Santo Adriano
Santo Adriano | |||
---|---|---|---|
![]() | |||
| |||
Alministración | |||
País | ![]() | ||
Autonomía | ![]() | ||
Provincia | ![]() | ||
Partíu xudicial | Uviéu | ||
Tipu d'entidá | conceyu | ||
Capital | Villanueva | ||
Alcaldesa de Santo Adriano | Elvira Menéndez Fernández | ||
Nome oficial | Santo Adriano (es) | ||
Nome llocal | Santo Adriano (es) | ||
División |
ver
| ||
Xeografía | |||
Coordenaes | 43°17′18″N 5°58′47″W / 43.2883°N 5.9798°O | ||
![]() | |||
Superficie | 22.6 km² | ||
Llenda con | Grau, Uviéu, La Ribera, Morcín, Quirós y Proaza | ||
Demografía | |||
Población | 286 hab. (2023) | ||
Densidá | 12,65 hab/km² | ||
Más información | |||
Estaya horaria | UTC+01:00 | ||
santoadriano.org | |||
![]() |
Santo Adriano[1] ye un conceyu d'Asturies. Llenda al norte con Uviéu, al este con La Ribera y Morcín, al sur con Quirós y Proaza y al oeste con Proaza y con Grau. Tien una superficie de 22,60 km²[2], lo que supón el 0,21% del total del Principáu y una población de 286 hab. (2023)[3][4].
La so capital ye Villanueva, a unos 24 quilómetros d'Uviéu[2].
Nel conceyu entamen la Sienda del osu y la Ruta de Las Xanas.
Nome | Superficie (km²) |
% superficie Santo Adriano |
Población | % población Santo Adriano |
Densidá (hab./km²)
|
---|---|---|---|---|---|
Castañeo'l Monte | 4,28 | 189,38189,38% | 27 | 9,449,44% | 6,31 |
Llavares | 3,67 | 162,39162,39% | 48 | 16,7816,78% | 13,08 |
Tuñón | 11,29 | 499,56499,56% | 72 | 25,1725,17% | 6,38 |
Villanueva | 3,36 | 148,67148,67% | 132 | 46,1546,15% | 39,29 |
Demografía
[editar | editar la fonte]Gráfica de población de Santo Adriano (Asturies) |
---|
![]() |
Añu | 2000 | 2001 | 2002 | 2003 | 2004 | 2005 | 2006 | 2007 |
Población total | 335 | 323 | 320 | 294 | 284 | 280 | 280 | 279 |
Homes | 169 | 162 | 161 | 143 | 139 | 134 | 137 | 142 |
Muyeres | 166 | 161 | 159 | 151 | 145 | 146 | 143 | 137 |
Política
[editar | editar la fonte]Nes eleiciones municipales de 2011 el conceyu pasó a tener un sistema de llistes abiertes y na más que 5 conceyales, ya que'l númberu d'habitantes descendió per debaxo de 250. Nes de 2015 volvió al sistema de partíos, al volver a superar los 250 habitantes.
Partíu | 1979 | 1983 | 1987[5] | 1991[5] | 1995[5] | 1999[5] | 2003[5] | 2007[5] | 2011[6] | 2015[5] | 2019[5] |
PSOE | 3 | 4 | 5 | 5 | 5 | 6 | 5 | 4 | 6 | 6 | |
CD / AP / PP | 1 | 1 | 2 | 2 | 2 | 1 | 0 | 1 | 0 | 0 | |
FAC | 0 | 1 | 1 | ||||||||
PCE / IX-BA | 3 | 0 | 0 | 0 | 0 | 2 | 0 | ||||
UCD / CDS | 4 | 2 | |||||||||
Independientes | 3 | ||||||||||
Total | 7 | 7 | 7 | 7 | 7 | 7 | 7 | 7 | 5 | 7 | 7 |
Arte
[editar | editar la fonte]La obra más destacada monumentalmente del conceyu ye la ilesia de Santo Adriano en Tuñón, declarada como bien d'interés cultural y monumentu históricu nacional dende 1931. Ye una edificación prerrománica fundada pol monarca Alfonso III el Magno. La so estructura ye la básica del arte asturiano, con planta basilical de trés naves con trés tramos, dixebraos por arcos de mediu puntu que fuelguen sobro pilastres llises ensin impostas y cubiertos con cubrición de madera. La nave central ta más elevada amosándose a cada llau d'ella trés baldíos rectangulares que se correspuenden con cada arcu. La cabecera ye tripartita y tán cubiertes los sos cámares con bóveda de cañón. Adosaos nos llaos de les naves abríen dos capiyes llaterales de les que güei solamente se caltién una d'elles. L'ábside central conserva interesantes pintures al frescu contemporánees de la ilesia, y nelles puédese reparar un frisu de torres cercaes y una representación del sol y la lluna.
