Parque Natural de Somiedo
Parque Natural de Somiedo | |
---|---|
| |
Situación | |
País | ![]() |
Autonomía | ![]() |
Tipu | Reserva de la bioesfera |
Coordenaes | 43°04′N 6°13′W / 43.07°N 6.22°O |
Datos | |
Superficie | 291,64 km² y 29 006,37101 ha[1] |
Web oficial | |
![]() |
![](http://178.128.105.246/cars-http-upload.wikimedia.org/wikipedia/commons/thumb/f/f4/Somiedo.jpg/350px-Somiedo.jpg)
El Parque Natural de Somiedo allúgase metanes del Cordal Cantábricu. Ocupa, coles sos 39.164 ha, la totalidá del conceyu de Somiedo y parte de los de Miranda y Teberga (Asturies).
Dientro'l parque tamién esisten dellos monumentos naturales como'l remexón del Xiblu o'l so conxuntu llacustre. El Centru d'intepretación y Recibimientu de Visitantes del Parque Natural de Somiedo asítiase en La Pola Somiedo. L'edificiu tien una estaya na que s'amuesa los diferentes aspeutos del parque yá seya sobro la fauna, flora, clima, etc.
Clima
[editar | editar la fonte]El clima ye afayadizo pa les lluvies y a temperos poco estremaos, siendo les serondes llovioses con iviernos tamién llentos y con precipitaciones de ñeve o chafardina, branos suaves y de cutiu curtios, nos que puede afayase farraspa nes cumes.
Flora
[editar | editar la fonte]Nos niveles colín y montán (400-1600m) ye la faya la qu'ocupa mayores estensiones con 4554 hec, qu'ente los 600 y 1000 metros forma mases monoespecífiques. Son importantes les manches de los valles de Saliencia y Pigüeña, asina como Tibleos (300 hec), El Coutu, y El Monte las Sendas. La sotoviesca ta bien espoxigada con predomoniu d'argaña canda y escoba prieta nos claros de viesca, herbacies como la Carex sylvatica, el yerbunegru (Helleborus viridis), el berimbiu(scilla lilio-hyacintus), la Luzula sylvatica henriquesii, Saxifraga spathularis, miruéndanos y llonchite.
Rebollos y albares formen pequeñes viesques xunto con llameres, alcafresnes, pláganos, ablanales, espineres, texes común y de fueya pequeña, asina como bedulios que, en suelos silíceos per enriba los 1400 metros asóciase col argomenu, el xardón, el texu , la escoba prieta, el piornu común y el piornu orocantábricu, argañes, toxos, cervunales o paciones de racu.
Nel pisu colinu desenróllense, amás, viesques de castañales, pequeñes carbayeres, carrascales y quexigales (d'escasa presencia n'Asturies) con sotoviesca d'albornial y aladiernu.
Nes viesques de ribera alcuéntrense umeros, alcafresnes, ablanales y salgueru cenicientu, aú se puen incorporar delles llameres, salguera canda, cantábrica, ulmeru prietu o mimbreres.
![](http://178.128.105.246/cars-http-upload.wikimedia.org/wikipedia/commons/thumb/1/11/Los_Bigaros_%28Somiedo%29.jpg/300px-Los_Bigaros_%28Somiedo%29.jpg)
Nes paciones de racu, bardiales y zones deforestaes xorrez la Festuca burnatii, Centaurea janeri babiana o Draba cantabriae, Luzula caespitosa, Armeria duriaei y Teesdaliopsis conferta la gabuya, la sabina, el miruéndanu, argañes, y queruetos, destacando los queruetales d'El Cornón. La flor típica de Somiedo, la Centaurium somedanun, vese acompangada pola Ranunculus seguieri, Saxifraga babiana septentrionalis, suelda, Erinus alpinus, carrasquiella, Globularia nudicaulis, Crepis, Crepis albida asturica, Pritzelago alpina auerswaldii, Erodium glandusolum, Petroptis pyrenaica glauciofolia, Sempervivum cantabricum, Silene saxifraga, Chaernorhinum origanifolium, Ceterach officinarum, el tricomanes y el culantriellu candu, que participen nestes comunidaes casmófites.
Nos llagos y turberes la vexetación encadármase pola Potamogetosn natans Myriophyllum spicatumum (endémica del ḷḷagu Cerveiriz) l'Equisetum fluviatile, Eleocharis palustris, y la trelda d'agua (menyanthes trifoliata).
Fauna
[editar | editar la fonte]Mamíferos
El osu caltién equí gran parte de la so población, el 25% del total del Cordal Cantábricu. Al bardión-y sigue otru depredador, l'llobu. El xabaril, el venáu, el robezu'l corciu, la llebre de gromu, el demán ibéricu, la llóndriga, el raposu, l'armiñu, la xineta, l'algaire, la fuina, el melandru, l'esguil común, la lliria o'l topín roxu son otres preses y depredadores menores.
Aves
La doyura ye evidente, ente les más de ciento venti especies d'aves tán: el gallu montés, l'aigla rial, la zapiquera, el azor, el picafayes, el ferre o el pardón.
Historia y etnoloxía
[editar | editar la fonte]Pa más información ver l'artículu Historia de Somiedo
Los habitantes de los montes de Somiedo y dellos valles allende tán dixebraos étnica, social y culturalmente en dos grupos estremaos, per un llau los somedanos, y per otru los vaqueiros d'alzada. A éstos últimos correspuénden-yos les brañes, coles ancestrales "cabanas" d'atubiu o "teitu" vexetal, qu'alcuerden a los antiguos castros celtes. El so calter nómada y la bona convivencia cola natura remanó nún mínimu impautu so'l mediu, poro, la so alta caltenencia fizo que se declarara Parque Natural en 1988, Llugar d'Impotacia Comunitaria, Zona Especial Proteición pa les Aves, y yá, nel 2000, Reserva de la Biosfera pola Unesco.
Caminos y gulipos pel parque
[editar | editar la fonte]Éstos son dellos caminos que s'encartichen en castellanu:
Referencies
[editar | editar la fonte]- ↑ Afirmao en: Inventario de áreas designadas nacionalmente. Data de consulta: 26 xunu 2021. Llingua de la obra o nome: inglés.
Bibliografía
[editar | editar la fonte]- Luis Mario Arce, "Guía de los espacios naturales de Asturias". Ediciones TREA, S.L.ISBN 84-89427-57-7.
- Luis Frechilla García y Fernando Fernández Álvarez, "Por la naturaleza asturiana".Editoria Edilesa. ISBN 84-8012-217-X.
- Fernando Montes, "Fauna asturiana".Editorial Picu Urrielu. ISBN 84-932070-8-X