menor de Bill, namórense. De primeres siéntese confundida y refugada por Joe, creyendo que yera'l mozu que conoció na cafetería, Susan namorase d'él, pero Joe ta agora so la influencia de los deseos humanos, nel mundu terrenal y tamién se siente atraíu por ella.
Bill enfréntase a él con roxura sobre la rellación cola so fía, pero la muerte declára-y la so intención de tomar a Susan pola so propia cuenta. Como llega'l so últimu cumpleaños, Bill llama a Joe pa facelu conocer el verdaderu significáu del amor y tolo que toma, especialmente la honestidá y el sacrificiu. Joe llega a entender que'l so amor por Susan significa que tien d'arrenunciar al deséu qu'ella tien por él y dexa-y vivir la so vida. Tamién ayuda a Bill a recuperar el control de la so empresa, que tien dellos problemes d'alministración, dexando al descubiertu les rellaciones comerciales clandestines de Drew (Jake Weber) revelándose a sigo mesmu como un axente del Serviciu d'Impuestos Internos y amenaciando con llevalu a la cárcel. Bill dedica les sos hores restantes de vida a les sos fíes Allison y Susan na so fiesta de cumpleaños.
Joe diz el so últimu adiós a Susan, que siente daqué de la verdá darrera de les sos pallabres, pero nun puede entender la rellación. Con un espectáculu de fueos artificiales no fondero, nuna casona frente al mar, Joe acompaña a Bill, ente que Susan los espera a distancia. Ella ablúcase cuando Joe vuelve apaecer, pero agora'l mozu, nun recuerda nengún de los eventos qu'asocedieron dende'l momentu de la so muerte hasta'l so regresu, nin siquier ye consciente de cómo llegó ellí. Una asorada pero complacida Susan paez habese escaecío del so tiempu con Joe desque se conocieron na cafetería. Susan decátase de qu'ésti nun ye él, pero comprométese a vivir esta nueva situación, murnia (pola perda del so padre y el so Joe) y un pocu esperanzada nel reintentu emocionante del amor.
Repartu
[editar | editar la fonte]- Brad Pitt como Joe Black
- Anthony Hopkins como William Parrish
- Claire Forlani como Susan Parrish
- Jake Weber como Drew
- Marcia Gay Harden como Allison
Ver tamién
[editar | editar la fonte]Referencies
[editar | editar la fonte]- ↑ 1,0 1,1 1,2 URL de la referencia: http://www.imdb.com/title/tt0119643/. Data de consulta: 7 abril 2016.
- ↑ «Internet Movie Database» (inglés). Consultáu'l 14 abril 2017.
- ↑ URL de la referencia: http://www.sinemalar.com/film/915/joe-black. Data de consulta: 7 abril 2016.
- ↑ 4,0 4,1 URL de la referencia: http://www.metacritic.com/movie/meet-joe-black. Data de consulta: 7 abril 2016.
- ↑ 5,0 5,1 URL de la referencia: http://stopklatka.pl/film/joe-black. Data de consulta: 7 abril 2016.
- ↑ 6,0 6,1 URL de la referencia: http://www.imdb.com/title/tt0119643/fullcredits?ref_=tt_ov_st_sm. Data de consulta: 7 abril 2016.
- ↑ 7,0 7,1 7,2 7,3 URL de la referencia: http://www.imdb.com/title/tt0119643/fullcredits?ref_=tt_ov_st_sm. Data de consulta: 27 xunetu 2017.
- ↑ 8,0 8,1 «Meet Joe Black» (inglés). Box Office Mueyo. Consultáu'l 1r xunu 2022.
- ↑ URL de la referencia: https://www.cnc.fr/professionnels/visas-et-classification/96227.
- ↑ Afirmao en: Filmografía Nacional Danesa.
Enllaces esternos
[editar | editar la fonte]
Wikimedia Commons tien conteníu multimedia tocante a Meet Joe Black?.