Na capital del conceyu tenemos la ilesia parroquial de San Román, d'orixe románicu que los sos restos reparar na estructura d'una sola nave, l'ábside semicircular y la cubierta con bóveda de cañón. El restu del edificiu pertenez al sieglu XVIII, nel que se reconstruyó la ilesia. Nel interior de la mesma podemos contemplar diverses pintures murales d'estética gótica. Otros templos relixosos d'importancia nel conceyu son los del Arcánxel San Gabriel en Castañéu del Monte y el de Santa Catalina en Llavares.
Del arte non relixosu tópense esvalixaes por delles aldegues numberoses casones nobles con escudu señorial. Amás la capital caltién una ponte medieval d'un solu güeyu que xune los dos barrios de la villa. Les viviendes típiques tán perbién encuadraes nel paisaxe del conceyu, tando bien calteníes la mayoría d'elles y amosándonos la edificación representativa de les cases de pueblu asturianes.
D'últimes hai que faer una reseña a la cueva del Fornu o del Conde, onde se toparon restos antiguos correspondientes a la etapa paleolítica y que foi declaráu bien d'interés cultural.
Economía
[editar | editar la fonte]Númberu de trabayadores | Tantu por cientu | ||||
---|---|---|---|---|---|
TOTAL | 50 | 100 | |||
Agricultura, ganadería y pesca | 18 | 36,00 | |||
Industria | 3 | 6,00 | |||
Construcción | 0 | 0,00 | |||
Servicios | 29 | 58,00 | |||
* Datos tomaos del Anuariu Estadísticu d'Asturies 2011, SADEI |
Usu | Superficie (km²) | ||||
---|---|---|---|---|---|
Tierres de llabrantíu | 0,07 | ||||
Praderíes | 10,38 | ||||
Terrenu forestal | 9,08 | ||||
Otros usos (industrial, residencial, tierra ermo...) | 3,07 | ||||
* Datos tomaos del Anuariu Estadísticu d'Asturies 2011, SADEI |
Ganaderíes de bovín | 31 | ||||
Cabeces de ganáu bovín | 964 | ||||
Cabeces de ganáu ovín | 119 | ||||
Cabeces de ganáu cabrín | 190 | ||||
Ganaderos con cuota llechera | 0 | ||||
Quilos de cuota llechera | 0 | ||||
Metros cúbicos de madera valtao | 0 | ||||
* Datos tomaos del Anuariu Estadísticu d'Asturies 2011, SADEI |
Referencies
[editar | editar la fonte]- ↑ «Espediente colos topónimos oficiales de Santo Adriano». BOPA (16 d'agostu de 2014).
- ↑ 2,0 2,1 «SADEI: Noménclator d'entidaes del Principáu d'Asturies» (en castellanu).
- ↑ Afirmao en: Padrón municipal d'España de 2023. Autor: Institutu Nacional d'Estadística. Data d'espublización: 13 avientu 2023.
- ↑ oficina de rexistru
- ↑ 5,0 5,1 5,2 5,3 5,4 5,5 5,6 5,7 «Direición Xeneral de Política Interior». Archiváu dende l'orixinal, el 2020-11-14.
- ↑ «Eleiciones Llocales 2011». Archiváu dende l'orixinal, el 2019-07-08.
Enllaces esternos
[editar | editar la fonte]- Páxina del Ayuntamientu (castellán)