Unión Asturianista
Unión Asturianista | |
---|---|
Presidente | Xuan Xosé Sánchez Vicente |
Fundación | 2004 |
Estáu |
![]() |
Ideoloxía política | nacionalismu asturianu |
Páxina web | union.asturianista.as |
![]() |
Unión Asturianista (tamién llamada Unión URAS-PAS) ye una coalición política asturiana nacida en payares de 2004 que quier aconceyar baxo unes mesmes sigles a les fuercies asturianistes.
Anguaño fórmenla'l Partíu Asturianista (PAS) y la Unión Renovadora Asturiana (URAS).
La presidencia de la mesma tará formada polos cabezaleros de dambos partíos, Xuan Xosé Sánchez Vicente del PAS y Sergio Marqués del URAS.
El candidatu a la presidencia dirá alternandose ente los dos. Nes eleiciones de 2007 foi Sergio Marqués el que presentose pola circunscripción central. De la mesma forma ficiéronse candidatures alternes nos conceyos au presentáronse. Nestes eleiciones autonómiques de 2007 nun algamó nengún diputáu na Xunta Xeneral teniendo la coalición 13.255 votos, faltando-y 2736 votos[1] nel centru d'Asturies p'algamalu.
Eso sí, nes eleiciones a conceyos la candidatura Unión Asturianista algamó 11 conceyales, colos que tien dos alcaldías nos conceyos de Villaviciosa de 15.000 habitantes (ye'l conceyu 11 de mayor población d'Asturies), y nel de Ponga de 700 habitantes (que ye Parque Natural na mayor parte). Por ponei un exemplu de la so implantación Izquierda Unida n'Asturies tien namai 4 alcaldíes más que la candidatura Unión Asturianista.
Resultaos eleutorales
[editar | editar la fonte]Añu | Votos | % | Xunteros |
2007 | 13.255 | 2,3 | - |
Enllaces esternos
[editar | editar la fonte]- Unión Asturianista (Unión URAS-PAS) - Páxina web oficial Archiváu 2009-03-21 en Wayback Machine
- Páxina oficial del Partíu Asturianista (PAS) Archiváu 2006-08-31 en Wayback Machine
- Blog personal de Xuan Xosé Sánchez Vicente
- Protocolu del alcuerdu URAS - PAS
Referencies
[editar | editar la fonte]- ↑ «Resultaos Eleiciones Autonómiques de 2007 na Circunscripción central (La Nueva España)». Archiváu dende l'orixinal, el 2010-02-22.