Palanca
Palanca | |
---|---|
![]() | |
Instalaciones | |
Formáu por |
viga (es) ![]() |
![]() |
La palanca[1] o lleva[2] (francés Levier; italianu Leva) ye una máquina cenciella ensamada por una barra ríxida que puede xirar llibremente alrodiu d'un puntu de sofitu, o fulcru. Puede usase p'amplificar la fuercia mecánica que s'aplica a un oxetu, o p'aumentar la distancia recorría por un oxetu en rempuesta a l'aplicación d'una fuercia.
Historia
[editar | editar la fonte]El descubrimientu de la palanca y l'aplicación na vida diaria del ser humanu, tuvo de tener entamu na prehistoria. El manuscritu más antiguu que se caltién, y que fai referencia a la palanca, ye parte de la Sinagoga o Coleición Matemática de Pappus d'Alexandría, una obra d'ocho tomos que se cree foi escrita alrodiu del añu 340. Nesta obra apaez l'afamada frás d'Arquímedes: «Daime una palanca y un puntu de sofitu, y moveré'l mundu».
A Arquímedes presupónse-y la primer postulación matemática formal del principiu de la palanca.
Llei de la palanca
[editar | editar la fonte]![Exemplu de la Llei de la palanca.](http://178.128.105.246/cars-http-upload.wikimedia.org/wikipedia/commons/thumb/f/f2/Palanca-ejemplo.jpg/400px-Palanca-ejemplo.jpg)
Nuna palanca, denómase «Llei de la palanca» a una rellación qu'espresa que'l productu de la Potencia pol so brazu, ye igual al de la Resistencia pol suyu:
P*Bp=R*Br
Considerando P la potencia, Bp el brazu de la potencia, R la resistencia y Br la llonxitú del brazu de la resistencia hasta'l puntu de sofitu.
Esta fórmula tamién s'espresa como:
F1xd1=F2xd2
En cualesquier de los casos, puede sustituyise x2 pola diferencia ente la llonxitú de la palanca (barra), y la distancia del brazu de la potencia hasta'l puntu de sofitu (x1).
Exemplos d'esti tipu de palanca, son el brazu humanu y el quitagrapes.
Tipos de palanca
[editar | editar la fonte]Ye apropiao dixebrar a les lleves en tres tribes de xéneros, según seya la posición del fulcru y los puntos au s'apliquen les fuercies de Potencia y Resistencia. El principiu de la palanca ye válidu indistintamente del tipu, pero l'efeutu y forma d'usu de cada tipu de palanca, camuda enforma. En física, la fórmula de la palanca ye:
P·dp=R·dr.
La R ye la fuercia que llevantamos (Resistencia) y la P la fuercia qu'exercemos pa llevantalo (Potencia). dp y dr son les distancies qu'hai del puntu de sofitu a la P y R.
Palanca de primer xéneru
[editar | editar la fonte]Na palanca de primer xéneru, el puntu de sofitu alcuéntrase nún puntu intermediu xustu ente la Fuercia P y la Resistencia R.
![Palanca de primer tipu](http://178.128.105.246/cars-http-upload.wikimedia.org/wikipedia/commons/thumb/8/88/Palanca-tipo1.jpg/400px-Palanca-tipo1.jpg)
Exemplos d'esti tipu de palanca son el balancín, o les tixeres, les tiñaces y los alicates. Arriendes, nel cuerpu humanu alcuéntrense otros exemplos de primer xéneru como'l Tríceps - coldu - Antebrazu.
Palanca segundu xéneru
[editar | editar la fonte]Na palanca de segundu xéneru, la Resistencia R s'alcuentra ente'l Puntu de sofitu y la Fuercia P.
![Palanca de segundu tipu](http://178.128.105.246/cars-http-upload.wikimedia.org/wikipedia/commons/thumb/e/ea/Palanca-tipo2.jpg/400px-Palanca-tipo2.jpg)
Exemplos d'esti tipu de palanca son el carretillu, y el cascanueces.
Palanca de tercer xéneru
[editar | editar la fonte]![Palanca de tercer tipu](http://178.128.105.246/cars-http-upload.wikimedia.org/wikipedia/commons/thumb/a/ae/Palanca-tipo3.jpg/400px-Palanca-tipo3.jpg)
Na palanca de tercer xéneru, la Fuercia P alcuéntrase ente'l puntu de sofitu y la Resistencia R. El tercer tipu ye notable, porque la fuercia aplicao tien de ser mayor que la fuercia que fadría falta pa mover l'oxetu ensin palanca. Esti tipu de lleves, úsense cuando lo que se requier ye aumentar la distancia que recuerre l'oxetu.
Referencies
[editar | editar la fonte]- ↑ Esti términu apaez nel Diccionariu de l'Academia de la Llingua Asturiana. Ver: palanca
- ↑ Esti términu apaez nel Diccionariu de l'Academia de la Llingua Asturiana. Ver: lleva