Talitha Borealis
Coordenaes: 8h 59m 12.454s, 48° 2′ 30.574″
Talitha Borealis (ι Ursae Majoris / ι UMa / 9 Ursae Majoris) ye la novena estrella más brillosa na constelación del sietestrellu, con magnitú aparente +3,12. El so nome provién tantu del árabe como del llatín. La pallabra Talitha («terceru») provién del árabe y fai referencia al «tercer saltu», yá que pa los antiguos árabes, les estrelles que nós acomuñamos coles pates de la osa yeren les buelgues de gaceles saltando. La pallabra Borealis, proveniente del llatín, alude a la so condición d'estrella del norte, pa estremala de Talitha Australis (κ Ursae Majoris), asitiada al sur.
Talitha Borealis ye un sistema estelar relativamente próximu, a 47,7 años lluz de la Tierra. Talitha Borealis A, la componente principal, ye una estrella blanca de 8165 K de temperatura. Nun se sabe con certeza si entá s'atopa na secuencia principal o si, otra manera, abandonándola yá, ye una subxigante. Xeneralmente considerada de tipu espectral A7 IV, relluma con una lluminosidá 9 vegaes mayor que la lluminosidá solar. Coles mesmes, constitúi una binaria espectroscópica que les sos componentes tienen un periodu orbital de 4028 díes.
A una distancia media de 132 UA, con un periodu orbital de 818 años, alcuéntrase una segunda estrella binaria, les sos componentes denominaes Talitha Borealis B y Talitha Borealis C. Dambes son nanes coloraes de tipu espectral M1 V, separaes 10 UA y el so periodu orbital ye de 39,7 años.
Ver tamién
[editar | editar la fonte]Referencies
[editar | editar la fonte]- ↑ 1,0 1,1 Afirmao en: SIMBAD.
- ↑ 2,0 2,1 2,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi: .
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ «Rotational velocities of A-type stars in the northern hemisphere. II. Measurement of v sin i» (n'inglés). Astronomy and Astrophysics (3): páxs. 897-911. ochobre 2002. doi: .
- ↑ Ralf-Dieter Scholz (payares 2007). «Astrophysical supplements to the ASCC-2.5: Ia. Radial velocities of ∼55000 stars and mean radial velocities of 516 Galactic open clusters and associations». Astronomische Nachrichten (9): páxs. 889-896. doi: .
- ↑ Marwan Gebran (mayu 2016). «A new method for the inversion of atmospheric parameters of A/Am stars» (n'inglés). Astronomy and Astrophysics. doi: .
- ↑ Christopher J. Corbally (ochobre 2003). «Contributions to the Nearby Stars (NStars) Project: Spectroscopy of Stars Earlier than M0 within 40 Parsecs: The Northern Sample. I» (n'inglés). The Astronomical Journal (4): páxs. 2048–2059. doi: .