Xentrificación
![](http://178.128.105.246/cars-http-upload.wikimedia.org/wikipedia/commons/thumb/c/cb/Gentryfikacja_ulica_Okrzei_r%C3%B3g_Wrzesi%C5%84skiej_w_Warszawie.jpg/330px-Gentryfikacja_ulica_Okrzei_r%C3%B3g_Wrzesi%C5%84skiej_w_Warszawie.jpg)
La xentrificación ye'l procesu de tresformación d'un espaciu urbanu esterioráu o en decayencia per aciu de la llegada a elli d'habitantes (y negocios) de mayor nivel económicu[1]. Ye una cuestión habitual, ya controvertida, nes polítiques de planeamientu urbanu. La xentrificación, munches vegaes, aumenta'l valor económicu d'un barriu, pero'l desplazamientu demográficu que provoca conviértese a menudu nún problema social. La xentrificación a menudu supón un cambéu na composición étnica o racial del vecindariu y del nivel económicu de los habitantes al traviés del desarrollu de nuevos, y más caros, nucleos residenciales y de negocios, construyíos nún estilu arquitectónicu xentrificáu, y de la estensión y provisión de recursos que nun taben previamente disponibles pa los habitantes del barriu[2][3][4]. Esti procesu ye especialmente relevante, nos caberos años, en ciudaes con una economía dinámica o con potencial turísticu.
El procesu de xentrificación ye, xeneralmente, el resultáu del interés creciente, por un área concreta, de xente con ingresos mayores que los avezaos nella, qu'aporta dende los barrios, villes o ciudaes vecines. Esto trae apareyaes inversiones na zona y nes sos infraestructures por parte de promotores inmobiliarios, el gobiernu llocal y asociaciones comunitaries; de resultes, l'área desarróllase económicamente, al medrar la so capacidá d'atracción de negocios, y mengua la criminalidá. Pese a estos beneficios, el procesu puede xenerar desplazamientos de población, y delles veces xenera resistencies. Por embargu, dalgunos autores ven esa medrana al desplazamientu de población, que domina'l debate sobre la xentrificación, como un factor que bloquea los enfoques progresistes que busquen la distribución de los beneficios de les estratexes de renovación urbana[5].
Referencies
[editar | editar la fonte]- ↑ «Gentrification». Lees, Slater & Wyly 2010 definen la xentrificación como "la tresformación d'ún área vacía o de población trabayadora del centru d'una ciudá nún barriu residencial de clas media y/o d'usu comercial".
- ↑ «Baffled City: Exploring the architecture of gentrification». Texas Observer. 5 de marzu de 2020. https://www.texasobserver.org/gentrification-architecture/. Consultáu'l 21 de xunu de 2020.
- ↑ «Gentrification and the Heterogeneous City: Finding a Role for Design». The Plan 1 (2). 2016. doi:. http://www.theplanjournal.com/article/gentrification-and-heterogeneous-city-finding-role-design.
- ↑ «Health Effects of Gentrification». Centers for Disease Control and Prevention (EEXX) (24 de marzu de 2015). Consultáu'l 29 d'abril de 2022.
- ↑ Morisson A, Bevilacqua C, Balancing gentrification in the knowledge economy: the case of Chattanooga's innovation district. Urban Research & Practice, 12(4):472-492. doi:10.1080/17535069.2018.1472799.